Gold Price : அதிரடியாக குறைந்த தங்கம் மற்றும் வெள்ளி.. நிம்மதி பெருமூச்சு விட்ட பொதுமக்கள்!

மாதிரி புகைப்படம்

சென்னை, பிப்ரவரி 06 : சென்னையில் கடந்த சில நாட்களாக தங்கம் (Gold) மற்றும் வெள்ளி (Silver) விலை கடும் ஏற்ற, இறக்கங்களை சந்தித்து வரும் நிலையில், இன்று (பிப்ரவரி 06, 2026) தங்கம் மற்றும் வெள்ளி அதிரடியாக விலை குறைந்துள்ளது. அதாவது இன்றைய நிலவரப்படி தங்கம் கிராமுக்கு ரூ.200 குறைந்தும், வெள்ளி கிராமுக்கு ரூ.20 குறைந்தும் விற்பனை செய்யப்படுகிறது. இந்த நிலையில், இன்றைய தங்கம் மற்றும் வெள்ளி விலை நிலவரம் குறித்து விரிவாக பார்க்கலாம்.

கடும் உச்சத்தில் இருந்து சரிய தொடங்கிய தங்கம்

2026 ஆம் ஆண்டு தொடங்கியது முதலே தங்கம் மிக கடுமையான விலை உயர்வை சந்தித்து வந்தது. இதன் காரணமாக ஜனவரி 29, 2026 அன்று ஒரு கிராம் 22 காரட் தங்கம் ரூ.16,800-க்கும், ஒரு சவரன் ரூ.1,34,400-க்கும் விற்பனை செய்யப்பட்டது. இதே நிலை நீடிக்கும் பட்சத்தில் ஒரு கிராம் ரூ.20,000-த்தை தாண்டியும், ஒரு சவரன் ரூ.1,60,000-த்தை தாண்டியும்  விற்பனை செய்யப்படும் சூழல் நிலவியது. இது சாமானிய மக்கள் மத்தியில் கடும் அச்சத்தை ஏற்படுத்தியது. ஆனால், தற்போது தங்கத்தின் விலையில் மாற்றம் ஏற்பட்டுள்ளது.

இதையும் படிங்க : தினமும் ரூ.100 சேமித்தால் போதும்.. அஞ்சலக ஆர்டி திட்டத்தில் முதலீடு செய்து ரூ.2 லட்சம் பெறலாம்!

ரூ.1,15,000-க்கு கீழ் வந்த தங்கம்

ஒரே நாளில் ரூ.1,600 குறைந்த தங்கம் ரூ.20,000 குறைந்த வெள்ளி

இன்றைய நிலவரப்படி 22 காரட் தங்கம் கிராமுக்கு ரூ.200 குறைந்து ஒரு கிராம் ரூ.14,120-க்கும், ஒரு சவரன் தங்கம் ரூ.1,12,960-க்கும் விற்பனை செய்யப்படுகிறது. இதேபோல வெள்ளி கிராமுக்கு ரூ.20 குறைந்து ஒரு கிராம் ரூ.280-க்கும், கிலோவுக்கு ரூ.20,000 குறைந்து ஒரு கிலோ ரூ.2,80,000-க்கும் விற்பனை செய்யப்படுகிறது.