AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

லேசிக் சிகிச்சை! யாரெல்லாம் செய்துகொள்ளலாம்? பரிசோதனைகள் என்ன?

LASIK Eye Surgery: கண்ணாடி அணிவதைத் தவிர்க்க விரும்புபவர்களுக்கு லேசிக் கண் அறுவை சிகிச்சை ஒரு மாற்று வழியாகும். 18 வயதுக்கு மேற்பட்டவர்கள், பார்வைத் திறன் நிலையாக இருப்பவர்கள் மற்றும் கருவிழி ஆரோக்கியமாக இருப்பவர்கள் இந்த சிகிச்சைக்குத் தகுதியானவர்களாக இருக்கலாம். சிகிச்சைக்கு முன்பு கருவிழியின் தடிமன், வடிவம், கண் வறட்சி உள்ளிட்ட பரிசோதனைகளைச் செய்வது அவசியம்.

லேசிக் சிகிச்சை! யாரெல்லாம் செய்துகொள்ளலாம்? பரிசோதனைகள் என்ன?
லேசிக் சிகிச்சைImage Source: unsplash
Sivasankari Bose
Sivasankari Bose | Published: 20 Nov 2026 10:30 AM IST

கண்ணாடி அல்லது காண்டாக்ட் லென்ஸ் அணிவதில் சிரமம் இருப்பவர்களுக்கு லேசிக் (LASIK) கண் அறுவை சிகிச்சை ஒரு மாற்று வழியாக அமைகிறது. இந்த சிகிச்சையின் மூலம் கிட்டப்பார்வை, தூரப்பார்வை மற்றும் கண் பார்வையில் ஏற்படும் சில குறைபாடுகளைச் சரிசெய்ய முடியும். கண்ணின் முன்புறத்தில் உள்ள கருவிழியின் வடிவத்தை லேசர் தொழில்நுட்பம் மூலம் மாற்றி, ஒளிக்கதிர்கள் விழித்திரையில் சரியாகக் குவியும்படி செய்வதே இந்த சிகிச்சையின் அடிப்படை நோக்கமாகும். சிகிச்சையைத் தேர்வு செய்யும்போது செலவை மட்டும் கருத்தில் கொள்ளாமல், மருத்துவரின் அனுபவம் மற்றும் மருத்துவமனையின் தொழில்நுட்ப வசதிகளையும் கவனத்தில் கொள்ள வேண்டும்.

Also Read: கடற்கரைக்குச் செல்லும்போது இந்த உணவுகளைச் சாப்பிடாதீங்க!

யாரெல்லாம் லேசிக் சிகிச்சை செய்துகொள்ளலாம்?

பொதுவாக 18 வயதுக்கு மேற்பட்டவர்கள் இந்த சிகிச்சைக்குப் பரிசீலிக்கப்படலாம். குறிப்பாக, கடந்த ஓராண்டாகக் கண்ணாடி பவர் மாறாமல் இருப்பது, கருவிழி போதுமான தடிமனுடன் ஆரோக்கியமாக இருப்பது மற்றும் பார்வைக் குறைபாடு சிகிச்சை அளிக்கக்கூடிய அளவில் இருப்பது அவசியம். 20 முதல் 40 வயதுக்குட்பட்டவர்களுக்கு இது பொதுவாகப் பொருத்தமானதாக இருக்கலாம். இருப்பினும், ஒவ்வொருவரின் கண் ஆரோக்கியத்தைப் பொறுத்தே இறுதி முடிவு எடுக்கப்படும்.

யாருக்கு இந்த சிகிச்சை பொருந்தாது?

கருவிழி மிகவும் மெல்லியதாக இருப்பவர்கள், கெரட்டோகோனஸ் போன்ற கண் பாதிப்புகள் உள்ளவர்கள் மற்றும் தீவிரமான கண் வறட்சி பிரச்சினை கொண்டவர்கள் லேசிக் சிகிச்சையைத் தவிர்க்க வேண்டியிருக்கலாம். அதேபோல், கர்ப்பிணிகள், தாய்ப்பால் கொடுக்கும் பெண்கள், கட்டுப்பாட்டில் இல்லாத சர்க்கரை நோயாளிகள் மற்றும் சில தன்னுடல் தாக்க நோய் பாதிப்பு கொண்டவர்களுக்கும் இந்த சிகிச்சை பொருத்தமற்றதாக இருக்கலாம். இத்தகைய சூழல்களில் மாற்று சிகிச்சைகளை மருத்துவர்கள் பரிந்துரைக்கலாம்.

முன்கூட்டியே செய்ய வேண்டிய பரிசோதனைகள்

லேசிக் சிகிச்சைக்கு முன்பு கண்களின் நிலையை முழுமையாக மதிப்பீடு செய்வது அவசியம். இதற்காக விரிவான கண் பரிசோதனை, கருவிழியின் வடிவத்தை அறியும் கார்னியல் டோபோகிராபி (Corneal Topography), கருவிழியின் தடிமனை அளவிடும் பாக்கிமெட்ரி (Pachymetry), கண்மணியின் அளவை அளவிடும் பரிசோதனை மற்றும் கண் வறட்சி தொடர்பான பரிசோதனைகள் மேற்கொள்ளப்படும். காண்டாக்ட் லென்ஸ் பயன்படுத்துபவர்கள், பரிசோதனைக்கு முன்பு குறிப்பிட்ட காலத்திற்கு அவற்றை அணிவதை நிறுத்த வேண்டியிருக்கலாம்.

Also Read: கடற்கரைக்குச் செல்லும்போது இந்த உணவுகளைச் சாப்பிடாதீங்க!

சிகிச்சைக்குப் பிந்தைய கவனிப்புகள்

லேசிக் சிகிச்சைக்குப் பிறகு பெரும்பாலானவர்கள் ஓரிரு நாட்களில் தங்களது வழக்கமான பணிகளுக்குத் திரும்பலாம். இருப்பினும், சில வாரங்களுக்கு கண்களில் வறட்சி ஏற்பட வாய்ப்புள்ளது. மருத்துவர் பரிந்துரைக்கும் சொட்டு மருந்துகளைத் தவறாமல் பயன்படுத்துவதுடன், கண்களைத் தேய்ப்பதையும் தவிர்க்க வேண்டும். மேலும், தொடர்ந்து மருத்துவப் பரிசோதனைக்குச் செல்வதும் அவசியம்.

பொறுப்புத்துறப்பு: இந்தக் கட்டுரையில் வழங்கப்பட்டுள்ள உடற்பயிற்சி மற்றும் ஆரோக்கியம் தொடர்பான தகவல்கள் அனைத்தும் பொதுவான விழிப்புணர்வு மற்றும் தகவல் நோக்கங்களுக்காக மட்டுமே பகிரப்பட்டுள்ளன. உங்கள் உடல்நிலைக்கு ஏற்றவாறு தகுதிவாய்ந்த மருத்துவர் அல்லது அங்கீகரிக்கப்பட்ட உடற்பயிற்சி நிபுணரின் ஆலோசனையைப் பெறுவது அவசியம்.

Follow Us