படம் நல்லா இல்லனாலும் பெரிய நடிகர் நடிச்சா கமர்ஷியல் படம் ஹிட் அடிக்கும் – லோகேஷ் கனகராஜ்!

லோகேஷ் கனகராஜ்

தமிழ் சினிமாவில் முன்னணி இயக்குநர்களில் ஒருவராக வலம் வருபவர் இயக்குநர் லோகேஷ் கனகராஜ் (Director Lokesh Kanagaraj). இவர் தற்போது சூப்பர் ஸ்டார் ரஜினிகாந்த் (Super Star Rajinikanth) நடிப்பில் உருவாகியுள்ள கூலி படத்தை இயக்கியுள்ளார். இந்தப் படத்தின் படப்பிடிப்பு பணிகள் நிறைவடைந்த நிலையில் படத்தின் போஸ்ட் புரடெக்‌ஷன் பணிகள் தற்போது விறுவிறுப்பாக நடைப்பெற்று வருகின்றது. இந்தப் படத்தை பிரபல தயாரிப்பு நிறுவனமான சன் பிக்சர்ஸ் நிறுவனம் தயாரித்துள்ள நிலையில் படம் வருகின்ற ஆக்ஸ்ட் மாதம் 14-ம் தேதி 2025-ம் ஆண்டு திரையரங்குகளில் வெளியாக உள்ளது என்று முன்னதாக படக்குழு அதிகாரப்பூர்வமாக அறிவித்து இருந்தது. மேலும் படத்தின் பாடல்கள் தொடர்ந்து வெளியாகி வந்த நிலையில் படம் குறித்த அப்டேட்களையும் படக்குழு தொடர்ந்து வெளியிட்டு வருகின்றது.

இந்தப் படத்தின் பணிகளில் விறுவிறுப்பாக ஈடுபட்டுள்ள இயக்குநர் லோகேஷ் கனகராஜ் கூலி படம் குறித்தும் கூலி படத்தை எடுக்க தான் எவ்வளவு சிரமத்தை சந்தித்ததாகவும், மேலும் கூலி படத்தில் நடிகர்களுடன் பணியாற்றிய அனுபவம் குறித்து பேட்டிகளில் பேசியது இணையத்தில் வெளியாகி தொடர்ந்து கவனத்தை ஈர்த்து வந்தது.

கதையே நல்லா இல்லைனாலும் பெரிய நடிகர் நடிச்சா படம் பாஸ் ஆபிஸில் ஹிட் அடிக்கு:

இந்த நிலையில் பாக்ஸ் ஆபிஸ் ஹிட் குறித்து இயக்குநர் லோகேஷ் கனகராஜ் பேசியது தற்போது இணையத்தில் வெளியாகி வைரலாகி வருகின்றது. அதன்படி அவர் பேசியதாவது, வணிகப் படங்கள் நட்சத்திர மதிப்பு மற்றும் இயக்குனரைப் பொறுத்து வெற்றி பெறும் & படம் நன்றாக இல்லாவிட்டாலும் பாக்ஸ் ஆபிஸில் எப்படியும் வெற்றி பெறும்.

கூலிக்கு நிச்சயமாக ரசிகர்கள் ஏமாற்றமடைய மாட்டார்கள். நீங்கள் செலவழிக்கும் பணத்தை விட இது மதிப்புமிக்கதாக இருக்கும் என்று இயக்குநர் லோகேஷ் கனகராஜ் தெரிவித்துள்ளார். இது தற்போது இணையத்தில் வைரலாகி வருகின்றது.

Also Read… ஜேசன் சஞ்சய் இன்ஸ்டாவில் ஃபாலோ பண்ணும் ஒரே ஒரு தமிழ் நடிகர்… ஆனால் அது விஜய் இல்லை!

இணையத்தில் வைரலாகும் இயக்குநர் லோகேஷ் கனகராஜின் பேச்சு:

Also Read… அமேசானில் காணக் கிடைக்கும் குபேரா படம்… தமிழ் ரசிகர்களிடையே வரவேற்பைப் பெறாத காரணம் என்ன?