மருத்துவமனை கழிவறையில் ரகசிய கேமரா பொருத்தி பெண் மருத்துவர்களை வீடியோ எடுத்த மருத்துவர்!

மாதிரி புகைப்படம்

மெல்போர்ன், ஆகஸ்ட் 25 : ஆஸ்திரேலியாவில் (Australia) உள்ள அரசு மருத்துவமனை ஒன்றில் ரகசிய கேமரா பொருத்தப்பட்டு இருப்பதை கண்ட மருத்துவர்கள் அதிர்ச்சி அடைந்த நிலையில், அதே மருத்துவமனையில் பணிபுரிந்து வரும் மருத்துவர் ஒருவர் ரகசிய கேமரா பொருத்தி பெண் மருத்துவர்களை வீடியோ பதிவு செய்து வந்தது விசாரணையில் அம்பலமாகியுள்ளது. மருத்துவமனையில் பணிபுரியும் சக மருத்துவரே பெண் மருத்துவர்களை ஆபாச வீடியோ எடுத்து வந்தது பெரும் அதிர்ச்சியை ஏற்படுத்தியுள்ளது.

கழிவறையில் ரகசிய கேமரா – கண்டுபிடித்த மருத்துவர்கள்

ஆஸ்திரேலியாவின் மெல்போர்ன் பகுதியில் அரசு மருத்துவமனை ஒன்று உள்ளது. அந்த மருத்துவமனையின் கழிவறையில் ரகசிய கேமரா பொருத்தப்பட்டு இருப்பதை கண்டு பெண் மருத்துவர்கள் கடும் அதிர்ச்சிக்கு உள்ளாகியுள்ளனர். இதுகுறித்து உடனடியாக அவர்கள் மருத்துவமனை நிர்வாகத்திடம் புகார் அளித்துள்ளனர். மருத்துவமனை நிர்வாகம் அளித்த புகாரின் அடிப்படையில் வழக்குப்பதிவு செய்த போலீசார், விசாரணை மேற்கொண்டு வந்துள்ளனர். அப்போது போலீசார் மருத்துவமனையில் உள்ள சிசிடிவி காட்சிகளை சோதனை செய்துள்ளனர்.

இதையும் படிங்க : ஆப்கானிஸ்தான் பேருந்து விபத்து.. 19 குழந்தைகள் உட்பட 79 அகதிகள் உடல் கருகி பரிதாப பலி!

ரகசிய கேமரா பொருத்தி ஆபாச வீடியோ எடுத்து வந்த மருத்துவர்

இந்த சோதனையில் அதே மருத்துவமனையில் பணிபுரியும் ரயான் சோ என்ற 28 வயது மருத்துவர் அடிக்கடி கழிவறைக்கு சென்று வருவதை போலீசார் கவணித்துள்ளனர். இதன் காரணமாக அவர் பக்கம் விசாரணையை திருப்பியுள்ளனர். இந்த நிலையில், சந்தேகத்தின் அடிப்படையில் அவரை கைது செய்த போலீசார், அவரிடம் விசாரணை மேற்கொண்டுள்ளனர். அப்போது அந்த மருத்துவர் தான் மருத்துவமனை கழிவறையில் ரகசிய கேமரா பொருத்தி பெண் மருத்துவர்களை வீடியோ எடுத்து வந்தது தெரிய வந்துள்ளது.

இதையும் படிங்க : காதலனின் இச்சைக்கு குழந்தைகளை இரையாக்கிய காதலி.. குழந்தைகள் பரிமரிப்பாளர் போர்வையில் நடந்த கொடூரம்!

5 ஆண்டுகளாக வீடியோ பதிவு செய்து வரும் மருத்துவர்

அவர் 2021 ஆம் ஆண்டு அந்த மருத்துவமனையில் பயிற்சி மருத்துவராக பணியில் சேர்ந்துள்ளார். அதுமுதலே அவர் இவ்வாறு ரகசிய கேமரா பொருத்தி ஆபாச வீடியோக்களை எடுத்து வந்துள்ளார். இது தொடர்பாக அவரது செல்போன் மற்றும் லேப்டாப்பில் இருந்து சுமார் 4,500 வீடியோக்கள் கைப்பற்றப்பட்டுள்ளன. இது தொடர்பாக சிங்கப்பூர் வம்சாவளியான அவரை கைது செய்த போலீசார், அவரது பாஸ்போர்டை முடக்கினர். தற்போது அவர் சுமர் ரூ.28 லட்சம் பிணைத்தொகை செலுத்திய நிலையில், அவர் ஜாமினில் விடுவிக்கப்பட்டுள்ளார்.