Health Tips: தினமும் ஒரு ஆப்பிள் ஆரோக்கியத்திற்கு வரப்பிரசாதம்.. ஏன் தெரியுமா?
Apple Benefits: ஆப்பிள்களை சரியான அளவில், சரியான முறையில், சரியான நேரத்தில் உட்கொள்வது மலச்சிக்கலில் இருந்து நிவாரணம் அளிக்கும். கொழுப்பின் அளவைக் கட்டுப்படுத்தவும் ஆப்பிள்களைப் பயன்படுத்தலாம். எடையை குறைக்க விரும்புவோர் உங்கள் வழக்கமான உணவில் 1 ஆப்பிளை கட்டாயம் சேர்க்க வேண்டும்.
நல்ல ஆரோக்கியத்தைப் (Health) பராமரிக்க தினமும் ஒரு ஆப்பிளை சாப்பிட வேண்டும் என மருத்துவர்கள் பரிந்துரைக்கின்றனர். இருப்பினும், உங்கள் ஆரோக்கியத்திற்கு சிறந்த பலன்களை பெறுவதற்கு ஆப்பிள் பழத்தை சரியான அளவில், சரியான முறையில், சரியான நேரத்தில் உட்கொள்வதும் அவசியமானது. ஆப்பிள்களில் கார்போஹைட்ரேட்டுகள், புரதம், நார்ச்சத்து, வைட்டமின் சி (Vitamin C), பொட்டாசியம், குர்செடின், கேட்டசின் மற்றும் குளோரோஜெனிக் அமிலம் உள்ளிட்ட பல ஊட்டச்சத்துக்கள் உள்ளன. இவை அனைத்தும் உடல் ஆரோக்கியத்திற்கு சிறந்த வகையில் பலன் தரும்.
ALSO READ: எலுமிச்சை விதைகளை தூக்கி எறிகிறீர்களா? அதில் உள்ள நன்மைகள் தெரியுமா?
ஆப்பிளை எப்போது சாப்பிடுவது நல்லது..?
பழங்கள் எவ்வளவு ஆரோக்கியமானது என்றாலும் இரவில் சாப்பிடுவது வயிற்றுப் பிரச்சினைகளை ஏற்படுத்தும். சில பழங்களை இரவில் சாப்பிடுவது சளி மற்றும் காய்ச்சல் போன்ற பிரச்சினைகளையும் ஏற்படுத்தும். ஒட்டுமொத்தமாக, நீங்கள் நல்ல ஆரோக்கியத்தைப் பராமரிக்க நினைத்தால், காலையில் அல்லது மதிய உணவுக்குப் பிறகு 2 முதல் 3 மணி நேரத்திற்குப் பிறகு எடுத்து கொள்ளலாம்.
அதேபோல், ஆப்பிள்களை சரியான அளவில், சரியான முறையில், சரியான நேரத்தில் உட்கொள்வது மலச்சிக்கலில் இருந்து நிவாரணம் அளிக்கும். கொழுப்பின் அளவைக் கட்டுப்படுத்தவும் ஆப்பிள்களைப் பயன்படுத்தலாம். எடையை குறைக்க விரும்புவோர் உங்கள் வழக்கமான உணவில் 1 ஆப்பிளை கட்டாயம் சேர்க்க வேண்டும். இந்த பழத்தை சரியான நேரத்தில் எடுத்து கொள்வது உங்கள் ஆரோக்கியத்திற்கு ஒரு வரமாக மாறும். ஆப்பிளை தினமும் உட்கொள்வது, கெட்ட கொழுப்பின் அளவைக் குறைப்பது மட்டுமின்றி, பல நோயிலிருந்து உங்களைப் பாதுகாக்கும்.
கெட்ட கொழுப்பைக் குறைக்கும் ஆப்பிள்:
பல ஆரோக்கியத்தை தனக்குள் வைத்திருக்கும் ஆப்பிள்களை உட்கொள்வது கொழுப்பின் அளவை விரைவாகக் குறைக்க உதவுகிறது. எடையை குறைக்க விரும்புவோர் தாராளமாக ஆப்பிள்களை எடுத்து கொள்ளலாம். ஆப்பிள்களில் வைட்டமின் சி மற்றும் தாமிரம், வைட்டமின் கே மற்றும் வைட்டமின் ஈ ஆகியவை உள்ளன. ஆப்பிளில் பெக்டின் (கரையக்கூடிய நார்ச்சத்து) உள்ளது. எனவே, இது கொழுப்பைக் குறைக்க உதவுகிறது. ஆப்பிளில் உள்ள பாலிபினால்கள் இரத்த அழுத்தத்தைக் குறைப்பதன் மூலம் பக்கவாதம் ஏற்படும் அபாயத்தை பல மடங்கு குறைக்கும்.
ALSO READ: முட்டை சாப்பிடுவதால் இருமல் குணமாகுமா..? சரிசெய்யும் எளிய முறைகள்!
ஞாபக மறதி குணமாகும் அருமையான மருந்து:
அமெரிக்கன் ஜர்னல் ஆஃப் கிளினிக்கல் நியூட்ரிஷனில் வெளியிடப்பட்ட ஒரு அறிக்கையின்படி, தினமும் 2 ஆப்பிள்களை உட்கொள்வது இதய நோய் அபாயத்தைக் குறைக்கிறது. மேலும், ஆக்ஸிஜனேற்றிகள் நிறைந்த ஆப்பிள்களை உட்கொள்வது அல்சைமர் மற்றும் பார்கின்சன் போன்ற நினைவாற்றல் இழப்பையும் தடுக்கலாம் என்றும் தெரிவித்துள்ளது. அதேபோல், உடலில் LDL அளவு HDL ஐ விட அதிகமாக இருந்தால், இதய நோய்கள் ஏற்படும் ஆபத்து பல மடங்கு அதிகரிக்கிறது. உடலில் நல்ல கொழுப்பு அதிகமாக இருக்குமா அல்லது கெட்ட கொழுப்பு அதிகமாக இருக்குமா என்பதை உங்கள் உணவு முறை தீர்மானிக்கிறது. ஒரு நாளைக்கு 2 ஆப்பிள்கள் சாப்பிடுவது கெட்ட கொழுப்பின் அளவைக் குறைக்கும் என்று நிபுணர்கள் நம்புகிறார்கள்.
