அரசு பேருந்துகள் நேருக்கு நேர் மோதிய விபத்து – 8 பேர் பலி – அதிர்ச்சி தகவல்

சிவகங்கை பேருந்து விபத்தில் 10 பேர் பலி

சிவகங்கை, நவம்பர் 30 : சிவகங்கை (Sivaganga) மாவட்டம் திருப்பத்தூர் மற்றும் பிள்ளையார்பட்டி சாலையில் சமத்துவபுரம் அருகே இரண்டு அரசுப் பேருந்துகள் நேருக்கு நேர் மோதியதில் 9 பெண்கள், ஓட்டுநர் உட்பட 8 பேர் உயிரிழந்தனர். மேலும், 30க்கும் மேற்பட்ட பயணிகள் படுகாயங்களுடன் மருத்துவமனையில் அனுமதிக்கப்பட்டுள்ளனர். இதனால் பலி எண்ணிக்கை மேலும் அதிகரிக்கலாம் என கூறப்படுகிறது.   காரைக்குடியில் (Karaikudi) இருந்து திண்டுக்கல் நோக்கிச் சென்ற அரசுப் பேருந்தும், திருப்பூரில் இருந்து காரைக்குடி நோக்கிச் சென்ற அரசுப்பேருந்தும் நேருக்கு நேர் மோதி விபத்து ஏற்பட்டுள்ளது. இந்த சம்பவம் தொடர்பாக காவல் துறையினர் வழக்குப்பதிவு செய்து விபத்துக்கான காரணம் குறித்து விசாரித்து வருகின்றனர்.

அரசு பேருந்துகள் நேருக்கு நேர் மோதிய விபத்தில் 8 பேர் உயிரிழப்பு

சிவகங்கை மாவட்டம் சமத்துவபுரம் திருப்பத்தூர் மற்றும் பிள்ளையார்பட்டி சாலையில் இரண்டு அரசு பேருந்துகள் நேருக்கு நேர் மோதிய விபத்தில் இதுவரை 8 பேர் உயிரிழந்தனர். மேலும் பலர் படுகாயமடைந்தனர். அக்கம் பக்கத்தின் உடனடியாக சம்பவ இடத்துக்கு வந்து 108 ஆம்புலன்ஸிற்கு தகவல் தெரிவித்தனர். சிறிய சாலை என்பதால் விபத்துக்குள்ளான பேருந்துகளால் போக்குவரத்து தடைபட்டுள்ளது. ஆம்புலன்ஸ் மட்டுமல்லாமல் அந்தப் பகுதியில் காரில் வருபவர்களும் தங்கள் காரில் காயமடைந்தவர்களை ஏற்றிக்கொண்டு அரசு மருத்துவமனைக்கு கொண்டு சென்றனர். இந்த நிலையில் மாவட்ட ஆட்சியர் பொன்முடி நேரில் சென்று பார்வையிட்டார்.

இதையும் படிக்க : காதலுக்கு பெற்றோர் எதிர்ப்பு: +2 மாணவியுடன் வாலிபர் எடுத்த விபரீத முடிவு!!

மேலும், நவம்பர் 30, 2025 ஞாயிற்றுக்கிழமை என்பதால் சுபமுகூர்த்த நாள் என்பதால் பலர் விசேஷ வீடுகளுக்கு செல்லும் நோக்கில் பேருந்துகளில் அதிக அளவில் பயணம் செய்து வந்தனர். இதனால் இரு பேருந்துகளிலும் பயணிகள் எண்ணிக்கை அதிகமாக இருந்தது. இது விபத்தில் உயிரிழப்பு மற்றும் காயமடைந்தோர் எண்ணிக்கையை மேலும் அதிகரித்துள்ளது.

இந்த விபத்து குறித்து ஊடகம் ஒன்றுக்கு பேட்டியளித்த சுகாதாரத்துறை அமைச்சர் மா.சுப்ரமணியன்,  விபத்து நடந்த இடத்துக்கு 19 ஆம்புலன்ஸ்கள் உடனடியாக விரைந்திருப்பதாகவும், காயமடைந்தவர்ள் உடனடியாக காரைக்குடி மற்றும் சிவகங்கை அரசு மருத்துவமனைகளில் அனுமதிக்கப்பட்டிருப்பதாகவும் தெரிவித்தார்.

சிவகங்கை காவல்துறை வெளியிட்ட விவரம்

இந்த நிலையில் சிவகங்கை மாவட்ட காவல்துறை வெளியிட்ட பத்திரிக்கை செய்தியில்,  சிவகங்கை மாவட்டம், திருப்பத்தூர் உட்கோட்டம், நாச்சியார்புரம் காவல் நிலையத்திற்குட்பட்ட விவேகனந்தா பாலிடெக்னிக் கல்லூரி அருகில், காங்கேயத்தில் இருந்து காரைக்குடி நோக்கி சென்ற அரசு பேருந்தும், காரைக்குடியில் இருந்து திண்டுக்கல் நோக்கி சென்ற அரசு பேருந்தும் நேருக்கு நேர் மோதி நவம்பர் 30, 2025 அன்று மாலை 05.00 மணியளவில் விபத்து ஏற்பட்டது.

இதையும் படிக்க : கோவையில் 3 மணி நேரத்தில் 13 வீடுகளில் கொள்ளை – என்ன நடந்தது?

இந்த விபத்தில் இதுவரை 10 நபர்கள் இறந்துள்ளதாகவும், 20க்கும் மேற்பட்ட நபர்கள் காயமடைந்துள்ளதாகவும் தெரியவருகிறது. காயம்பட்ட நபர்கள் காரைக்குடி அரசு மருத்துவமனை, திருப்பத்தூர் அரசு மருத்துவமனை, சிவகங்கை அரசு மருத்துவமனைகளில் அனுமதிக்கப்பட்டு சிகிச்சையில் இருந்து வருகின்றனர். மேலும் காவல்துறையினர் மற்றும் தீயணைப்பு துறையினர் சம்பவ இடத்திற்கு விரைந்து சென்று காயம்பட்ட நபர்களை மீட்டனர். சிவகங்கை மாவட்ட காவல் கண்காணிப்பாளர், காவல் துணைக்கண்காணிப்பாளர், திருப்பத்தூர் ஆகியோர் சம்பவ இடத்திற்கு விரைந்து சென்று மீட்பு பணிகளை துரிதப்படுத்தினார்கள் இவ்வாறு தெரிவிக்கப்பட்டுள்ளது.