இந்தியாவின் முதல் இசைச் சாலையானது மும்பையின் நரிமன் பாயின்ட்டிலிருந்து வொர்லி செல்லும் வடக்கு நோக்கிய பாதையில் அமைந்துள்ளது. அங்குள்ள சுரங்கப்பாதையிலிருந்து வெளியே வந்த சிறிது தூரத்தில் சுமார் 500 மீட்டர் நீளத்திற்கு இந்த சிறப்புச் சாலை அமைக்கப்பட்டுள்ளது. இந்தச் சாலையில் செல்லும்போது, ஆஸ்கார் விருது பெற்ற `ஸ்லம்டாக் மில்லியனர்’ திரைப்படத்திற்காக ஏ.ஆர். ரஹ்மான் இசையமைத்த பிரபலமான `ஜெய் ஹோ’ பாடல் ஒலிக்கும்.