Astrology: ஒருமுறை எடுத்த முடிவில் பின்வாங்காத 5 ராசிகள் எது தெரியுமா?
ஜோதிடம், தனிநபர் வாழ்வில் பெரும் தாக்கம் செலுத்துகிறது. அந்த வகையில் சில ராசிகள் சிறந்த முடிவெடுப்பவர்களாகக் கருதப்படுகின்றன. மேஷம், மிதுனம், கன்னி, துலாம் மற்றும் கும்ப ராசிகள் தங்கள் புத்திசாலித்தனம் மற்றும் ஆழமான சிந்தனை மூலம் சவாலான சூழ்நிலைகளில் கூட சரியான முடிவுகளை எடுப்பார்கள் என சொல்லப்படுகிறது.
தனி மனித வாழ்க்கையில் மிகப்பெரிய மாற்றத்தை உண்டாக்கும் என்பதால் பலருக்கும் ஜோதிடத்தின் மீது அளவு கடந்த நம்பிக்கை இருக்கிறது. அப்படியான எதிர்காலத்தை கணிக்கும் ஜோதிடத்தின் மூலம், எந்த ராசிக்காரர்கள் எப்போதும் முடிவெடுப்பதில் சிறந்தவர்கள் என்பதை நாம் அறிய முடிய முடியும் என நம்பப்படுகிறது. இந்த ராசிக்காரர்களிடம் எந்த நேரத்திலும், எந்த விஷயத்திலும் முடிவெடுக்கக் கேட்டாலும் நன்றாகவும், ஆழமாகவும் யோசித்த பின்னர் பதிலளிப்பார்கள் என சொல்லப்படுகிறது. காரணம் இந்த ராசியினரின் IQ அளவு மிகப்பெரியது. சொல்லப்போனால் ஜோதிடத்தின்படி, ஒவ்வொரு ராசிக்கும் அதன் குண நலன்கள் என்பது தனித்தனியாக உள்ளது. மேலும், ஒவ்வொரு ராசிக்கும் தனித்துவமான பண்புகள் மற்றும் திறமைகள் உள்ளன. இதன் காரணமாகவே மக்களும் ஒருவருக்கொருவர் வித்தியாசமாக இருக்கிறார்கள்.அப்படியாக IQ அளவு மிகப்பெரியதாக ஒரு விஷயத்தில் சிறந்த முடிவுகளை எடுக்கும் ராசிக்காரர்கள் யார் என்பதைக் காணலாம்.
சிறந்த முடிவுகளை எடுக்கும் ராசிக்காரர்கள்
மேஷம்
மேஷ ராசிக்காரர்கள் ஒவ்வொரு பணியிலும் முதலிடத்தில் உள்ளனர். யாராவது இந்த மக்களிடம் ஏதேனும் ஒரு விஷயம் அல்லது பணி குறித்து ஆலோசனை கேட்டால், அவர்கள் ஒரு நல்ல ஆலோசகராக மாறுவார்கள். மேஷ ராசிக்காரர்கள் வேலையை உடனடியாக முடிப்பார்கள் என்று நம்பப்படுகிறது. தங்களிடம் ஒரு பொறுப்பை கொடுத்தால் அதனை எப்படியாவது குறித்த நேரத்திற்குள் முடிக்க வேண்டும் என்பதில் வைராக்கியம் கொண்டிருப்பார்கள்.
மிதுனம்
மிதுன ராசிக்காரர்கள் மிகவும் புத்திசாலிகளாக இருப்பார்கள். அதனால் அவர்கள் ஒவ்வொரு பணியையும் வித்தியாசமாக அணுகும் குணத்தை கொண்டிருக்கிறார்கள். மேலும் சிக்கலான சூழ்நிலைகளிலும் சிந்தித்து நல்ல முடிவுகளை எடுக்க உதவுகிறார்கள். மற்றவர்களை ஊக்குவிப்பதிலும் வழிநடத்துவதிலும் அவர்கள் சிறந்தவர்கள் என்பதை அவ்வப்போது நிரூபிப்பார்கள். அவர்கள் தங்கள் வேலைகளை மிக வேகமாக செய்து முடிக்கிறார்கள். மேலும் அவர்களால் எந்தவொரு விஷயத்திலும் ஒவ்வொரு முக்கியமான முடிவையும் எடுக்க முடியும்.
Also Read: மேஷ ராசியில் சஞ்சரிக்கும் சுக்கிரன்.. லாபம் கொட்டும் 6 ராசிகள்!
கன்னி ராசி
கன்னி ராசிக்காரர்கள் அடிப்படையிலேயே மிகவும் சிந்தனைமிக்கவர்களாக இருப்பார்கள். தன்னிடம் வரும் யாருக்கும் நல்ல அறிவுரை வழங்குவார்கள். இந்த ராசிக்காரர்கள் மற்றவர்களின் பேச்சுக்களை நன்றாகக் கேட்டு, அவர்களின் ஒவ்வொரு விருப்பத்தையும் நிறைவேற்ற அவர்களுக்கு துணை நிற்பார்கள். இந்த ராசிக்காரர்களிடம் உங்கள் எல்லாப் பிரச்சினைகளுக்கும் தீர்வு இருக்கிறது.
துலாம்
துலாம் ராசிக்காரர்கள் ஒவ்வொரு சூழ்நிலையிலும் வித்தியாசமான கண்ணோட்டத்தைக் கொண்டுள்ளனர். அவர்கள் ஒவ்வொரு பணியையும் மிகுந்த பொறுமையுடன் செய்கிறார்கள். மற்றவர்கள் தங்கள் வாழ்க்கையில் சமநிலையைப் பேண அறிவுறுத்துகிறார்கள். தங்களுடைய ஆசைகள் மட்டுமல்லாது மற்றவர்களின் எண்ணத்தை நிறைவேற்றுவதிலும் கண்ணாக இருப்பார்கள்.
Also Read: Astrology: அடுத்த 5 மாதங்கள் இந்த 5 ராசிக்கு செம லக்.. எப்படி தெரியுமா?
கும்பம்
கும்ப ராசிக்காரர்கள் பல்வேறு சவால்கள் உள்ளவர்களுக்கு ஒவ்வொரு அடியிலும் உதவ எப்போதும் தயாராக இருப்பார்கள். ஒவ்வொரு கடினமான நேரத்திலும் அவர்களுக்கு ஆதரவளிப்பார்கள். மக்கள் அவர்களிடம் ஆலோசனை கேட்க வரும்போது, அவர்கள் தீர்வுகளைக் கூறுவார்கள். தங்கள் வாழ்க்கையில் சிறந்த முடிவெடுத்து மற்றவர்களுக்கு எடுத்துக்காட்டாக திகழ்வார்கள்.
(ஜோதிட சாஸ்திர அடிப்படையில் இக்கட்டுரையில் உள்ள தகவல்கள் இடம் பெற்றுள்ளது. இதற்கு டிவி9 தமிழ் எந்த விதத்திலும் பொறுப்பேற்காது)
