GV Prakash : பிளாக்மெயில் படம் இப்படித்தான் இருக்கும்.. முதல் விமர்சனம் கொடுத்த ஜி.வி. பிரகாஷ்!

ஜி.வி. பிரகாஷின் பிளாக்மெயில் படம்

தமிழ் சினிமாவில் பிரபல நடிகர்களில் ஒருவராக இருந்து வருபவர் ஜி.வி.பிரகாஷ் குமார் (G.V.Prakash Kumar). இவர் நடிகர் மட்டுமில்லாமல் இசையமைப்பாளரும் கூட, இவரின் நடிப்பில் கடந்த 2025 மார்ச் மாதத்தில் கிங்ஸ்டன் (Kingston) என்ற படமானது வெளியானது. இந்த படமானது இந்தியாவிலே முழுமையாக கடல் சார்ந்த அட்வெஞ்சரஸ் கதைக்களத்தில் வெளியாகியிருந்தது. ஆனால் இப்படம் அவருக்கு அந்தளவிற்கு வரவேற்பை கொடுக்கவில்லை. இந்த படத்தை தொடர்ந்து மேலும் புதிய படங்களில் நடிப்பதற்கு ஜி.வி.பிரகாஷ் குமார் ஒப்பந்தமாகி வருகிறார். அந்த விதத்தில் இயக்குநர் மு.மாறன் (Mu. Maran) இயக்கத்தில் இவர் நடித்திருக்கும் படம்தான் பிளாக்மெயில் (Blackmail). இப்படத்தில் ஜி.வி. பிரகாஷிற்கு ஜோடியாக நடிகை தேஜு அஷ்வினி (Teju Ashwini) நடித்துள்ளார்.

இந்த படமானது முற்றிலும் க்ரைம் மற்றும் ஆக்ஷ்ன் கதைக்களத்தில் உருவாகியுள்ளது. இப்படமானது குழந்தை கடத்தல் கதையின் தொடர்ச்சியாக விறுவிறுப்பான படமாக உருவாகியுள்ளதாம். இந்த படமானது வரும் 2025 செப்டம்பர் 12ம் தேதி முதல் திரையரங்குகளில் வெளியாகிறது. இந்நிலையில் இப்படத்தின் ப்ரோமோஷன் நிகழ்ச்சி ஒன்றில் பேசிய ஜி.வி. பிராகாஷ் குமார், இந்த பிளாக்மெயில் படத்திற்கு முதல் விமர்சனம் கொடுத்துள்ளார்.

இதையும் படிங்க : மக்களை ஈர்க்கும் படம்.. மதராஸி படத்துக்கு ஷங்கர் வாழ்த்து!

பிளாக்மெயில் படத்திற்கு முதல் விமர்சனம் கொடுத்த ஜி. வி. பிரகாஷ் குமார் :

அந்த நிகழ்ச்சியில் மேடையில் பேசிய ஜி.வி. பிரகாஷ், “இந்த பிளாக்மெயில் படக்குழு இப்படத்தை மிகவும் அருமையாக உருவாக்கியுள்ளனர். மேலும் இயக்குநர் மு.மாறனும் சிறப்பான பணியை செய்துள்ளார். அவர் நம்பகத்தன்மை கொண்ட இயக்குநரும் கூட, ஒரு தயாரிப்பாளர் அவரை நம்பி படத்தை கொடுக்கும் விதத்தில் இயக்குநர் மு. மாறன் இருப்பார். மேலும் இந்த பிளாக்மெயில் படத்தையும் நன்றாக எடுத்திருக்கிறார். பிளாக்மெயில் படத்தை நான் பார்த்தேன் எனக்கு மிகவும் பிடித்திருந்தது.

இதையும் படிங்க : கல்யாணி பிரியதர்ஷனை தவிர யாரும் அந்த வேடத்தில் நடிக்கமுடியாது – துல்கர் சல்மான் பேச்சு!

இயக்குநர் மு.மாறன் மிகவும் நன்றாக பண்ணியிருக்கிறார். இப்படமானது  திரில்லர் திரைப்படமாக உருவாக்கியிருக்கிறது. நிச்சயமாக ரசிகர்களுக்கு பிடிக்கும் என்று நினைக்கிறேன். மேலும் படத்தின் தயாரிப்பாளர், மற்றும் பிளாக்மெயில் படக்குழுவிற்கு நன்றி தெரிவித்துக்கொள்கிறேன்” என நடிகர் ஜி.வி. பிரகாஷ் குமார் பேசியிருந்தார். இந்த தகவலானது இணையத்தில் வைரலாகி வருகிறது.

பிளாக்மெயில் படம் பற்ற ஜி.வி. பிரகாஷ் குமார் பேசிய வீடியோ :

இந்த பிளாக்மெயில் படமானது கடந்த 2025ம் ஆகஸ்ட் மாதத்தில் வெளியாகவேண்டிய படம். சில சிக்கல்களின் காரணமாக இப்படத்தின் ரிலீஸ் ஒத்திவைக்கப்பட்டிருந்தது. மேலும் தற்போது இந்த பிளாக்மெயில் படமானது வரும் 2025 செப்டம்பர் 12ம் தேதி முதல் உலகமெங்கும் வெளியாகவுள்ளது என்பது குறிப்பிடத்தக்கது.