MS Dhoni: எம்.எஸ்.தோனியின் ஓய்வு உறுதி..? முன்னாள் சிஎஸ்கே வீரர் கொடுத்த தகவல்!
MS Dhoni IPL Retirement: ஐபிஎல் 2024 முதல் எம்.எஸ்.தோனி 5வது எண் அல்லது அதற்கு மேல் பேட்டிங் செய்த 3 வாய்ப்புகள் மட்டுமே உள்ளன. ஐபிஎல் 2025ல் தோனி இரண்டு முறை ஒன்பதாவது இடத்தில் பேட்டிங் செய்தார். பொதுவாக, பந்து வீச்சாளர்கள் ஒன்பதாவது எண் மற்றும் அதற்குக் கீழே பேட்டிங் செய்ய வருவார்கள்.
எம்.எஸ்.தோனி
ஐபிஎல் 2026 (IPL 2026) தொடங்க இன்னும் 2 வாரங்களே உள்ள நிலையில், எம்எஸ் தோனியின் ஓய்வு குறித்த ஊகங்கள் மீண்டும் வேகமெடுக்கத் தொடங்கியுள்ளன. ஐபிஎல் 2026 சீசன் வருகின்ற 2026 மார்ச் 28ம் தேதி முதல் தொடங்கவுள்ளது. சென்னை சூப்பர் கிங்ஸ் அணி தனது போட்டியை வருகின்ற 2026 மார்ச் 30ம் தேதி ராஜஸ்தான் ராயல்ஸ் அணிக்கு எதிராக விளையாடவுள்ளது. முன்னதாக, சிஎஸ்கே அணிக்காக எம்.எஸ்.தோனி (MS Dhoni) பாதி போட்டிகளில் விளையாடமாட்டார் என்று கூறப்பட்டது. இதுதொடர்பாக பேசிய சென்னை சூப்பர் கிங்ஸ் தலைமை நிர்வாக அதிகாரி காசி விஸ்வநாதன், இந்த சீசனின் அனைத்து போட்டிகளுக்கும் எம்.எஸ். தோனி விளையாடுவார் என்பதை உறுதிப்படுத்தியுள்ளார். தற்போது, முன்னாள் கிரிக்கெட் வீரர் ராபின் உத்தப்பா தோனியின் ஓய்வு குறித்த ஊகங்கள் குறித்து தனது அப்டேட்டை வெளியிட்டுள்ளார்.
ALSO READ: ஐபிஎல் வரலாற்றில் அதிக முறை டக் அவுட்.. பட்டியலில் ரோஹித் சர்மா..!
இந்த முறை சென்னை சூப்பர் கிங்ஸ் அணியில் நட்சத்திர விக்கெட் கீப்பர்-பேட்ஸ்மேன் சஞ்சு சாம்சனும் இடம் பெற்றுள்ளார். சஞ்சு சாம்சனின் வருகை சூப்பர் கிங்ஸ் அணியை கணிசமாக மாற்றி, எம்எஸ் தோனியின் பணிச்சுமையையும் குறைக்கக்கூடும் என்று கூறப்படுகிறது. 2026 ஐபிஎல் சீசனுக்கு பிறகு எம்.எஸ். தோனி இந்தியன் பிரீமியர் லீக்கில் விளையாட வாய்ப்பில்லை என்று ராபின் உத்தப்பா தெரிவித்துள்ளார்.
எம்.எஸ். தோனியின் ஐபிஎல் ஓய்வு:
ஸ்டார் ஸ்போர்ட்ஸ் நிகழ்ச்சியில் பேசிய முன்னாள் கிரிக்கெட் வீரர் ராபின் உத்தப்பா, ”ஐபிஎல்லில் தோனியின் கடைசி ஆண்டாக இது இருக்கலாம். இந்த முறை தோனி ஒரு வீரராக இல்லாமல் ஒரு வழிகாட்டியாகவே விளையாடுவார். எம்எஸ் தோனி ஏழாவது இடத்தில் அல்ல, ஐபிஎல் 2026 சீசனில் எட்டாவது இடத்தில் பேட்டிங் செய்ய அதிக வாய்ப்புள்ளது” என்று தெரிவித்தார்.
முன்னதாக, 2026 க்குப் பிறகு எம்.எஸ். தோனி இனி இந்தியன் பிரீமியர் லீக்கில் விளையாட மாட்டார் என்று தெரிகிறது. இருப்பினும், தோனி இல்லாமல் சென்னை சூப்பர் கிங்ஸ் மற்றும் ஐபிஎல்லை கற்பனை செய்வது கடினம் என்று முன்னாள் கிரிக்கெட் வீரர் இர்ஃபான் பதான் முன்பு கணித்திருந்தார்.
ALSO READ: ஐபிஎல்லில் விளையாட தயார்.. தனது பேட்டை சரிசெய்யும் தோனி.. வைரலாகும் வீடியோ!
ஐபிஎல் 2024 முதல் எம்.எஸ்.தோனி 5வது எண் அல்லது அதற்கு மேல் பேட்டிங் செய்த 3 வாய்ப்புகள் மட்டுமே உள்ளன. ஐபிஎல் 2025ல் தோனி இரண்டு முறை ஒன்பதாவது இடத்தில் பேட்டிங் செய்தார். பொதுவாக, பந்து வீச்சாளர்கள் ஒன்பதாவது எண் மற்றும் அதற்குக் கீழே பேட்டிங் செய்ய வருவார்கள்.
