Vegetables Cleaning: காய்கறிகளை சரியான முறையில் கழுவுவது ஏன் முக்கியம்..? இது இவ்வளவு ஆபத்தானதா?
How to Clean Vegetables: காய்கறிகள் நமது உணவுச் சங்கிலியின் ஒரு முக்கிய பகுதியாகும். மேலும் இவை ஆரோக்கியத்திற்கும் மிகவும் நன்மை பயக்கும். ஆனால் சில நேரங்களில் காய்கறிகளை அறுவடை செய்வதற்கு முன்பு பூச்சிக்கொல்லிகள் தெளிக்கப்படுகின்றன. இதனுடன், காய்கறிகளில் மண்ணும் இருக்கும். காய்கறிகளை சரியாகக் கழுவவில்லை என்றால், கிருமிகள் (Germs) உடலில் நுழையக்கூடும்.
நாம் தினமும் ஆரோக்கியமாக இருக்க தினமும் காய்கறிகள் (vegetables) சார்ந்த உணவுகளை எடுத்து கொள்கிறோம். காய்கறிகள் நமது உணவுச் சங்கிலியின் ஒரு முக்கிய பகுதியாகும். மேலும் இவை ஆரோக்கியத்திற்கும் மிகவும் நன்மை பயக்கும். ஆனால் சில நேரங்களில் காய்கறிகளை அறுவடை செய்வதற்கு முன்பு பூச்சிக்கொல்லிகள் தெளிக்கப்படுகின்றன. இதனுடன், காய்கறிகளில் மண்ணும் இருக்கும். காய்கறிகளை சரியாகக் கழுவவில்லை என்றால், கிருமிகள் (Germs) உடலில் நுழையக்கூடும். இதுபோன்ற சூழ்நிலையில், காய்கறிகளை முறையாக சுத்தம் செய்வது மிகவும் முக்கியம் இல்லையெனில் இந்த அழுக்கு காய்கறிகள் மூளையில் புழுக்களை ஏற்படுத்தும்.
ALSO READ: எந்த காய்கறிகளை மீண்டும் சூடுபடுத்தக்கூடாது? ஏன் இவற்றை சாப்பிடக்கூடாது?
மூளைப் புழுக்கள் என்றால் என்ன..?
மூளைப் புழுக்கள் என்றால் என்ன, அவை எப்படி இருக்கும், அவற்றைத் தவிர்க்க காய்கறிகளை எப்படிக் கழுவ வேண்டும் என்பதை தெரிந்து கொள்வது முக்கியம். நியூரோசிஸ்டிசெர்கோசிஸ் எனப்படும் மூளைப் புழு, டேனியா சோலியம் எனப்படும் புழுவின் முட்டைகளால் ஏற்படுகிறது. இது ஊர்ந்து செல்லும் புழு அல்ல, ஆனால் அதன் முட்டைகள் மண்ணிலோ அல்லது மண்ணில் பரவும் காய்கறிகளிலோ உள்ளன. உதாரணத்திற்கு முட்டைக்கோஸ் போன்றவைகளில் இந்த வகை புழுக்கள் அதிகமாக இருக்கும். இந்த காய்கறிகளை உண்ணும்போது, வயிற்றில் உள்ள அமிலங்களால் கூட இந்த முட்டைகளைக் கொல்ல முடியாது. மேலும், இவை குடல்கள் வழியாக மூளையை அடைகின்றன. இந்த முட்டைகள் மூளைக்கு செல்லும் போது, இவை அங்கு வீக்கத்தை ஏற்படுத்துகின்றன. ஏனெனில் உடல் வெளிப்புற எல்லாவற்றிற்கும் எதிர்வினையாற்றுகிறது.
மூளையில் உள்ள இந்தப் புழுக்களின் முட்டைகள் மூளையில் வீக்கத்தை ஏற்படுத்துகின்றன. நாளடைவில் இந்த வீக்கம் தலைவலி மற்றும் வலிப்புக்களை ஏற்படுத்தும். நியூரோசிஸ்டிசெர்கோசிஸ் குழந்தைகளுக்கு வலிப்பு ஏற்படுவதற்கு ஒரு முக்கிய காரணமாக பார்க்கப்படுகிறது. இந்தப் புழுக்களைத் தவிர்ப்பதற்கான ஒரே வழி காய்கறிகளை முறையாகக் கழுவுவதுதான்.
காய்கறிகளை எவ்வளவு நேரம் கழுவுவது நல்லது..?
மூளையில் புழுக்கள் வளராமல் இருக்க காய்கறிகளைக் கழுவுவது மிகவும் முக்கியம். மருத்துவர்களின் கூற்றுப்படி, காய்கறிகளை சுத்தம் செய்ய, முதலில் அவற்றை ஓடும் நீரில் 5 நிமிடங்கள் நன்கு கழுவ வேண்டும். அதன் பிறகு, காய்கறிகளை நன்றாக உலர்த்தி பின்னரே சமைக்க தொடங்க வேண்டும். மற்றொரு முறை என்னவென்றால், ஒரு டீஸ்பூன் பேக்கிங் சோடாவை 2 கிளாஸ் தண்ணீரில் கலந்து, காய்கறிகளை இந்த நீரில் 5 முதல் 10 நிமிடங்கள் ஊறவைத்து, பின்னர் காய்கறிகளை ஓடும் நீரில் கழுவி, உலர்த்தி, பாதுகாப்பாக பிரிட்ஜிலும் எடுத்து வைக்கலாம்.
ALSO READ: வாங்கிய பச்சை பட்டாணி வாடிவிடுகிறதா? இதை செய்தால் ப்ரஷாக இருக்கும்!
மற்ற காய்கறிகளை காட்டினாலும், முட்டைக்கோஸ் மற்றும் காலிஃபிளவர் போன்ற இலை காய்கறிகளை சிறப்பு கவனத்துடன் கழுவவும். இருப்பினும், மழை மற்றும் குளிர் காலத்தில் பச்சை காய்கறிகளை சாப்பிடுவதைத் தவிர்க்கவும்.
