Monsoon Season Storage: மழைக்காலத்தில் அரிசியை அட்டாக் செய்யும் பூச்சிகள்.. பாதுகாக்க பக்கா ஃப்ளான் இதோ!
Protect Rice From Pests: மழைக்காலத்தில் ஈரப்பதத்தால் அரிசி, பருப்பு, மசாலா பொருட்கள் பாதிக்கப்படுவதைத் தடுக்க, காற்றுப்புகாத கொள்கலன்களைப் பயன்படுத்துங்கள். வேப்பிலை, பெருங்காயம், கிராம்பு போன்றவற்றைப் பயன்படுத்தி பூச்சிகளை விரட்டலாம். வெயிலில் உலர்த்துவது, உப்புப் பொட்டலம் வைப்பது போன்ற எளிய வழிமுறைகளையும் பின்பற்றலாம்.
கோடைக்காலம் முடிந்ததும் தமிழ்நாட்டின் ஒவ்வொரு பகுதிகளிலும் மழை தன் வேலையை காட்ட தொடங்கிவிட்டது. ஒரு பக்கம் குளிர்ச்சியும், வெட்கை இல்லாத நிம்மதி கிடைத்தாலும், மறுபக்கம் ஈரப்பதத்தால் சில தொல்லைகளும் நமக்கு வந்து சேருகின்றன. அதிலும், குறிப்பாக சமையலறையில் (Kitchen) இருக்கும் அரிசி உள்ளிட்ட தானியங்கள் மற்றும் மசாலா பொருட்கள் சீக்கிரம் பூச்சிகளால் சேதமடைகிறது. மழைக்காலத்தின்போது (Rainy Season) ஈரப்பதம் காரணமாக, பருப்பு வகைகள், அரிசி, மாவு மற்றும் பிற தானியங்கள் (Food Preservation) அந்துப்பூச்சிகள் மற்றும் பூச்சிகளால் பாதிக்கப்படுகின்றன. இது சுவையை கெடுப்பது மட்டுமல்லாமல் ஆரோக்கியத்திற்கும் தீங்கு விளைவிக்கும்.
அந்தவகையில், மழைக்காலங்களில் கொஞ்சம் எச்சரிக்கையாக இருப்பதன்மூலம், அரிசி உள்ளிட்ட தானியங்கள் மற்றும் மசாலா பொருட்களை பாதுகாப்பாக வைத்திருக்க முடியும். அதற்கு இந்த எளிய குறிப்புகளை மேற்கொள்வதன் மூலம், இந்த மழைக்காலங்களில் உங்கள் சமையலறையை சுத்தமாகவும் பாதுகாப்பாகவும் வைத்திருக்க முடியும்.
ALSO READ: சமையலறையில் வேலை சுலபமாக இருக்க வேண்டுமா..? எளிதான ரகசிய குறிப்புகள்!
காற்று புகாத கொள்கலன்:
மழைக்காலங்களில் ஈரப்பதம் தானியங்களுக்கு மிகப்பெரிய எதிரி. பருப்பு-சாதம் அல்லது மசாலாப் பொருட்களாக இருந்தாலும், அவற்றை பிளாஸ்டிக் அல்லது கண்ணாடியால் செய்யப்பட்ட காற்று புகாத கொள்கலன்களில் வைத்து, மூடியை இறுக்கமாக மூடவும். ஒவ்வொரு முறையும் பயன்படுத்திய பிறகு, உடனடியாக மூடுவது நல்லது. இது ஈரப்பதம் அவற்றை அடைவதைத் தடுத்து, பூச்சிகள் அவற்றைத் தாக்கும் வாய்ப்புகளைக் குறைக்கிறது.
வேப்ப இலைகள்:
வேப்ப இலைகளில் பாக்டீரியா எதிர்ப்பு பண்புகளைக் கொண்டுள்ளது. அரிசி, பருப்பு அல்லது கோதுமை கொள்கலன்களில் சில உலர்ந்த வேப்பிலைகளை வைக்கவும். இவை அந்துப்பூச்சிகள் மற்றும் பூச்சிகளை விலக்கி வைக்கின்றன.
பெருங்காயம் அல்லது கிராம்புகளின் பயன்பாடு:
பருப்பு அல்லது அரிசியில் இரண்டு அல்லது மூன்று கிராம்புகள் அல்லது ஒரு சிறிய சிட்டிகை பெருங்காயத்தைப் போடுவது ஈரப்பதத்தையும் பூச்சிகளையும் தடுக்கிறது. கிராம்பின் வலுவான நறுமணம் அந்துப்பூச்சிகளைத் தடுக்கிறது.
ALSO READ: சமையல் எண்ணெய் வாங்கப்போறீங்களா? இந்த 3 விஷயங்களை கவனிங்க!
வெயிலில் உலர்த்தவும்:
வானிலை தெளிவாக இருந்தால், ஒவ்வொரு 15 நாட்களுக்கும் இரண்டு-மூன்று மணி நேரம் தானியங்களை வெயிலில் வைக்கவும். இது அவற்றில் குவிந்துள்ள ஈரப்பதத்தை நீக்கி, பூச்சித் தொல்லையைக் குறைக்கும். அதேநேரத்தில், அரிசியை நேரடியாக வெயிலில் பரப்ப வேண்டாம், நிழலிலோ அல்லது வீட்டிற்குள் காற்றோட்டமாக இருக்கும் பகுதிகளிலோ பரப்பி வைக்கலாம்.
உப்பு பயன்பாடு:
தானியங்களை நீண்ட நாட்கள் பாதுகாப்பாக வைக்க விரும்பினால், ஒரு சிறிய சிலிக்கா பொட்டலம் அல்லது ஒரு உப்புப் பொட்டலத்தை ஒரு துணியில் கட்டி அந்தப் பாத்திரத்தில் வைக்கலாம். இவை ஈரப்பதத்தை உறிஞ்சிவிடும்.
