Laundry Drying Mistakes: துணிகளை காய போடும்போது இந்த தவறுகள் வேண்டாம்.. இது உங்கள் துணிகளை நாசமாக்கும்..!
Dry Clothes Perfectly: துணிகளை சரியாக உலர்த்துவது அவசியம். நேரடி சூரிய ஒளி, இரும்பு கிளிப்புகள், துணிகளை ஒன்றன் மேல் ஒன்றாக அடுக்குவது போன்ற தவறுகள் துணிகளில் கறைகளை ஏற்படுத்தும். தலைகீழாகத் திருப்பி, மர/பிளாஸ்டிக் கிளிப்புகளைப் பயன்படுத்தி, வண்ணத் துணிகளைப் பிரித்து உலர்த்துவதன் மூலம் இவற்றைத் தவிர்க்கலாம்.
மழைக்காலமோ (Rainy Season) அல்லது வெயில் காலமோ எந்த காலமாக இருந்தாலும் துணி துவைப்பது என்பது மிகப்பெரிய வேலை. அதிலும், துணி துவைப்பது (Laundry Drying) மட்டுமின்றி அதை பிழிந்து காயப்போடுவதும், மடித்து வைப்பது என பெரும் வேலையாக இருக்கும். சில பெண்கள் துணிகளை உலர்த்தும்போது சில தவறுகளைச் செய்கிறார்கள். இதனால் துணிகளில் கறைகள் படியும். மேலும் இந்தக் கறைகளை துணிகளிலிருந்து எளிதில் அகற்ற முடியாது. இத்தகைய துணிகளை அணிவது உங்கள் தோற்றத்தைக் கெடுப்பது மட்டுமல்லாமல், அத்தகைய கறைகள் உள்ள ஆடைகளை அணிய முடியாததாகவும் ஆக்குகின்றன. துணிகளை காயப்போடும்போது என்ன விஷயங்களை மனதில் கொள்ள வேண்டும், பெண்கள் மற்றும் ஆண்கள் துணிகளை காயப்போடும்போது என்னென்ன தவறுகளைத் தவிர்க்க வேண்டும் என்பதை இங்கே தெரிந்து கொள்வோம்.
துணிகளை உலர்த்தும்போது இந்த தவறுகளைச் செய்யாதீர்கள்:
சிலர் துவைத்த துணிகளை நேராக மேல் பகுதியில் சூரிய ஒளி படும்படி காயப்போடுவார்கள். ஆனால் எப்போதும் தலைகீழாக அதாவது உட்புறமாக திருப்பி காயப்போட வேண்டும். நேரடி சூரிய ஒளியில் துணிகளை உலர்த்தினால், வடிவமைப்பு மற்றும் நிறம் இரண்டும் மங்கிவிடும். இத்தகைய சூழ்நிலையில், பெண்கள் துணிகளை தலைகீழாக அல்லது உள்ளே வெளியே உலர்த்த வேண்டும்.
ALSO READ: மழைக்காலத்தில் வாகனம் ஓட்டும் நபரா நீங்கள்..? இந்த விஷயங்களில் கவனம்!
பலத்த காற்று வீசும்போது, துணிகள் பறந்து செல்வதைத் தடுக்க கிளிப்களை பயன்படுத்துகிறார்கள். இந்த கிளிப்கள் இரும்பு அல்லது எஃகால் செய்யப்பட்டிருந்தால், அவை துணிகளில் துருப்பிடித்த அடையாளங்களை விட்டுச்செல்லும். இந்த துரு கறைகள் எளிதில் நீங்காது. இதுபோன்ற சூழ்நிலையில், நீங்கள் துணிகளில் கிளிப்களை பயன்படுத்தினாலும், துணிகளைத் தலைகீழாக மாற்றி பக்கவாட்டில் மாட்டவும். துணிகளின் நடுவில் அல்லது எந்த வடிவமைப்பிலும் கிளிப்களை பயன்படுத்த வேண்டாம். மேலும், இரும்பு கிளிப்களை பயன்படுத்துவதற்குப் பதிலாக, மர கிளிப்கள் அல்லது பிளாஸ்டிக் கிளிப்களை பயன்படுத்துங்கள்.
சில நேரங்களில், இடப்பற்றாக்குறை காரணமாக, துவைத்த துணிகளை ஒரு சிலர் துணியின் மேல் மற்றொன்றை போடுவார்கள். ஆனால் இரண்டு ஆடைகளும் ஈரமாக இருப்பதையும், ஒன்றின் நிறம் மற்றொன்றின் மீது படக்கூடும் என்பதையும் மறந்து விடுகிறார்கள். இதன் காரணமாக, வண்ண கறைகள் துணிகளின் மீது படிந்து பிடிவாதமாகிவிடும்.
சிலர் தங்கள் துணிகளை சரியாக பிழிந்து காயப்போடுவது கிடையாது. இதனால் காற்றோடு பறக்கும் தூசி ஈரமான துணிகளில் ஒட்டிக்கொள்கிறது. அத்தகைய சூழ்நிலையில், இந்த ஆடைகள் தூசிகள் காரணமாக அழுக்காக மாறிவிடுகிறது. தங்கள் துணிகளை சரியாக பிழிந்து காற்று அல்லது சூரிய ஒளியில் உலர்த்த வேண்டும்.
ALSO READ: குழந்தைகளின் கைவண்ணத்தில் சுவற்றில் கிறுக்கல்களா..? எளிதாக எப்படி பளபளக்க செய்வது..?
நீங்கள் வண்ணத் துணிகளை உலர்த்தினால், வெள்ளைத் துணிகளை ஒன்றாக அருகில் உலர்த்த வேண்டாம். வண்ணத் துணிகளின் அடையாளங்கள் வெள்ளைத் துணிகளில் பட்டால், அது நீங்குவது கடினம். மேலும் ஆடைகளை அணிய முடியாது. இத்தகைய சூழ்நிலையில், வெள்ளை மற்றும் வண்ணத் துணிகளை ஒரே கொடி கயிற்றில் உலர்த்த வேண்டாம். அதன்படி, தனித்தனி கொடிகளில் உலர்த்தலாம். இதனால் அந்த அடையாளங்கள் துணிகளில் படாது.
