IND vs AUS: 437 நாட்களுக்கு பிறகு! ஒருநாள் போட்டியில் தோல்வியை சந்தித்த இந்திய அணி!
Indian Crickket Team: இலங்கைக்கு எதிரான தோல்விக்குப் பிறகு, சொந்த மண்ணில் நடந்த இங்கிலாந்துக்கு எதிராக விளையாடிய 3 போட்டிகளிலும் இந்தியா வெற்றி பெற்றது. பின்னர் சாம்பியன்ஸ் டிராபியில் 5 போட்டிகளில் 5 போட்டிகளில் வென்றது. அதேபோல், இந்தியா ஒரு போட்டியில் கூட தோல்வியடையாமல் சாம்பியன்ஸ் டிராபியை வென்றது.
ஆஸ்திரேலிய சுற்றுப்பயணத்தில் இந்திய அணி (IND vs AUS) தோல்வியுடன் தொடங்கியுள்ளது. இரு அணிகளுக்கும் இடையிலான முதல் ஒருநாள் போட்டியில் இந்திய அணி அவமானகரமான தோல்வியைச் சந்தித்தது. இதன் மூலம், ஒருநாள் கிரிக்கெட்டில் இந்தியாவின் ஆட்சி 438 நாட்களுக்குப் பிறகு முடிவுக்கு வந்தது. இதற்கிடையில், ஒருநாள் கேப்டனாக சுப்மன் கில் (Shubman Gill) தனது முதல் போட்டியிலேயே தோல்வியை சந்திக்க வேண்டியிருந்தது. ஆஸ்திரேலிய சுற்றுப்பயணத்தில் பெர்த்தில் நடந்த முதல் ஒருநாள் போட்டியில் ஆஸ்திரேலியா 7 விக்கெட் வித்தியாசத்தில் வெற்றி பெற்றது. மழையால் குறுக்கிட்ட இந்த போட்டி தலா 26 ஓவர்களுக்கு நடத்தப்பட்டது. முதலில் பேட்டிங் செய்த இந்திய அணி 26 ஓவர்களில் 9 விக்கெட்டுகளுக்கு 136 ரன்கள் எடுத்தது. இருப்பினும், டக்வொர்த் லீவிஸ் விதிகளின்படி ஆஸ்திரேலிய அணிக்கு 131 ரன்கள் மட்டுமே இலக்காக நிர்ணயிக்கப்பட்டது. இலக்கை துரத்திய ஆஸ்திரேலிய அணி வெறும் 21.1 ஓவர்களில் 3 விக்கெட்டுகளை மட்டுமே இழந்து வெற்றி பெற்றது.
ALSO READ: சொற்ப ரன்களில் சோகம்… அடுத்தடுத்து ஆட்டமிழந்து ரோஹித் – கோலி ஏமாற்றம்!
இந்தத் தோல்வியின் மூலம், 437 நாட்களுக்குப் பிறகு ஒருநாள் கிரிக்கெட்டில் தனது முதல் தோல்வியை இந்திய அணி சந்திக்க வேண்டியிருந்தது. இந்திய அணி கடைசியாக கடந்த 2024ம் ஆண்டு ஆகஸ்ட் 4ம் தேதி இலங்கைக்கு எதிரான ஒருநாள் கிரிக்கெட் போட்டியில் தோல்வியடைந்தது. அதன் பிறகு, இந்திய அணி வெற்றிப் பாதைக்குத் திரும்பி, தனது தோல்வியற்ற பயணத்தைத் தொடர்ந்தது.
இலங்கைக்கு எதிரான தோல்விக்குப் பிறகு, சொந்த மண்ணில் நடந்த இங்கிலாந்துக்கு எதிராக விளையாடிய 3 போட்டிகளிலும் இந்தியா வெற்றி பெற்றது. பின்னர் சாம்பியன்ஸ் டிராபியில் 5 போட்டிகளில் 5 போட்டிகளில் வென்றது. அதேபோல், இந்தியா ஒரு போட்டியில் கூட தோல்வியடையாமல் சாம்பியன்ஸ் டிராபியை வென்றது. ஆனால் இப்போது, ஆஸ்திரேலியாவுக்கு எதிரான தோல்வியுடன் இந்தியாவின் வெற்றித் தொடர் முடிவுக்கு வந்துள்ளது. மேலும், 2025ம் ஆண்டு நடைபெற்ற ஒருநாள் போட்டியில் இந்திய அணி பெற்ற முதல் தோல்வி இதுவாகும்.
ALSO READ: தீபாவளி பரிசை தர தவறிய இந்திய அணி.. ஆஸ்திரேலியாவிற்கு எதிரான முதல் போட்டியில் தோல்வி!
தோல்விக்கு பிறகு சுப்மன் கில் பேச்சு:
தோல்விக்கு பிறகு பேசிய சுப்மன் கில், “பவர்பிளேயில் 3 விக்கெட்டுகளை இழக்கும்போது அது ஒருபோதும் எளிதானது அல்ல. நீங்கள் எப்போதும் மீண்டும் வெற்றி பெற முயற்சி செய்கிறீர்கள். இந்த போட்டியில் இருந்து கற்றுக்கொள்ள நிறைய இருந்தது. 26 ஓவர்களில் 130 ரன்களை பாதுகாத்து போட்டியை ஆழமாக எடுத்துக்கொண்டோம், எனவே நாங்கள் அதில் திருப்தி அடைகிறோம். நாங்கள் எங்கு விளையாடினாலும், ரசிகர்கள் அதிக எண்ணிக்கையில் வருவது எங்கள் அதிர்ஷ்டம். அடிலெய்டிலும் அவர்கள் எங்களை உற்சாகப்படுத்துவார்கள் என்று நம்புகிறோம்.”
