Health Tips: 30 வயதிற்குப் பிறகு தொப்பை ஏன்..? உடற்பயிற்சி இருந்தாலும் உடலில் கொழுப்பு ஏன் அதிகரிக்கிறது?
Belly Fat after 30: உடலில் ஏற்படும் ஹார்மோன் மாற்றங்கள் இந்த செயல்முறையை துரிதப்படுத்துகின்றன. 30 வயதிற்குப் பிறகு, வளர்ச்சி ஹார்மோன், டெஸ்டோஸ்டிரோன் மற்றும் ஈஸ்ட்ரோஜன் அளவுகள் குறைகின்றன. அதே நேரத்தில், மன அழுத்த ஹார்மோன் 'கார்டிசோல்' அதிகரிக்கிறது. கொழுப்பு கல்லீரல், சர்க்கரை அல்லது அதிக ட்ரைகிளிசரைடுகள் உள்ளவர்களுக்கு இது இன்னும் மோசமாகும்.
நீங்கள் 30 வயதுக்கு மேற்பட்டவராக இருந்து, உங்களுக்கு வயிற்றின் மீது தொப்பை வெளியே வருகிறது என்றால், இந்த செய்தி உங்களுக்கானது. உங்கள் உணவு முறையிலோ அல்லது வழக்கத்திலோ எந்த மாற்றமும் இல்லாவிட்டாலும் இது ஏன் நடக்கிறது என்று என்றாவது நினைத்து பார்த்தது உண்டா..? இது பெரும்பாலும் ஹார்மோன்கள் (Hormones) மற்றும் தசை அறிவியலால் இயக்கப்படும் ஒரு பொதுவான பிரச்சனை. ஹார்வர்ட் மற்றும் ஸ்டான்போர்டைச் சேர்ந்த நிபுணர் மருத்துவர்களின் கூற்றுப்படி, வயது அதிகரிக்கும் போது உடலில் ஏற்படும் உள் மாற்றங்கள் காரணமாக எடை அதிகரிப்பு (Weight Gain) தவிர்க்க முடியாததாகிறது. இதற்குப் பின்னால் உள்ள காரணங்களையும் தீர்வுகளையும் பற்றி இங்கு அறிந்து கொள்வோம்.
தொப்பை கொழுப்பு ஏன் அதிகரிக்கிறது?
30 வயதிற்குப் பிறகு, உடலில் கண்ணுக்கு தெரியாத மாற்றங்கள் ஏற்படத் தொடங்குகின்றன. முக்கிய காரணம் தசை நிறை இயற்கையாகவே குறைவதுதான். உடலின் தசைகள் கலோரிகளை எரிக்க வேலை செய்கின்றன. வயதுக்கு ஏற்ப தசைகள் குறையும் போது, கலோரிகளை எரிக்கும் உடலின் திறனும் குறைகிறது. இதன் விளைவாக, உடல் முன்பு ஜீரணிக்கக்கூடிய உணவு, இப்போது கொழுப்பாக சேமிக்கத் தொடங்குகிறது.
ALSO READ: மாரடைப்பு, பக்கவாதம் வருமோ என்ற பயமா..? இந்த 3 எளிய குறிப்புகள் வராமல் தடுக்கும்!
இரத்த சர்க்கரைக்கும் இன்சுலினுக்கும் உள்ள தொடர்பு:
தசைகள் வலிமையை வழங்குவது மட்டுமல்லாமல், இரத்த சர்க்கரை கட்டுப்பாட்டிலும் முக்கிய பங்கு வகிக்கின்றன. தசைகள் பலவீனமடையும் போது, குளுக்கோஸ் இரத்தத்தில் நீண்ட நேரம் தங்கி, இறுதியில் வயிற்றுப் பகுதியில் கொழுப்பாக படிகிறது.
கூடுதலாக, வயது ஆக ஆக, உடலின் இன்சுலின் உணர்திறன் குறைகிறது. அதாவது, உடலால் முன்பு போல் எளிதாக கார்போஹைட்ரேட்டுகளை (அரிசி, சப்பாத்தி, இனிப்புகள் போன்றவை) பெரியளவில் செரிக்க முடியாது. இதன் காரணமாக, இடுப்பைச் சுற்றி கொழுப்பு அடுக்குகள் சேரத் தொடங்குகின்றன.
ஹார்மோன்கள் மற்றும் மன அழுத்தத்தின் பக்க விளைவுகள்:
உடலில் ஏற்படும் ஹார்மோன் மாற்றங்கள் இந்த செயல்முறையை துரிதப்படுத்துகின்றன. 30 வயதிற்குப் பிறகு, வளர்ச்சி ஹார்மோன், டெஸ்டோஸ்டிரோன் மற்றும் ஈஸ்ட்ரோஜன் அளவுகள் குறைகின்றன. அதே நேரத்தில், மன அழுத்த ஹார்மோன் ‘கார்டிசோல்’ அதிகரிக்கிறது. கொழுப்பு கல்லீரல், சர்க்கரை அல்லது அதிக ட்ரைகிளிசரைடுகள் உள்ளவர்களுக்கு இது இன்னும் மோசமாகும்.
30 வயதிற்குப் பிறகு தொப்பையைக் குறைக்க என்ன செய்ய வேண்டும்?
வலிமை பயிற்சி:
வெறும் நடைபயிற்சி அல்லது ஓடுவதற்குப் பதிலாக தசைகளை வலுப்படுத்தும் பயிற்சிகளில் கவனம் செலுத்துங்கள்.
புரத உட்கொள்ளல்:
உங்கள் உணவில் புரதத்தின் அளவை அதிகரிப்பதன்மூலம், தசையை பராமரிக்க உதவும்.
ALSO READ: ஸ்மார்ட்போனை இரவும் பகலும் அதிகமாக பயன்படுத்துகிறீர்களா? எச்சரிக்கை! இவ்வளவு பிரச்சனையை தரும்!
தூக்கத்தின் தரம்:
ஹார்மோன்களை சமநிலையில் வைத்திருக்க ஒவ்வொரு இரவும் 7 முதல் 8 மணி நேரம் போதுமான தூக்கம் கிடைக்கும்.
பதப்படுத்தப்பட்ட உணவை தவிர்த்தல்:
பதப்படுத்தப்பட்ட மற்றும் அதிக இனிப்பு உணவுகளை முடிந்தளவில் தவிர்ப்பது நல்லது.
அதன்படி, 30 வயதிற்கு பிறகு, சில வாழ்க்கை முறை மாற்றங்களைச் செய்வதன் மூலம் அதை நிச்சயமாகக் கட்டுப்படுத்தலாம்.
