வீட்டில் இந்த 3 இடங்கள் எப்படி இருக்க வேண்டும்? வாஸ்து சொல்லும் முக்கிய விதி

வீட்டின் வரவேற்பறையை வடக்கு, கிழக்கு அல்லது வடமேற்கு பகுதியில் அமைப்பது வாஸ்து முறையில் சிறப்பாகக் கருதப்படுகிறது. குடும்பத் தலைவர் தெற்கு அல்லது மேற்கு திசையை நோக்கி அமரும் வகையில் சோபா மற்றும் நாற்காலிகளை அமைக்கலாம். டிவி உள்ளிட்ட மின்னணு சாதனங்களை தென்கிழக்கு பகுதியில் வைக்கலாம். சமையலறைக்கு தென்கிழக்கு பகுதியும், மாற்றாக வடமேற்கு பகுதியும் ஏற்றதாகக் கூறப்படுகிறது. சமையல் செய்யும்போது கிழக்கு நோக்கி நிற்பதும், அடுப்பு மற்றும் சிங்கை சரியான இடைவெளியுடன் அமைப்பதும் முக்கியம். முதன்மை படுக்கையறையை தென்மேற்கு பகுதியில் அமைத்து, தூங்கும்போது தலை தெற்கு அல்லது கிழக்கு நோக்கி இருக்குமாறு படுக்கையை வைக்கலாம். படுக்கைக்கு எதிரே கண்ணாடி வைப்பதை தவிர்த்து, பீரோவை தென்மேற்கு பகுதியில் அமைப்பது வாஸ்து முறையில் பரிந்துரைக்கப்படுகிறது.

வரவேற்பறை

வீட்டிற்குள் நுழையும் நேர்மறை ஆற்றலை வரவேற்கும் முக்கிய இடமாக வரவேற்பறை கருதப்படுகிறது. பொதுவாக வடக்கு, கிழக்கு அல்லது வடமேற்கு பகுதியில் வரவேற்பறை அமைவது வாஸ்து முறையில் சிறப்பானதாகக் கூறப்படுகிறது. குடும்பத் தலைவர் அல்லது வீட்டின் மூத்தவர்கள் தெற்கு அல்லது மேற்கு திசையை நோக்கி அமருமாறு சோபா மற்றும் நாற்காலிகளை அமைக்கலாம். தொலைக்காட்சி, கணினி போன்ற மின்னணு சாதனங்களை தென்கிழக்கு பகுதியில் வைப்பதும், சோபா மற்றும் ஷோகேஸ் போன்ற கனமான பொருட்களை தெற்கு அல்லது மேற்கு பகுதியில் வைப்பதும் பரிந்துரைக்கப்படுகிறது.

சமையலறை

வீட்டின் முக்கிய பகுதிகளில் ஒன்றான சமையலறை, வாஸ்து முறையில் அக்னி மூலையுடன் தொடர்புடையதாக பார்க்கப்படுகிறது. தென்கிழக்கு பகுதி சமையலறைக்கு ஏற்ற இடமாகவும், அது சாத்தியமில்லாதபோது வடமேற்கு பகுதியை மாற்று இடமாகவும் கருதுகின்றனர். சமைக்கும்போது கிழக்கு நோக்கி நின்று சமைப்பது நல்லது என வாஸ்து நம்பிக்கைகள் தெரிவிக்கின்றன. அடுப்பை தென்கிழக்கிலும், சிங்க் அல்லது தண்ணீர் தொடர்பான அமைப்புகளை வடகிழக்கு பகுதியிலும் வைப்பதுடன், இரண்டிற்கும் இடையில் போதிய இடைவெளி இருப்பதையும் கவனிக்கலாம்.

Also Read: வளர்பிறை சஷ்டியில் விரதம் இருந்தால் என்ன சிறப்பு? முருகனை வழிபடும் முறைகள் இதோ!

முதன்மை படுக்கையறை

குடும்பத் தலைவருக்கான முதன்மை படுக்கையறை தென்மேற்கு பகுதியில் அமைவது வாஸ்து முறையில் சிறந்ததாகக் கருதப்படுகிறது. தூங்கும்போது தலை தெற்கு அல்லது கிழக்கு நோக்கி இருக்குமாறு படுக்கையை அமைக்கலாம்; வடக்கு நோக்கி தலைவைத்து உறங்குவதை தவிர்க்க வேண்டும் என்பது வாஸ்து நம்பிக்கையாகும். படுக்கைக்கு நேரெதிராக கண்ணாடி அமைப்பதை தவிர்ப்பது நல்லது என்றும் கூறப்படுகிறது. பணம் அல்லது பொருட்களை வைக்கும் பீரோவை தென்மேற்கு பகுதியில் வைத்து, அதன் கதவு வடக்கு அல்லது கிழக்கு நோக்கி திறக்கும் வகையில் அமைப்பது வாஸ்து முறையில் பரிந்துரைக்கப்படுகிறது.

பொறுப்புத்துறப்பு: இந்தக்கட்டுரை வாஸ்து நம்பிக்கையின்படி எழுதப்பட்டது. இது அறிவியல் பூர்வமாக நிரூபணம் ஆனது அல்ல.