Bathroom Cleaning: குளியலறை வடிகால் குழாயில் முடி அடைத்துவிட்டதா? பிளம்பர் வேண்டாம்! இதை செய்தால் நீங்கும்!

பாத்ரூம் அடைப்புகளை சரிசெய்யும் முறை!

நாம் அனைவரும் தீபாவளி பண்டிகையை (Diwali) முன்னிட்டு நம் வீடுகளை சுத்தம் செய்வது மட்டுமின்றி, கழிப்பறைகள் மற்றும் குளியலறைகளையும் (Bathroom Cleaning) தவறாமல் சுத்தம் செய்கிறோம். ஆனால் இந்த சுத்தம் செய்வதில், சில சிறிய பகுதிகள் பெரும்பாலும் புறக்கணிக்கப்படுகின்றன. இதில் மிகப்பெரிய பிரச்சனை நம் தலையில் இருந்தும் குளிக்கும்போது உதிரும் முடிதான். குளித்த பின் உதிர்ந்த முடி குளியலறை வடிகால் பாதையில் சிக்கிக் கொள்கிறது, இதை சரியான நேரத்தில் அகற்றப்படாவிட்டால், அது சிக்கல்களை தரும். அதாவது, இந்த முடிகள் வடிகால் வலை மற்றும் குழாயில் சிக்கிக்கொண்டவுடன், குழாய் அடைபட்டுவிடும். இதன் காரணமாக, தண்ணீர் சரியாக வெளியேறாமல், தண்ணீர் தேங்கத் தொடங்குகிறது. இந்த முடி சிக்கிக்கொண்ட அடைபட்ட குழாயை சரிசெய்ய, நீங்கள் ஒரு பிளம்பரை அழைத்து அதை சுத்தம் செய்ய வேண்டும். எனவே, எல்லோராலும் தொடர்ந்து ஒரு பிளம்பரை அழைத்து அதற்கு பணம் கொடுக்க முடியாது.

அந்தவகையில், இந்த கட்டுரையில் இந்த முடி சிக்கிக் கொள்வதைத் தடுக்கவும், குழாயை சுத்தம் செய்யவும் சில எளிய வீட்டு குறிப்புகளை தெரிந்து கொள்வோம். நாங்கள் சொல்லும் இந்த முறை சில நிமிடங்களில் உங்கள் குளியலறை வடிகால் குழாயை சுத்தம் செய்யும்.

ALSO READ: கருமை படிந்த செம்பு பாத்திரங்களா..? இந்த குறிப்புகளை பின்பற்றி சுத்தம் செய்யலாம்!

எளிதாக அடைப்பட்ட குளியலறை வடிகால்களை சுத்தம் செய்வது எப்படி..?

• உங்கள் குளியலறை வடிகாலில் தேங்கியிருக்கும் அடைப்புகளை சுத்தம் செய்ய சூடான நீரைப் பயன்படுத்தலாம். இதற்காக, நன்றாக கொதிக்க வைக்கப்பட்ட சூடான நீரை வடிகாலில் ஊற்றவும். இது அடைப்புகளை தளர்த்தி வடிகாலையும் சுத்தம் செய்யும்.
• குளியலறையில் உள்ள வடிகாலை சுத்தம் செய்ய நீங்கள் ஒரு பிளங்கரையும் பயன்படுத்தலாம். பிளங்கரின் ரப்பர் பகுதியை வடிகாலில் உறுதியாக வைக்கவும், பின்னர் அதை மேலும் கீழும் பம்ப் செய்யவும். வடிகால் முழுமையாக சுத்தம் ஆகும் வரை தொடர்ந்து இதைச் செய்யுங்கள்.
• குளியலறையில் உள்ள வடிகாலை சுத்தம் செய்ய, வடிகால் குழாயில் 1 கப் வெள்ளை வினிகரை ஊற்றி, அரை நிமிடம் கழித்து 1 கப் பேக்கிங் சோடாவை கொட்டவும். இப்போது 5-10 நிமிடங்கள் காத்திருப்பு ஏற்பட்ட குழாயில் சூடான நீரை ஊற்றவும். இது அடைக்கப்பட்ட முடியை அகற்ற உதவும்.
• இது எதுவும் வேலைக்கு ஆகவில்லை என்றால். நீங்களே ஒரு ரப்பர் கையுறைகளை அணிந்து, வடிகாலை திறந்து உங்கள் கைகளால் குப்பைகளை அகற்றவும். இது அடைபட்ட வடிகாலை சுத்தம் செய்வதை எளிதாக்கும்.

ALSO READ: சமையலுக்கு மட்டுமல்ல! உப்பை இப்படியும் பயன்படுத்தி பயன் பெறலாம்..!

இந்த குறிப்புகள் மற்றும் தந்திரங்களைப் பயன்படுத்திய பிறகும், அனைத்து முடிகளும் உடனடியாக வடிகால் குழாயில் இருந்து நீங்காது. இருப்பினும், நாங்கள் சொன்ன இந்த தீர்வை 2-3 முறை செய்வதன்மூலம் வடிகால் குழாயை சுத்தம் செய்ய உதவும்.