Tilak Varma Injury: இந்திய ரசிகர்களுக்கு அதிர்ச்சி! திலக் வர்மா திடீர் அறுவை சிகிச்சை.. உலகக் கோப்பையில் விளையாடுவாரா?
2026 T20 World Cup: வருகின்ற 2026 பிப்ரவரி 7ம் தேதி முதல் 2026 டி20 உலகக் கோப்பையும் தொடங்குகிறது. திலக் வர்மா இந்த இரண்டு போட்டிகளுக்கான இந்திய அணியில் இடம் பெற்றிருப்பது மட்டுமல்லாமல், இந்திய அணியின் மிடில் ஆர்டரில் ஒரு வலுவான தூணாகவும் பார்க்கப்படுகிறது.
இந்திய அணியின் இளம் நட்சத்திர பேட்ஸ்மேனான திலக் வர்மாவுக்கு (Tilak Varma) வயிற்றுப் பகுதியில் காயம் ஏற்பட்டுள்ளதால் அவருக்கு அறுவை சிகிச்சை செய்ய அறிவுறுத்தப்பட்டுள்ளது. இதன் காரணமாக, விரைவில் தொடங்கவுள்ள நியூசிலாந்திற்கு எதிரான டி20 தொடர் மற்றும் 2026 டி20 உலகக் கோப்பையில் (T20 World Cup 2026) விளையாடுவாரா என்ற கேள்வி எழுந்துள்ளது. இந்தியாவின் உள்நாட்டு கிரிக்கெட் போட்டியான விஜய் ஹசாரே டிராபி போட்டியின் போது ஹைதராபாத் அணியின் கேப்டன் திலக் வர்மாவுக்கு காயம் ஏற்பட்டது. இதனால் போட்டிக்கு இடையில் அவசர அறுவை சிகிச்சை செய்ய வேண்டிய கட்டாயம் ஏற்பட்டது.
ALSO READ: போட்டியை வேறு இடத்திற்கு மாற்ற மறுத்த ஐசிசி.. வங்கதேச அணியின் அடுத்த திட்டம் என்ன?
டி20 உலகக் கோப்பையில் விளையாடுவாரா திலக் வர்மா..?
🚨 BIG UPDATE ON TILAK VERMA 🚨
– Tilak Verma is likely to miss T20I series against New Zealand and doubtful for T20 World Cup as well. (Sports Tak). pic.twitter.com/46vlrRkNvZ
— Tanuj (@ImTanujSingh) January 8, 2026
2026 ஜனவரி மாதம் நியூசிலாந்துக்கு எதிராக 5 போட்டிகள் கொண்ட டி20 தொடரை இந்திய அணி விளையாட உள்ளது. அதைத் தொடர்ந்து, வருகின்ற 2026 பிப்ரவரி 7ம் தேதி முதல் 2026 டி20 உலகக் கோப்பையும் தொடங்குகிறது. திலக் வர்மா இந்த இரண்டு போட்டிகளுக்கான இந்திய அணியில் இடம் பெற்றிருப்பது மட்டுமல்லாமல், இந்திய அணியின் மிடில் ஆர்டரில் ஒரு வலுவான தூணாகவும் பார்க்கப்படுகிறது. இருப்பினும், அவரது தற்போதைய அறுவை சிகிச்சைக்குப் பிறகு, அவரது உடற்தகுதி நிச்சயமற்ற தன்மையாக இருக்கிறது. அவர் மீண்டும் களத்திற்குத் திரும்புவது குறித்து இன்னும் அதிகாரப்பூர்வமாக எந்த தகவலும் வெளியிடாதது இதற்கு காரணம். இருப்பினும், திலக் வர்மா 3 முதல் 4 வாரங்கள் ஓய்வில் இருக்கக்கூடும் என்று நம்பப்படுகிறது.
நியூசிலாந்துடனான டி20 தொடரில் இருந்து திலக் வெளியேறுவாரா?
இந்தியா-நியூசிலாந்து டி20 தொடர் வருகின்ற 2026 ஜனவரி 21ம் தேதி முதல் தொடங்குகிறது. முதல் டி20 நாக்பூரில் நடைபெறும். 2வது டி20 ஜனவரி 23ம் தேதி ராய்ப்பூரிலும், 3வது டி20 ஜனவரி 26 ஆம் தேதி குவஹாத்தியில் நடைபெறும். அதனை தொடர்ந்து, இரு அணிகளுக்கு இடையிலான 4வது டி20 2026 ஜனவரி 28ம் தேதி விசாகப்பட்டினத்திலும், 5வது மற்றும் கடைசி டி20 போட்டி வருகின்ற 2026 ஜனவரி 31ம் தேதி திருவனந்தபுரத்தில் நடைபெறும். இப்போது, திலக் வர்மா மூன்று முதல் நான்கு வாரங்கள் அல்லது ஒரு மாதம் விளையாடாமல் இருந்தால், அவர் நியூசிலாந்திற்கு எதிராக விளையாடுவது சாத்தியமில்லை. இருப்பினும், அவர் உடல்நிலை சரியில்லாமல் போனாலும் டி20 உலகக் கோப்பைக்கு திரும்புவார் என்று எதிர்பார்க்கலாம்.
ALSO READ: ஐசிசியை சமாதானப்படுத்த முயற்சிக்கும் வங்கதேசம்.. இலங்கைக்கு மாறுமா போட்டிகள்?
மாற்று வீரர்கள்: கில் திரும்புவாரா?
நியூசிலாந்து தொடருக்கு மாற்று வீரரை அணி நிர்வாகம் அறிவிக்க வாய்ப்புள்ளது. இருப்பினும், டி20 உலகக் கோப்பை அணியில் இருந்து சுப்மன் கில் ஏற்கனவே நீக்கப்பட்டுள்ளதால், மாற்றாக அவர் தேர்வு செய்யப்படுவது சாத்தியமில்லை என்று வட்டாரங்கள் தெரிவிக்கின்றன. இந்தியன் எக்ஸ்பிரஸ் வட்டாரங்களின்படி, தோள்பட்டை காயத்திலிருந்து முழுமையாக குணமடைந்தால், ரியான் பராக் அணியில் சேர அதிக வாய்ப்புள்ளது.
