Tomatoes Benefits: பச்சையாக தக்காளி சாப்பிட பிடிக்குமா? இவ்வளவு ஆரோக்கிய நன்மைகள் கிடைக்கும்!
Raw Tomatoes Benefits: தக்காளி சாற்றை பச்சையாகவோ அல்லது தோலையோ எடுத்து, சருமத்தில் தோன்றும் கரும்புள்ளிகள் உள்ள இடங்களில் தேய்க்கவும். இவை கரும்புள்ளிகள் மற்றும் பழுப்பு நிறத்தை நீக்க பெரிதும் உதவி செய்யும். தக்காளி சருமத்தின் பிரகாசத்தை அதிகரிக்கவும், சருமத்தின் ஈரப்பதத்தை பராமரிக்கவும் உதவுகிறது.
இந்தியாவில் தக்காளி இல்லாமல் எந்தவொரு சமையலும் செய்ய முடியாது. தக்காளியை பலரும் சமையலுக்காகவும் சரும அழகுக்காகவும் பயன்படுத்தப்படுகிறது. சமைக்கும்போது தக்காளி பெரும்பாலும் வேகவைத்த பின்னரே பயன்படுத்துகிறோம். இருப்பினும், பச்சையாக தக்காளியை (Tomato) சாப்பிடுவது ஆரோக்கியத்திற்கு நல்லது என்று சுகாதார நிபுணர்கள் கூறுகின்றனர். நீங்கள் சாலட்களில் பச்சையாக தக்காளியை சாப்பிடலாம். ஆனால், தக்காளியை சிறு வயதுக்கு பிறகு, எப்போதாவது பச்சையாக சாப்பிட்டு இருக்கிறீர்களா..? தக்காளியை பச்சையாக சாப்பிடுவதற்கு முன்பு நன்றாக கழுவ வேண்டும். இதனால் எந்தவிதமான வயிற்று பிரச்சனை ஏற்படாது. அதேநேரத்தில் இவற்றை அதிக அளவில் அல்லது ஒவ்வொரு நாளும் சாப்பிட வேண்டாம். பின்னர் வயிற்று பிரச்சனைகள் (Stomach problems) அதிகரிக்கக்கூடும். இந்தநிலையில், தக்காளியை பச்சையாக சாப்பிடுவது ஏன் உங்கள் ஆரோக்கியத்திற்கு நல்லது என்பதை தெரிந்து கொள்வோம்.
ALSO READ: ஒரே ஒரு ஏலக்காயில் இத்தனை நன்மைகளா? இனி ஆரோக்கியம் அள்ளும்!
பச்சையாக தக்காளி சாப்பிடுவதால் ஏற்படும் நன்மைகள்:
- தக்காளியை பச்சையாக சாப்பிடுவதால் உடலில் வைட்டமின் சி குறைபாடு ஏற்படாது. ஏனெனில் தக்காளியில் வைட்டமின் சி அதிகம் உள்ளது. தக்காளியில் உள்ள பல்வேறு பொருட்கள் பல நாள்பட்ட நோய்களைக் குறைக்க உதவுகின்றன.
- பச்சையாக தக்காளி சாப்பிடுவது கண் ஆரோக்கியத்திற்கும் நல்லது. அதாவது, பார்வை கூர்மையாக இருக்கும். பச்சையாக தக்காளி சாப்பிடும் பழக்கம் எடை குறைப்பிற்கும் உதவுகிறது. பச்சையாக தக்காளி சாப்பிடுவது உடலில் ஏற்படும் அழற்சியின் பிரச்சனையைக் குறைக்கிறது. இதில் லைகோபீன் என்ற ஆக்ஸிஜனேற்றம் உள்ளது.
- பச்சையாக தக்காளி சாப்பிடுவது சருமம் மற்றும் முடியின் ஆரோக்கியத்திற்கும் நல்லது. பச்சையாக தக்காளி சாப்பிடுவது சருமம் மற்றும் முடியின் பளபளப்பை அதிகரிக்கிறது. பச்சையாக தக்காளி சாப்பிடுவது நம் உடலில் உள்ள கெட்ட கொழுப்பின் அளவைக் குறைக்கிறது. இதன் விளைவாக, இதயத்தின் ஆரோக்கியம் நன்றாக இருக்கும்.
- தக்காளியில் உள்ள லைகோபீன் நமது இதயத்தையும் கண்களையும் கவனித்துக்கொள்கிறது. இது வீக்கம் மற்றும் நாள்பட்ட நோய்களைக் குறைக்கிறது. தக்காளியில் வைட்டமின்கள் சி மற்றும் ஏ, நார்ச்சத்து மற்றும் பொட்டாசியம் உள்ளன. இவற்றை சாப்பிடுவது நோய் எதிர்ப்பு சக்தியை அதிகரிக்கிறது. இரத்த அழுத்தத்தைக் குறைப்பதனுடன், செரிமானத்தை மேம்படுத்துகிறது.
- பச்சையான தக்காளியைக் கொண்டு உங்கள் சருமத்தை நன்றாகப் பராமரிக்க முடியும்.
பச்சை தக்காளி சரும ஆரோக்கியத்தை பேணுவது எப்படி..?
தக்காளி சாற்றை பச்சையாகவோ அல்லது தோலையோ எடுத்து, சருமத்தில் தோன்றும் கரும்புள்ளிகள் உள்ள இடங்களில் தேய்க்கவும். இவை கரும்புள்ளிகள் மற்றும் பழுப்பு நிறத்தை நீக்க பெரிதும் உதவி செய்யும். தக்காளி சருமத்தின் பிரகாசத்தை அதிகரிக்கவும், சருமத்தின் ஈரப்பதத்தை பராமரிக்கவும் உதவுகிறது. எனவே, தக்காளியின் உதவியுடன், உங்கள் சருமத்தை சுத்தமாக வைத்திருக்கலாம். வீட்டிலேயே ஃபேஸ் பேக் அல்லது ஃபேஸ் ஸ்க்ரப் செய்தால், அதில் தக்காளி சாறு அல்லது தோலை கலக்கலாம்.
ALSO READ: காலையில் எழுந்ததும் எந்த பானம் குடிக்க சிறந்தது..? மருத்துவர் ராஜா கொடுத்த அட்வைஸ்!
சமைத்த தக்காளியை விட பச்சையாக தக்காளி சாப்பிடுவது அதிக நன்மை பயக்கும். தக்காளி உடலை நீரேற்றமாக வைத்திருக்க உதவுகிறது. நீங்கள் சாலட்களாகவோ அல்லது தக்காளி ஜூஸாகவோ தயாரித்து சாப்பிடலாம்.
