Budget 2026: இதுவே முதல்முறை.. ஞாயிற்றுக்கிழமை தாக்கலாகும் பட்ஜெட்.. கவனிக்க வேண்டியவை என்ன?
Union Budget 2026 : வரவிருக்கும் 2026 பட்ஜெட் கூட்டத்தொடர் இரண்டு கட்டங்களாக நடைபெறும். ஜனவரி 28 ஆம் தேதி ஜனாதிபதியின் உரையுடன் பட்ஜெட் கூட்டத்தொடர் தொடங்கும். நிதியமைச்சர் நிர்மலா சீதாராமன் பிப்ரவரி 1, 2026 அன்று (ஞாயிற்றுக்கிழமை) பட்ஜெட்டை தாக்கல் செய்வார்.
நாடாளுமன்ற விவகாரங்களுக்கான அமைச்சரவைக் குழு (CCPA) ஜனவரி 7ம் தேதியான புதன்கிழமை கூடியது. பாதுகாப்பு அமைச்சர் ராஜ்நாத் சிங் கூட்டத்திற்குத் தலைமை தாங்கினார். நாடாளுமன்றத்தின் வரவிருக்கும் பட்ஜெட் கூட்டத்தொடருக்கான தேதிகள் முன்மொழியப்பட்டன. வரவிருக்கும் பட்ஜெட் கூட்டத்தொடர் இரண்டு கட்டங்களாக நடைபெறும். பட்ஜெட் கூட்டத்தொடரின் முதல் பகுதி 2026, ஜனவரி 28 முதல் பிப்ரவரி 13 வரை நடைபெறும், இரண்டாம் பகுதி 2026, மார்ச் 9 முதல் ஏப்ரல் 2 வரை நடைபெறும் என தெரிவிக்கப்பட்டுள்ளது
பட்ஜெட் கூட்டத்தொடர் 2026, ஜனவரி 28 ஆம் தேதி ஜனாதிபதியின் உரையுடன் தொடங்கும். நிதியமைச்சர் நிர்மலா சீதாராமன் பிப்ரவரி 1, 2026 ஞாயிற்றுக்கிழமை பட்ஜெட்டை தாக்கல் செய்வார். ஞாயிற்றுக்கிழமையில் பட்ஜெட் தாக்கல் செய்யப்படுவது இதுவே முதல் முறை. இது அவரது தொடர்ச்சியான ஒன்பதாவது பட்ஜெட்டாகும். பட்ஜெட் கூட்டத்தொடரின் இரண்டாம் பகுதி மானியங்களுக்கான கோரிக்கைகள் மற்றும் நிதி மசோதாவை நிறைவேற்றுவதில் கவனம் செலுத்தும் என தெரிகிறது.
Also Read: மின்சார வாகனம் வைத்திருப்போருக்கு ஹேப்பி நியூஸ்.. நெடுஞ்சாலைகளில் வருகிறது சார்ஜிங் ஸ்டேஷன்..
பிப்ரவரி 1 ஆம் தேதி ஞாயிற்றுக்கிழமை
2017 ஆம் ஆண்டு முதல், ஒவ்வொரு ஆண்டும் பிப்ரவரி 1 ஆம் தேதி பட்ஜெட் தாக்கல் செய்யப்பட்டு வருகிறது . இதுவே நடைமுறையாக்கப்பட்டுள்ளது. 2017 ஆம் ஆண்டு, அருண் ஜெட்லி முதல் முறையாக பிப்ரவரி 1 ஆம் தேதி பட்ஜெட் தாக்கல் செய்தார். முன்னதாக, பிப்ரவரி 28 ஆம் தேதி பட்ஜெட் தாக்கல் செய்யப்பட்டது. இந்த ஆண்டு, பிப்ரவரி 1 ஆம் தேதி ஞாயிற்றுக்கிழமை வருகிறது. பிப்ரவரி 1 ஆம் தேதி குரு ரவிதாஸ் ஜெயந்தியும் கொண்டாடப்படுகிறது. ஞாயிற்றுக்கிழமை என்பதால், அரசு அலுவலகங்கள் மற்றும் பங்குச் சந்தைகளும் இருக்காது. அதனால் பங்குச்சந்தையில் பட்ஜெட் தாக்கல் அடுத்த நாளான திங்கள்கிழமை எதிரொலிக்கும் என தெரிகிறது.
Also Read: ரூ.1,464 கோடி போலி ஜிஎஸ்டி பில்…மோசடி முயற்சியில் 4 பேர் கைது…அமலாக்கத்துறை நடவடிக்கை!
சீதாராமன் 9வது முறையாக பட்ஜெட்டை தாக்கல் செய்கிறார்.
நிதியமைச்சர் நிர்மலா சீதாராமன் பிப்ரவரி 1, 2026 அன்று தனது ஒன்பதாவது தொடர்ச்சியான பட்ஜெட்டை தாக்கல் செய்வார். இது ஒரு வரலாற்று நிகழ்வாக அமையவுள்ளது. அதாவது தொடர்ச்சியாக அதிக பட்ஜெட்டுகளை தாக்கல் செய்த முதல் நிதியமைச்சர் என்ற பெருமையை சீதாராமன் பெற உள்ளார். 2025 ஆம் ஆண்டில், அவர் தனது எட்டாவது பட்ஜெட்டை தாக்கல் செய்தார். கடந்த ஆண்டு, அவர் பிரணாப் முகர்ஜியின் சாதனையை சமன் செய்தார். மொரார்ஜி தேசாய் 10 பட்ஜெட்டுகளுடன் அதிக பட்ஜெட்டுகளை தாக்கல் செய்துள்ளார், அதைத் தொடர்ந்து ப. சிதம்பரம் ஒன்பது பட்ஜெட்டுகளுடன் இரண்டாவது இடத்தில் உள்ளார். இந்த பட்ஜெட் கூட்டத்தொடர் 2047 இல் வளர்ந்த இந்தியா என்ற தொலைநோக்கு பார்வையை முன்னேற்றுவதில் கவனம் செலுத்தும்.
