IPL 2026: சாய் சுதர்சன் அரைசதம்.. பஞ்சாப் அணியை வீழ்த்திய குஜராத்

Gt Win Pbks

ஐபிஎல் 2026 சீசனில் (IPL 2026) இன்று அதாவது 2026 மே 3ம் தேதி சுப்மன் கில் தலைமையிலான குஜராத் டைட்டன்ஸ் அணியும், ஷ்ரேயாஸ் ஐயர் தலைமையிலான பஞ்சாப் கிங்ஸ் அணியும் மோதியது. இந்த போட்டியில் முதலில் பேட்டிங் செய்த பஞ்சாப் அணி 20 ஓவர்கள் முடிவில் 9 விக்கெட்டுகள் இழப்பிற்கு 163 ரன்கள் எடுத்தது. இதன் பிறகு களமிறங்கிய குஜராத் டைட்டன்ஸ் (Gujarat Titans) அணி 19.5 ஓவர்களில் 164 ரன்கள் எடுத்து வெற்றி பெற்றது. ஜேசன் ஹோல்டரின் 4 விக்கெட்டுகளும், சாய் சுதர்ஷனின் அரைசதமும் குஜராத் டைட்டன்ஸ் அணியின் வெற்றிக்கு முக்கியப் பங்காற்றின.

ALSO READ: அடுத்தடுத்து விதி மீறல்கள்.. ஐபிஎல் அணிகளுக்கு பிசிசிஐ கடும் எச்சரிக்கை!

குஜராத்தின் முதல் வெற்றி:

அகமதாபாத்தில் உள்ள நரேந்திர மோடி மைதானத்தில் குஜராத் டைட்டன்ஸ் மற்றும் பஞ்சாப் கிங்ஸ் அணிகள் இரண்டு முறை மோதியுள்ளன. இரண்டு முறையும், குஜராத்தின் சொந்த மண்ணில் பஞ்சாப் அணி குஜராத்தை வீழ்த்தியுள்ளது. இதன்மூலம், ஐபிஎல் வரலாற்றில் அகமதாபாத்தில் குஜராத் டைட்டன்ஸ் அணி பஞ்சாப் அணியை வீழ்த்துவது இதுவே முதல் முறையாகும்.

அகமதாபாத்தில் நடைபெற்ற போட்டியில், பஞ்சாப் கிங்ஸ் அணி முதலில் பேட்டிங் செய்தது. முதல் ஓவரிலேயே முகமது சிராஜ் இரண்டு விக்கெட்டுகளை வீழ்த்தினார், அதே நேரத்தில் கேப்டன் ஐயர் உட்பட 5 டாப் பேட்ஸ்மேன்கள் வெறும் 47 ரன்களுக்கு ஆட்டமிழந்தது. அதன்பிறகு, சூர்யான்ஷ் ஷெட்ஜ் மற்றும் மார்கஸ் ஸ்டோனிஸ் ஆகியோர் பஞ்சாபின் கௌரவத்தைக் காப்பாற்றினர்.

சூர்யான்ஷ் ஒரே ஓவரில் மூன்று சிக்ஸர்கள் மற்றும் இரண்டு பவுண்டரிகளை விளாசி, வெறும் 23 பந்துகளில் தனது முதல் ஐபிஎல் அரைசதத்தை எட்டினார். இருவரும் 44 பந்துகளில் 79 ரன்கள் பார்ட்னர்ஷிப் அமைத்தனர். ஷெட்ஜஸ் 57 ரன்களும், ஸ்டோனிஸ் 40 ரன்களும் எடுத்தனர். இறுதியில் மார்கோ ஜான்சன் விரைவாக 20 ரன்கள் சேர்த்து, அணி 165 ரன்களை எட்ட உதவினார். குஜராத் அணிக்காக, ஹோல்டர் வெறும் 24 ரன்களுக்கு நான்கு விக்கெட்டுகளையும், சிராஜ் மற்றும் ரபாடா தலா இரண்டு விக்கெட்டுகளையும் கைப்பற்றினர்.

164 ரன்கள் இலக்கைத் துரத்திய குஜராத் அணி, கேப்டன் சுப்மன் கில்லை தொடக்கத்திலேயே இழந்து மோசமான தொடக்கத்தைப் பெற்றது. இருப்பினும், சாய் சுதர்சன் மற்றும் ஜோஸ் பட்லர் இடையேயான 53 ரன் பார்ட்னர்ஷிப் குஜராத்தின் இன்னிங்ஸை நிலைப்படுத்தியது, ஆனால் பட்லர் 26 ரன்களுக்கு ஆட்டமிழந்தார். ஐபிஎல்-லில் அறிமுகமான நிஷாந்த் சிந்து, தனது முதல் போட்டியிலேயே வெறும் 15 ரன்களுக்கு ஆட்டமிழந்தார்.

ALSO READ: தொடர்ந்து சொதப்பும் சூர்யா, திலக்.. மும்பை பயிற்சியாளர் ஜெயவர்தனே விளக்கம்!

பிரகாசிக்கும் சாய் சுதர்ஷன்:

ஒருபுறம் விக்கெட்டுகள் சீராக விழுந்துகொண்டிருந்தபோதிலும், சாய் சுதர்ஷன் 15-வது ஓவர் வரை களத்தில் நிலைத்து நின்று, 57 ரன்கள் எடுத்துப் போராடி குஜராத்தை வெற்றிக்கு அருகில் கொண்டு சென்றார். இது இந்த சீசனில் சுதர்ஷனின் மூன்றாவது அரைசதம் இதுவாகும். இதுமட்டுமின்றி, ஒரு சதத்தையும் அடித்தார். சுதர்சன் ஆட்டமிழந்த பிறகு, போட்டியை முடித்து வைக்கும் பொறுப்பை வாஷிங்டன் சுந்தர் ஏற்றார். நெருக்கடிக்கு மத்தியிலும், சுந்தர் 23 பந்துகளில் ஒரு சிக்ஸர் உட்பட 40 ரன்கள் குவித்து, தனது அணி வெற்றி பெற உதவினார்.