IND vs NZ 1st T20: இன்று இந்தியா – நியூசிலாந்து முதல் டி20 போட்டி! யாருக்கு சாதகம்..? பிட்ச் ரிப்போர்ட், அணி விவரம் இதோ!

இந்தியா மற்றும் நியூசிலாந்து அணிகளுக்கு (IND vs NZ T20 Series) இடையிலான 5 போட்டிகள் கொண்ட டி20 தொடரின் முதல் போட்டி இன்று அதாவது 2026 ஜனவரி 21ம் தேதி நாக்பூரில் நடைபெறுகிறது. இரு அணிகளும் விதர்பா கிரிக்கெட் ஸ்டேடியத்தில் நடக்க இருக்கிறது. இரு அணிகளும் டி20 போட்டிக்கான முற்றிலும் மாற்றப்பட்ட அணியைக் கொண்டிருக்கும். இந்திய அணிக்கு சூர்யகுமார் யாதவும், நியூசிலாந்து அணி மிட்செல் சாண்ட்னரும் தலைமை தாங்குகின்றனர். நியூசிலாந்து மூன்று போட்டிகள் கொண்ட ஒருநாள் தொடரை 2-1 என்ற கணக்கில் வென்றது. எனவே, டி20 போட்டிகளில் ஒருநாள் போட்டியின் தோல்விக்கு பழிவாங்க சூர்யகுமார் யாதவ் (Suryakumar Yadav) தலைமையிலான இந்திய அணி முயற்சிக்கும்.

ALSO READ: பொறுமை இழந்த ஐசிசி.. ஸ்காட்லாந்துக்கு அழைப்பு.. வெளியேறும் வங்கதேசம்..?

விதர்பா கிரிக்கெட் சங்க மைதான பிட்ச் ரிப்போர்ட்:

இந்தியா மற்றும் நியூசிலாந்து அணிகளுக்கு இடையேயான முதல் டி20 போட்டி, பந்து வீச்சாளர்களுக்கு சாதகமாக இருக்கும் கருப்பு மண் ஸ்டேடியத்தில் நடைபெறும். இந்த ஸ்டேடியத்தில் விளையாடிய 13 டி20 போட்டிகளில் அதிக ஸ்கோர்கள் பதிவாகவில்லை. இந்திய அணி இதுவரை இந்த மைதானத்தில் 4 டி20 போட்டிகளில் விளையாடியுள்ளது. இந்த மூன்று போட்டிகளில், இந்திய அணி இரண்டில் வெற்றி பெற்று இரண்டில் தோல்வியடைந்துள்ளது. இந்த மைதானத்தில் மிகக் குறைந்த டி20 ஸ்கோர் என்ற சாதனையை இந்தியா படைத்துள்ளது. 2016 டி20 உலகக் கோப்பையில் நியூசிலாந்து அணிக்கு எதிராக 79 ரன்கள் மட்டுமே எடுத்தது.

இதையும் படியுங்கள்

Ravindra Jadeja: ஒருநாள் போட்டியில் இருந்து ஓய்வா..? ஹிண்ட் கொடுத்த ரவீந்திர ஜடேஜா!

T20 World Cup 2026: பொறுமை இழந்த ஐசிசி.. ஸ்காட்லாந்துக்கு அழைப்பு.. வெளியேறும் வங்கதேசம்..?

T20 World Cup 2026: வங்கதேசத்திற்கு அடுத்தடுத்து சிக்கல்.. டி20 உலகக் கோப்பையில் இருந்து விலகுகிறதா?

Virat Kohli Records: நியூசிலாந்துக்கு எதிரான ஒருநாள் தொடர்.. 7 முக்கிய சாதனைகளை குவித்த விராட் கோலி!

இஷான் கிஷன் 3வது இடத்தில் பேட்டிங்:

இந்தியா – நியூசிலாந்து இடையிலான டி20 போட்டி தொடங்குவதற்கு முன்பே, இந்திய கேப்டன் சூர்யகுமார் யாதவ், இஷான் கிஷன் மூன்றாவது இடத்தில் பேட்டிங் செய்வார் என்று தெளிவுபடுத்தினார். அதன்படி, ஷ்ரேயாஸ் ஐயர் விளையாடும் பதினொன்றில் இடம் பெறமாட்டார் என்பதை தெளிவாக காட்டுகிறது. அபிஷேக் சர்மா மற்றும் சஞ்சு சாம்சன் தொடங்குவார் என்று எதிர்பார்க்கப்படும் நிலையில், டி20 உலகக் கோப்பைக்கான தயாரிப்பில், ரிங்கு சிங் ஒரு போட்டியை முடிக்கும் வீரராகக் கருதப்படலாம்.

போட்டி கணிப்பு:

நியூசிலாந்து அணியில் ரச்சின் ரவீந்திர, டெவன் கான்வே, மார்க் சாப்மேன், டேரில் மிட்செல், மிட்செல் சாண்ட்னர் மற்றும் மேட் ஹென்றி போன்ற சில அற்புதமான வீரர்கள் உள்ளனர். ஆனால், எங்கள் போட்டி கணிப்பு இன்னும் இந்த போட்டியில் இந்திய அணியே முன்னிலை வகிக்கிறது என்பதைக் காட்டுகிறது. போட்டி 60-40 என சமநிலையில் இருப்பதால், இந்தியா வெற்றி பெற அதிக வாய்ப்பு உள்ளது. டாஸ் மிக முக்கியமானதாக இருக்கும். சேஸிங் செய்யும் நியூசிலாந்து அணிக்கு அதிர்ச்சி அளிக்கக்கூடும்.

ALSO READ: ஒருநாள் போட்டியில் இருந்து ஓய்வா..? ஹிண்ட் கொடுத்த ரவீந்திர ஜடேஜா!

கணிக்கப்பட்ட நியூசிலாந்து அணி:

டிம் ராபின்சன், டெவன் கான்வே, ரச்சின் ரவீந்திர, மார்க் சாப்மேன், டேரில் மிட்செல், மைக்கேல் பிரேஸ்வெல், ஜேம்ஸ் நீஷம், மிட்செல் சாண்ட்னர் (கேப்டன்), இஷ் சோதி, மேட் ஹென்றி மற்றும் ஜேக்கப் டஃபி.

கணிக்கப்பட்ட இந்திய அணி:

அபிஷேக் சர்மா, சஞ்சு சாம்சன், இஷான் கிஷன், சூர்யகுமார் யாதவ், சிவம் துபே, ஹர்திக் பாண்டியா, அக்சர் படேல், குல்தீப் யாதவ், வருண் சக்ரவர்த்தி, ஜஸ்பிரித் பும்ரா மற்றும் அர்ஷ்தீப் சிங்