IND vs NZ ODI Series: நியூசிலாந்து தொடருக்கான இந்திய ஒருநாள் அணி எப்போது அறிவிக்கப்படும்? கிடைத்த முக்கிய அப்டேட்!
India ODI Squad: இந்தியா - நியூசிலாந்து அணிக்கு இடையிலான ஒருநாள் தொடருக்கான சுப்மன் கில் மீண்டும் இந்திய அணியை வழிநடத்தக்கூடும். முன்னதாக, தென்னாப்பிரிக்காவுக்கு எதிரான ஒருநாள் தொடருக்கு கே.எல். ராகுல் தலைமை தாங்கினார். அந்தத் தொடரை இந்தியா 2-1 என்ற கணக்கில் வென்றது.
2025ம் ஆண்டின் இறுதியில் தென்னாப்பிரிக்காவுக்கு எதிரான டி20 மற்றும் ஒருநாள் தொடர்களின் வெற்றிக்கு பிறகு, இந்திய கிரிக்கெட் அணி 2026ம் ஆண்டை நியூசிலாந்துக்கு (IND vs NZ) எதிரான சொந்த மண்ணில் தொடங்கும். இரு அணிகளும் முதலில் 3 போட்டிகள் கொண்ட ஒருநாள் தொடரிலும், அதைத் தொடர்ந்து 5 டி20 சர்வதேச போட்டிகளிலும் விளையாடும். ஒருநாள் தொடரின் முதல் போட்டி வருகின்ற 2026ம் ஆண்டு ஜனவரி 11ம் தேதி வதோதராவில் நடைபெற உள்ளது. இருப்பினும், நியூசிலாந்து அணிக்கு எதிரான டி20 அணியை இந்தியா அறிவித்துள்ள நிலையில், ஒருநாள் தொடருக்கான இந்திய அணி (Indian Cricket Team) இன்னும் அறிவிக்கப்படவில்லை. இது தொடர்பாக ஒரு முக்கியமான அப்டேட் இப்போது வெளியாகியுள்ளது.
ALSO READ: டி20 உலகக் கோப்பை முதல் ஆசிய விளையாட்டுப் போட்டி வரை.. இந்திய கிரிக்கெட் அணியின் அட்டவணை!
ஒருநாள் அணி தேர்வு குறித்த முக்கிய அப்டேட்:
ஊடக அறிக்கைகளின்படி, அஜித் அகர்கர் தலைமையிலான தேர்வுக் குழு வருகின்ற 2026ம் ஆண்டு ஜனவரி 4ம் தேதிக்குள் இந்தியாவின் ஒருநாள் அணியை அறிவிக்கும் என்று எதிர்பார்க்கப்படுகிறது. டைம்ஸ் ஆஃப் இந்தியாவின் படி, தேர்வாளர்கள் 2026ம் ஆண்டு ஜனவரி 4ம் தேதி அல்லது 2026ம் ஆண்டு ஜனவரி 4ம் தேதிக்குள் இந்திய அணி குறித்த தங்கள் முடிவை அறிவிப்பார்கள் என்று எதிர்பார்க்கப்படுகிறது. இந்த அணி தேர்வின்போது சுப்மன் கில் வீடியோ கான்பரன்சிங் மூலம் கூட்டத்தில் பங்கேற்கலாம். சுப்மன் கில் தற்போது 2025-26 விஜய் ஹசாரே டிராபியில் பஞ்சாப் அணிக்காக விளையாடி வருகிறார். அதனால்தான், கில் தேர்வுக் கூட்டத்தில் நேரில் கலந்து கொள்ள முடியாத சூழல் ஏற்பட்டுள்ளது.
இந்திய அணியின் துணை கேப்டனாக யார்..?
இந்தியா – நியூசிலாந்து அணிக்கு இடையிலான ஒருநாள் தொடருக்கான சுப்மன் கில் மீண்டும் இந்திய அணியை வழிநடத்தக்கூடும். முன்னதாக, தென்னாப்பிரிக்காவுக்கு எதிரான ஒருநாள் தொடருக்கு கே.எல். ராகுல் தலைமை தாங்கினார். அந்தத் தொடரை இந்தியா 2-1 என்ற கணக்கில் வென்றது. இப்போது, கில்லை மீண்டும் கேப்டனாக நியமிப்பது குறித்து தேர்வாளர்கள் பரிசீலித்து வருகின்றனர். இதற்கிடையில், துணை கேப்டன் ஷ்ரேயாஸ் ஐயர் மீண்டும் அணிக்குத் திரும்புவது குறித்த சூழலும் இன்னும் தெரியவில்லை. மேலும் இதுகுறித்தும் கூட்டத்தில் இறுதி முடிவு எடுக்கப்படும்.
நியூசிலாந்து அணி அறிவிப்பு:
இந்திய ரசிகர்கள் தங்கள் இந்திய அணிக்காகக் காத்திருக்கும் வேளையில், நியூசிலாந்து தனது ஒருநாள் மற்றும் டி20 அணிகளை அறிவித்துள்ளது. ஆல்ரவுண்டர் மைக்கேல் பிரேஸ்வெல் ஒருநாள் தொடரில் நியூசிலாந்து அணிக்கு கேப்டனாக நியமிக்கப்பட்டுள்ளார். கேப்டன் மிட்செல் சாண்ட்னர் ஒருநாள் தொடரில் பங்கேற்க மாட்டார். ஆனால், இந்திய அணிக்கு எதிரான டி20 தொடரில் மிட்செல் சாண்ட்னர் அணியை வழிநடத்துவார்.
ALSO READ: ஒருநாள் தொடருக்கான இந்திய அணி.. 3 முக்கிய வீரர்கள் நீக்கப்பட வாய்ப்பு.. பிசிசிஐ பிளான் என்ன?
நியூசிலாந்து விளையாடும் 11
மைக்கேல் பிரேஸ்வெல் (கேப்டன்), ஆதித்யா அசோக், கிறிஸ்டன் கிளார்க், ஜோஷ் கிளார்க்சன், டெவன் கான்வே, ஜாக் ஃபோக்ஸ், மிட்ச் ஹே (விக்கெட் கீப்பர்), கைல் ஜேமிசன், நிக் கெல்லி, ஜெய்டன் லெனாக்ஸ், டேரில் மிட்செல், ஹென்றி நிக்கோல்ஸ், க்ளென் பிலிப்ஸ், மைக்கேல் ரே, வில் யங்
