பராசக்தி ஃபீவர் தொடங்கியது… படக்குழு கொடுத்த சூப்பர் அப்டேட்

பராசக்தி

தமிழ் சினிமாவில் ரசிகர்கள் தற்போது மிகவும் எதிர்பார்த்து காத்திருக்கும் படம் பராசக்தி. இந்தப் படம் நடிகர் சிவகார்த்திகேயன் நடிப்பில் உருவாகி வரும் 25-வது படம் என்பது குறிப்பிடத்தக்கது. முன்னதாக நடிகர் சிவகார்த்திகேயன் நடிப்பில் வெளியான மதராஸி படம் ரசிகர்களிடையே நல்ல வரவேற்பைப் பெற்றது. விமர்சன ரீதியாக படம் ரசிகர்களிடையே வரவேற்பைப் பெற்றது போல வசூல் ரீதியாக நல்ல வரவேற்பைப் பெற்றது. அதன்படி இந்தப் படம் ரூபாய் 100 கோடிகள் வசூலித்தது குறிப்பிடத்தக்கது. இந்தப் படத்தை தொடர்ந்து சிவகார்த்திகேயன் நடிப்பில் தற்போது விறுவிறுப்பாக உருவாகி வரும் படம் பராசக்தி. இந்தி எதிர்ப்பு கொள்கையை மையமாக வைத்து தமிழ் சினிமாவில் உருவாகி வருகின்ற இந்தப் படத்தை இயக்குநர் சுதா கொங்கரா எழுதி இயக்கி உள்ளார். இந்தப் படத்தின் கூட்டணி அறிவித்ததில் இருந்தே படத்தின் மீதான எதிர்பார்ப்பு ரசிகர்களிடையே அதிகரித்து உள்ளது குறிப்பிடத்தக்கது.

இந்தப் படத்தில் நடிகர் சிவகார்த்திகேயன் நாயகனாக நடித்து இருந்த நிலையில் அவருக்கு ஜோடியாக நடிகை ஸ்ரீ லீலா நடித்துள்ளார். மேலும் இந்தப் படத்தில் நடிகர் ரவி மோகன் வில்லன் கதாப்பாத்திரத்தில் நடித்துள்ள நிலையில் இவர்களுடன் இணைந்து நடிகர்கள் அதர்வா, ராணா டகுபதி, பேசில் ஜோசஃப் என பலர் இந்தப் படத்தில் முக்கிய வேடத்தில் நடித்துள்ளனர். மேலும் இந்தப் படத்திற்கு இசையமைப்பாளர் ஜிவி பிரகாஷ் குமார் இசையமைத்துள்ளார். இவர் இசையமைக்கும் 100வது படம் இது என்பது குறிப்பிடத்தக்கது.

பராசக்தி படக்குழு கொடுத்த சூப்பர் அப்டேட்:

பராசக்தி படம் வருகின்ற 14-ம் தேதி ஜனவரி மாதம் 2026-ம் ஆண்டு பொங்கல் பண்டிகையை முன்னிட்டு திரையரங்குகளில் வெளியாக உள்ளது. இந்த படத்தின் வெளியீட்டிற்கு இன்னும் சில நாட்களே உள்ள நிலையில் படத்தின் புரமோஷன் பணிகளை படக்குழு தொடங்க உள்ளது. மேலும் வருகின்ற 18-ம் தேதி டிசம்பர் மாதம் 2025-ம் ஆண்டு எக்ஸ்குளூசிவ் 10 நிமிட வீடியோவை படக்குழு வெளியிட உள்ளதாக அதிகாரப்பூர்வ அறிவிப்பை வெளியிட்டுள்ளது.

Also Read… படப்பிடிப்பை முடித்தது சூர்யா 46 படக்குழு… வைரலாகும் போட்டோஸ்

பராசக்தி படக்குழு வெளியிட்ட எக்ஸ் தள பதிவு:

Also Read… அருண் விஜயின் ரெட்ட தல படத்தினை யார் எல்லாம் பார்க்கலாம்? சென்சார் அப்டேட் இதோ