Monsoon Health Tips: மழைக்காலத்தில் மிளகின் அதீத பயன்கள்.. சளி, காய்ச்சலை விரட்டியடிக்கும்..!

கருப்பு மிளகின் நன்மைகள்

பருவமழை (Rainy Season) மற்றும் குளிர்காலம் இனிமையான குளிர்ச்சியை தரும். ஆனால், இப்படியான அழகாக பருவ மாற்றம் சில நேரங்களில் நோய்கள் அதிகரிக்கும் அபாயத்தையும் அதிகரிக்கும். மழை மற்றும் குளிர்காலத்தில் நமது நோய் எதிர்ப்பு சக்தி (Immunity) மிகவும் மோசமடையும். மாறிவரும் வெப்பநிலை, ஈரப்பதமான சூழல் மற்றும் சுற்றியுள்ள ஈரப்பதம் பாக்டீரியா மற்றும் வைரஸ்கல் செழித்து வளர செய்யும். இதன் விளைவாக சளி, காய்ச்சல், இருமல், வயிற்றுப்போக்கு, டெங்கு மற்றும் மலேரியா போன்ற நோய்களின் ஆபத்து பல மடங்கு அதிகரிக்கிறது. இதுபோன்ற சூழ்நிலையில், உடலின் நோய் எதிர்ப்பு சக்தியை வலுவாக வைக்க, மிளகு ஏன் அவசியமானது என்பதை இங்கே தெரிந்து கொள்வோம்.

கருப்பு மிளகில் ஆக்ஸிஜனேற்றிகள், பாக்டீரியா எதிர்ப்பு பண்புகள், பைப்பரின் மற்றும் அழற்ஜி எதிர்ப்பு பண்புகள் உள்ளன. இது வாத மற்றும் கப தோஷங்களை சமநிலைப்படுத்தும் சக்தியை கொண்டுள்ளது. இது உடலில் வாத மற்றும் கப தோஷங்கள் சமைநிலையில் வைத்து, சளி அசௌகரியம் குறைந்து செரிமானத்தை பராமரிக்க உதவும்.

ALSO READ: மழைக்காலத்தில் காலையில் எழுந்ததும் தொண்டை வறட்சியா..? இது ஏன் ஏற்படுகிறது?

நீங்கள் சளி மற்றும் இருமலால் அவதிப்பட்டால், தேனுடன் கருப்பு மிளகை சேர்த்து சாப்பிடுவது நன்மை பயக்கும். அதன்படி, 4 முதல் 5 கருப்பு மிளகை அரைத்து, வெதுவெதுப்பான நீரில் தேனை கலந்து குடிக்கலாம். இது வறண்ட மற்றும் சளி இருமல் இரண்டிலிருந்தும் நிவாரணம் அளித்து நோய் எதிர்ப்பு சக்தியை அதிகரிக்கும்.

குளிர்காலத்தில் சிலருக்கு கால்களில் குளிர்ச்சியும், கை மற்றும் கால்களில் மரத்து போதலும் ஏற்படும். இதையடுத்து, இஞ்சி மற்றும் கருப்பு மிளகு சேர்த்து கஷாயம் செய்து சாப்பிடுவது உடலை சூடாக வைத்திருக்க உதவும். அதன்படி, இது உள்ளிருந்து சூடாக்கி, தொண்டையில் உள்ள சளியை குறைக்கும்.

மிளகின் மேலும் சில நன்மைகள்:

கருப்பு மிளகில் ஆன்டிஆக்ஸிடன்ட்கள் நிறைந்துள்ளன. இவை உடலில் குவிந்துள்ள ஃப்ரீ ரேடிக்கல்களைக் குறைக்கின்றன. இது செல்களை சேதத்திலிருந்து பாதுகாக்கிறது. இது வயதான விளைவுகளையும் குறைக்கிறது. உங்கள் சருமத்தை இயற்கையாகவே பளபளப்பாக வைத்திருக்க விரும்பினால், கருப்பு மிளகு உதவும். அதன் ஆக்ஸிஜனேற்ற மற்றும் அழற்சி எதிர்ப்பு பண்புகள் முகப் பிரச்சினைகளைக் குறைத்து, உங்கள் சருமத்திற்கு பளபளப்பைக் கொடுக்கும்.

அதிக உணவை சாப்பிட்ட பிறகு, உங்கள் வயிற்றில் கனமாகவோ அல்லது வாயுவாகவோ அடிக்கடி உணர்கிறீர்கள். அத்தகைய சூழ்நிலையில் கருப்பு மிளகு பயனுள்ளதாக இருக்கும். ஏனெனில் இது வயிற்றில் அமில உற்பத்தி செயல்முறையை மேம்படுத்துகிறது. இதன் காரணமாக, உணவு எளிதில் ஜீரணமாகும்.

ALSO READ: உங்கள் உடல் ஆரோக்கியமாக இருக்கிறதா? இந்த 5 அறிகுறிகள் பதில் சொல்லும்!

கருப்பு மிளகு வளர்சிதை மாற்றத்தையும் துரிதப்படுத்துகிறது. பைப்பரின் என்ற தனிமம் உடலின் ஆற்றலை மேம்படுத்துகிறது. இதன் காரணமாக, கலோரிகளை எரிப்பதும் சீராக நடக்கும். இதை உணவில் சேர்த்துக் கொள்வது எளிதானது மற்றும் நன்மை பயக்கும்.

கருப்பு மிளகு கல்லீரல் ஆரோக்கியத்திற்கும் உதவுகிறது. உடலில் இருந்து நச்சுகளை வெளியேற்றுவதன் மூலம் கல்லீரல் செயல்பாட்டை ஆதரிக்கிறது. இது உடலை இலகுவாகவும் ஆரோக்கியமாகவும் உணர வைக்கிறது.