இந்த 4 விஷயங்களை கவனிக்காம ஹெல்மெட் வாங்காதீங்க – காரணம் என்ன தெரியுமா?
Protect Your Head : ஹெல்மெட் என்பது இருசக்கர வாகன பயணங்களின் போது நம் உயிர் காக்கும் கவசமாகும். ஆனால் அதற்கு தரமான ஹெல்மெட் பயன்படுத்துவது முக்கியம். ஹெல்மெட் வாங்கும்போது பொதுவாக நான்கு விஷயங்களையும் கருத்தில் கொள்ள வேண்டும், இல்லையெனில் அது பயனற்றதாகிவிடும்.
இரு சக்கர வாகனம் (Bike) ஓட்டும்போது பாதுகாப்பிற்கு ஹெல்மெட் (Helmet) அணிவது அவசியம். பொதுவாக ஹெல்மெட் என்பது நம் உயிர் காக்கும் கருவியாக செயல்படுகிறது. ஆனால் பலரும் அபராதத்துக்கு பயந்து, காவல்துறையினர் முன்பு மட்டும் ஹெல்மெட் அணிவதை வழக்கமாக வைத்திருக்கிறார்கள். ஹெல்மெட் அணியாதவர்கள் பலர் இருந்தாலும், அதைப் பயன்படுத்துபவர்கள் ஹெல்மெட்டின் ஆயுள் குறித்து அறிந்திருக்க வேண்டும். பலருக்கு இது குறித்து தெளிவான புரிதல் இல்லை. முன்னணி ஹெல்மெட் தயாரிப்பு நிறுவனமான ஸ்டீல்பேர்டின் எம்.டி. ராஜீவ் கபூர் இது தொடர்பாக சில விஷயங்களை விளக்குகிறார். இது குறித்து இந்த கட்டுரையில் விளக்கமாக பார்க்கலாம்.
ஹெல்மெட் வாங்கும்போது கருத்தில் கொள்ள வேண்டிய 4 முக்கியமான விஷயங்கள்
- முதலில் கருத்தில் கொள்ள வேண்டியது ஹெல்மெட்டின் வெளிப்புற வடிவமைப்பு. அது உறுதியாக இருக்கிறதா என அறிந்து கொள்ள வேண்டும். மேலும் அதில் உள்ள ஐஎஸ்ஐ முத்திரை உண்மையானதா என சோதிக்கவும்.
- ஹெல்மெட்டின் விண்ட்ஷீல்ட் அல்லது விசரின் தரம் உறுதி செய்யப்பட வேண்டும்.
- ஹெல்மெட்டின் பெல்ட்டில் பயன்படுத்தும் கொக்கி வலுவாக இருக்க வேண்டும். தரம் குறைந்த ஹெல்மெட்டில் உள்ள பெல்ட் விபத்தின் போது உடைந்து போக வாய்ப்புள்ளது. இதனால் ஹெல்மெட் அணிவதால் எந்த பயனும் இல்லாமல் போகலாம்.
- தலைக்கவசம் வாங்கும்போது, தெர்மோகப்பிளை அழுத்தி பார்க்கவும். . உங்கள் விரல் அதில் சிக்கிக்கொள்ளாமல் பார்த்துக் கொள்ளுங்கள்.
இதையும் படிக்க : Hair Care Tips: எது செய்தாலும் முடி உதிர்தல் இன்னும் நிற்கவில்லையா? இந்த வீட்டு வைத்தியங்கள் உதவும்..!
மற்ற முக்கிய தகவல்கள்
கார்பன் ஃபைபர் ஹெல்மெட்டுகள் மிகவும் இலகுவானவை மற்றும் வலிமையானவை. ஆனால் அவற்றின் விலை ரூ.15,000 வரை இருக்கலாம். ஹெல்மெட் வாங்கும் போது அளவைக் கருத்தில் கொள்ளுங்கள். உங்கள் தலை அளவு 58 செ.மீ. என்றால், 60 செ.மீ. ஹெல்மெட் வாங்குவது சிறப்பாக பொருந்தக் கூடியதாகவும் வசதியையும் வழங்கும்.
ஐஎஸ்ஐ அல்லாத ஹெல்மெட்களைத் தவிர்க்க வேண்டும். அத்தகைய ஹெல்மெட்கள் விற்கப்படுவதை நீங்கள் கவனித்தால், நீங்கள் நிச்சயமாக புகார் அளிக்க வேண்டும். ரூ.500 க்கும் குறைவான விலையில் உள்ள ஹெல்மெட்கள் பாதுகாப்பானவை அல்ல. ஹெல்மெட் வாங்கும் போது, நீங்கள் பிராண்டட் தயாரிப்புகளைத் தேர்ந்தெடுக்க வேண்டும். அது விலை உயர்வாக தெரிந்தாலும், அது தான் நம்மை பாதுகாக்க கூடியது.
இதையும் படிக்க : Rain Driving Tips: மழையில் வாகனம் ஓட்டுகிறீர்களா? இந்த விஷயங்களை தெரிந்து கொண்டால் விபத்தை தவிர்க்கலாம்!
ஹெல்மெட் வாங்கும் போது, அதன் தரம் மற்றும் செயல்பாட்டை நீங்கள் நிச்சயமாக சரிபார்க்க வேண்டும். ஹெல்மெட்டின் விசரும் ஐஎஸ்ஐ தரநிலைகளில் இருக்க வேண்டும். ஐஎஸ்ஐ தரநிலை, வைசர் உடைந்து போகக்கூடாது என்றும், அதற்கு ஃபன்க்ஸ்சனல் கோட் இருக்க வேண்டும் என்றும் கூறுகிறது.
.
