உங்கள் முகத்தில் இந்த அறிகுறிகள் இருக்கா? உடலில் கொலஸ்ட்ரால் அதிகம் இருக்கலாம்!
Face Signs of Cholesterol: மாறி வரும் உணவுப் பழக்கம் காரணமாக மக்கள் இளம் வயதியிலேயே உடல் நலக்குறைவால் அவதிக்குள்ளாகி வருகின்றனர். குறிப்பாக உடலில் கொலஸ்ட்ரால் அதிகரிப்பதால் அவை உடலுக்கு மோசமான விளைவுகளை ஏற்படுத்தும். முகத்தில் தெரியும் சில அறிகுறிகளை வைத்து கொலஸ்ட்ரால் அதிகரித்திருப்பதை கண்டுபிடிக்கலாம்.
உடலில் கெட்ட கொலஸ்ட்ரால் (Cholesterol) அதிகரிப்பது ஆபத்தானது என்று மருத்துவர்கள் எச்சரித்து வருகின்றனர். கொலஸ்ட்ரால் பற்றி அறிய, லிப்பிட் சோதனை மூலம் மட்டுமே நீங்கள் அறிய முடியும். ஆனால் கெட்ட கொலஸ்ட்ராலான எல்டிஎல் உடலில் அதிகரிக்கத் தொடங்கியுள்ளதைக் குறிக்கும் சில அறிகுறிகள் உடலில் தோன்றும். சரியான நேரத்தில் இந்த அறிகுறிகளைப் புரிந்து கொண்டால், வாழ்க்கை முறை மற்றும் உணவு முறை மாற்றங்கள் மூலம் அவற்றைக் கட்டுப்படுத்தலாம். உங்கள் முகத்தில் தெரியும் சில அறிகுறிகளை வைத்து நமக்கு கொலஸ்ட்ரால் இருப்பதை தெரிந்துகொள்ளலாம். இது குறித்து இந்த கட்டுரையில் விரிவாக பார்க்கலாம்.
மனித உடலில் நல்ல கொலஸ்டிரால் (HDL) மற்றும் கெட்ட கொலஸ்ட்ரால் (LDL) என கொலஸ்ட்ரால் இரண்டு வகைப்படும். உடலுக்கு கொலஸ்ட்ரால் தேவையானது தான், ஆனால் கெட்ட கொலஸ்ட்ரால் அளவு அதிகரித்தால் இதய ஆரோக்கியத்துக்கு பெரும் ஆபத்தை ஏற்படுத்தும்.
மஞ்சள் தோல்
முகத்தில் மஞ்சள் நிறம் தென்பட்டால், அது மோசமான இரத்த ஓட்டத்திற்கான அறிகுறி.. உடலில் கெட்ட கொலஸ்ட்ரால் அதிகரிக்கும் போது, அது இரத்த ஓட்டத்தைத் தடுக்கிறது. இதன் காரணமாக, தோலில் மஞ்சள் நிறம் தோன்றத் தொடங்குகிறது.
இதையும் படிக்க : இதயத்தை இரும்பைப் போல் வலுவாக்க வேண்டுமா..? தினமும் இதை செய்தால் போதும்!
முகத்தில் பருக்கள் தோன்றும்
சில நேரங்களில் முகத்தில் சிறிய பருக்கள் தோன்றும். இது வலியின்றி நடக்கும். இதுபோன்ற சிறிய பருக்கள் புறக்கணிக்கப்படுகின்றன. ஆனால் பொதுவாக கண்களைச் சுற்றி உருவாகும் இந்த பருக்கள் அதிக கெட்ட கொழுப்பைக் குறிக்கின்றன.
கண்களைச் சுற்றி மஞ்சள் புள்ளிகள்
கெட்ட கொழுப்பு அதிகரிக்கும் போது, வெளிர் மஞ்சள் நிற தடிப்புகள் மற்றும் கண்களைச் சுற்றி சில சிறிய மஞ்சள் பருக்கள் தோன்றும். இதுபோன்ற அறிகுறிகள் தோன்றினால், அவை உடலில் கெட்ட கொழுப்பின் அதிகரித்துள்ளதாக அடையாளம் காணலாம்.
முகத்தில் வீக்கம்
முகத்தில் வீக்கத்திற்கு பல காரணங்கள் இருக்கலாம். ஆனால் சில நேரங்களில் இந்த வீக்கம் அதிகரித்த கெட்ட கொழுப்பாலும் ஏற்படலாம். இது முகத்தை வீங்கியதாகத் தோற்றமளிக்கிறது. அல்லது தோல் முற்றிலும் வறண்டு போகும்.
இதையும் படிக்க : காருக்குள் தண்ணீர் பாட்டிலை வைத்து செல்லும் பழக்கமா..? எச்சரிக்கை! புற்றுநோயை உண்டாக்கும்!
கெட்ட கொலஸ்ட்ராலை குறைக்க என்ன செய்ய வேண்டும்?
கொழுப்பு அதிகமான உணவுகளை தவிர்க்கவும்
பழங்கள், காய்கறிகள் அதிகம் உட்கொள்ளவும்
ஒமேகா 3 கொழுப்பு அமிலம் கொண்ட மீன் பருப்பு வகைகளை பயன்படுத்தவும்.
தினசரி உடற்பயிற்சி செய்வது நல்லது.
புகைப்பிடித்தல் மற்றும் மது அருந்துதலை தவிர்க்கவும்.
