சிகரெட், புகையிலைக்கு கூடுதல் கலால் வரி.. 40% ஜிஎஸ்டி இன்று முதல் அமல்.. எவ்வளவு உயர்வு தெரியுமா?
Additional excise duty on cigarettes and tobacco: சிகரெட், புகையிலைப் பொருட்கள் மற்றும் பான் மசாலா மீது விதிக்கப்படும் 40 சதவீத ஜிஎஸ்டி வரியும், கூடுதல் கலால் வரியும் இன்று முதல் அமலுக்கு வருகிறது. இந்த புதிய முறையின் கீழ், பாக்கெட்டில் குறிப்பிடப்பட்டுள்ள சில்லறை விற்பனை விலையின் அடிப்படையில் ஜிஎஸ்டி வரி கணக்கிடப்படும்.
சிகரெட் மற்றும் புகையிலைப் பொருட்களின் மீது விதிக்கப்படும் 40 சதவீத ஜிஎஸ்டி வரியும், கூடுதல் கலால் வரியும் இன்று (பிப்ரவரி 1) முதல் அமலுக்கு வருகிறது. சரக்கு மற்றும் சேவை வரி (ஜிஎஸ்டி) 2017 ஆம் ஆண்டு ஜூலை 1 ஆம் தேதி நாடு முழுவதும் அமல்படுத்தப்பட்டது. அன்று முதல், சிகரெட், புகையிலைப் பொருட்கள் மற்றும் பான் மசாலா ஆகியவை ‘தீய பழக்கப் பொருட்கள்’ என வகைப்படுத்தப்பட்டு, அவற்றின் மீது 28 சதவீத ஜிஎஸ்டி வரி விதிக்கப்பட்டது.
கடந்த ஆண்டு (2025) இறுதியில், நாடாளுமன்றத்தின் குளிர்காலக் கூட்டத்தொடரின் போது, புகையிலை மற்றும் பிற தீய பழக்கப் பொருட்களுக்கான வரி திருத்தப்பட்டது. அதன்படி, சிகரெட் மற்றும் புகையிலை மீதான ஜிஎஸ்டி வரி 28 சதவீதத்திலிருந்து 40 சதவீதமாக உயர்த்தப்பட்டது. இது நடப்பு ஆண்டின் (2026) பிப்ரவரி 1 ஆம் தேதி முதல் அமலுக்கு வரும் என்றும் அறிவிக்கப்பட்டது.
இதையும் படிங்க : Gold Price : ஒரே நாளில் ரூ.7,600 குறைந்த தங்கம் விலை.. நிம்மதி பெருமூச்சு விட்ட சாமானியர்கள்!
இன்று முதல் அமலானது:
இந்தச் சூழ்நிலையில், சிகரெட், புகையிலைப் பொருட்கள் மற்றும் பான் மசாலா மீது விதிக்கப்படும் 40 சதவீத ஜிஎஸ்டி வரியும், கூடுதல் கலால் வரியும் இன்று முதல் அமலுக்கு வருகிறது. இந்த புதிய முறையின் கீழ், பாக்கெட்டில் குறிப்பிடப்பட்டுள்ள சில்லறை விற்பனை விலையின் அடிப்படையில் ஜிஎஸ்டி வரி கணக்கிடப்படும்.
பான் மசாலா உற்பத்தியாளர்கள் இன்று முதல் சுகாதார மற்றும் தேசிய பாதுகாப்பு செஸ் சட்டத்தின் கீழ் புதிய பதிவுக்கு விண்ணப்பிக்க வேண்டும். உற்பத்திப் பிரிவுகள் அனைத்து பேக்கிங் இயந்திரங்களையும் உள்ளடக்கிய செயல்படும் கண்காணிப்பு கேமராக்களை நிறுவ வேண்டும். இந்த வீடியோ பதிவுகள் குறைந்தது 24 மாதங்களுக்குப் பாதுகாக்கப்பட வேண்டும்.
இதையும் படிங்க : நடுத்தர மக்களுக்கு நிம்மதி அளிக்குமா பட்ஜெட் 2026.. எதிர்பார்ப்புகள் என்ன என்ன?
நீளத்தின் அடிப்படையில் வரி:
ஒரு சிகரெட்டின் நீளத்தின் அடிப்படையில் ரூ. 2.10 முதல் ரூ. 8.50 வரை கலால் வரி விதிக்கப்படுகிறது. இது 65 மி.மீ சிகரெட்டுக்கு ரூ.2.10, 70 மி.மீ சிகரெட்டுக்கு ரூ. 4, மற்றும் 75 மி.மீ சிகரெட்டுக்கு ரூ. 5.4 என அதிகரிக்கப்பட்டுள்ளது. புதிதாக அமல்படுத்தப்பட்ட 40 சதவீத ஜிஎஸ்டி வரிக்கு கூடுதலாக இந்த வரி விதிக்கப்படும். மெல்லும் புகையிலைக்கு 82 சதவீதமும், குட்காவிற்கு 91 சதவீதமும், பான் மசாலாவிற்கு 88 சதவீதமும் கலால் வரி விதிக்கப்படும். CRISIL Ratings வெளியிட்ட அறிக்கையின்படி, கூடுதல் கலால் வரி விதிக்கப்பட்டதன் காரணமாக, நடப்பு நிதியாண்டில் உள்நாட்டு சிகரெட் சந்தை 68 சதவீதம் வரை சுருங்கக்கூடும் என்று எதிர்பார்க்கப்படுகிறது.
