அதிகம் பேசும் நபராக நீங்கள்? நல்ல லிசனராக மாறுவதால் ஏற்படும் நன்மைகள்

மாதிரி புகைப்படம்

ஒரு உரையாடல் வெற்றிபெற, பேசுவது மட்டுமல்ல, மற்றவர் சொல்வதைக் கவனமாகக் கேட்பது முக்கியம். இது மிகவும் ஆரோக்கியமான பழக்கம். ஒரு நல்ல லிசனராக (Listener) இருப்பது தனிப்பட்ட வாழ்க்கையில் மட்டுமல்ல, தொழில்முறை வாழ்க்கையிலும் மிகவும் பயனுள்ளதாக இருக்கும். ஒரு நல்ல கேட்பவராக மாறுவது நமது உறவுகளை மேம்படுத்துகிறது, புரிதலை அதிகரிக்கிறது மற்றும் பிரச்னைகளை எளிதில் தீர்க்கிறது. இது உங்கள் சிந்தனையையும் மேம்படுத்தும்.  ஒரு உரையாடலில் (Conversation) பேசுவது எவ்வளவு முக்கியமோ, அந்த அளவக்கு கேட்பதும் முக்கியம். மற்றவர் சொல்வதைக் கவனமாகக் கேட்பது நமது உறவுகளை வலுப்படுத்துகிறது. ஒரு நல்ல லிசனராக எப்படி மாறுவது மற்றும் அதன் நன்மைகள் என்ன என்பது குறித்து இந்த கட்டுரையில் பார்க்கலாம்.

நல்ல லிசனராக இருப்பது எப்படி?

• ஒருவர் பேசும்போது, ஸ்மார்ட்போன் போன்றவற்றில் கவனத்தை சிதறவிடாமல் அவர்களின் கண்களைப் பார்த்து, அவர்கள் சொல்வதில் முழு கவனம் செலுத்துங்கள். இது அவருக்கு நீங்கள் அளிக்கும் மரியாதையைக் காட்டுகிறது.
• ஒருவர் பேசும் போது  அவர்கள் தங்கள் பேச்சை முடிக்கும் வரை குறுக்கிடாமல் கேளுங்கள். அவர்களின் கருத்துக்களை முழுமையாகப் புரிந்துகொண்ட பின்னரே உங்கள் கருத்தை வெளிப்படுத்துங்கள்.

இதையும் படிக்க : மழைக்காலத்தில் சமைக்கும் பொருளை நாசம் செய்யும் ஈரப்பதம்.. பாதுகாப்பது எப்படி..?

• உணர்ச்சிகளைப் புரிந்து கொள்ளுங்கள்.  வார்த்தைகளை மட்டுமல்ல, அவர்களின் குரல் தொனியிலும், உடல் மொழியிலும் வெளிப்படும் உணர்ச்சிகளைப் புரிந்துகொள்ள முயற்சி செய்யுங்கள். இது நீங்கள் எவ்வளவு கவனமாகக் கேட்கிறீர்கள் என்பதைக் காட்டுகிறது.
• கேள்விகளைக் கேளுங்கள். அவர்கள் சொன்னது குறித்து உங்களுக்கு ஏதேனும் சந்தேகம் இருந்தால், தெளிவுபடுத்த சரியான கேள்விகளைக் கேளுங்கள். இது உரையாடலில் நீங்கள் தீவிரமாக பங்கேற்கிறீர்கள் என்பதைக் காட்டுகிறது.
•  உடனடியாக ஒரு முடிவுக்கு வராமல் அவர்கள் சொல்வதை முழுமையாக கேளுங்கள். அவர்களின் பார்வையில் இருந்து சிந்திக்க முயற்சி செய்யுங்கள்.

இதையும் படிக்க : குழந்தைகளின் முன் சண்டைபோடும் பெற்றோரா நீங்கள்? காத்திருக்கும் ஆபத்து!

ஒரு நல்ல லிசனராக இருப்பதன் நன்மைகள்

• நண்பர்கள், குடும்ப உறுப்பினர்கள் மற்றும் சக ஊழியர்களுடனான உங்கள் உறவுகள் வலுவடையும். மக்கள் தங்கள் பேச்சைக் கேட்பவர்கள் மீது அதிக நம்பிக்கையையும் மரியாதையையும் வளர்த்துக் கொள்வார்கள்.
• மற்றவர்களின் கருத்துகளையும் எண்ணங்களையும் நீங்கள் இன்னும் ஆழமாகப் புரிந்து கொள்ள முடியும். இது தவறான புரிதல்களை நீக்கும்.
• ஒரு நல்ல லிசனராக இருப்பது ஒரு பிரச்னையின் அனைத்து பக்கங்களையும் புரிந்துகொண்டு சிறந்த தீர்வுகளைக் கண்டறிய உதவுகிறது.
• தன்னம்பிக்கையை அதிகரிக்கிறது. நீங்கள் ஒரு நல்ல கேட்பவராக இருக்கும்போது, நீங்கள் மிகவும் திறம்பட பேச முடியும். இது உங்கள் தன்னம்பிக்கையை அதிகரிக்கிறது.
• நன்றாகக் கேட்பவராக இருப்பது ஒரு பழக்கம். அதைப் பயிற்சி செய்வதன் மூலம், உங்கள் ஆளுமை மற்றும் உறவுகள் இரண்டும் மேம்படும்.