Identify Fake Jaggery: கடைகளில் உலா வரும் கலப்பட வெல்லம்.. போலியை கண்டுபிடிக்க 5 எளிய வழிகள் இதோ..!
How to Test Jaggery Purity: இயற்கை வெல்லம், அதன் ஊட்டச்சத்துக்களுக்காகப் புகழ்பெற்றது. ஆனால், கால்சியம் கார்பனேட், சோடியம் பைகார்பனேட் போன்ற கலப்படங்கள் சேர்க்கப்படுகின்றன. இந்த கட்டுரை, சுவை, நிறம், உருகுதல், படிகங்கள் மற்றும் நீர் சோதனை மூலம் போலி வெல்லத்தை எவ்வாறு கண்டறிவது என்பதை விளக்குகிறது. உண்மையான வெல்லம் இயற்கையான இனிப்பு மற்றும் நிறத்தைக் கொண்டிருக்கும்.
இயற்கையான முறையில் தயாரிக்கப்படும் வெல்லத்தில் (Jaggery) கார்பனேட் மற்றும் சோடியம் பைகார்பனேட் போன்றவை போலி வெல்லத்தில் சேர்க்கப்படுகின்றன. கால்சியம் கார்பனேட் (Calcium Carbonate) வெல்லத்தின் எடையை அதிகரிக்கிறது, அதே நேரத்தில் சோடியம் பைகார்பனேட் சேர்ப்பது வெல்லத்தின் நிறத்தை மேம்படுத்துகிறது. இது தவிர, சர்க்கரை (Sugar) மற்றும் சஃபோலைட் என்ற வேதிப்பொருள் வெல்லத்தில் சேர்க்கப்படுகிறது. அதாவது, கலப்படம் செய்யப்பட்ட வெல்லத்தை சாப்பிட்டால், அது நன்மையை விட அதிக தீங்கு விளைவிக்கும்.
வெள்ளை சர்க்கரையுடன் ஒப்பிடும்போது, வெல்லத்தில் இரும்புச்சத்து, கால்சியம் மற்றும் பொட்டாசியம் போன்ற பல ஊட்டச்சத்துக்கள் நிறைந்துள்ளன. இவை, உடலுக்கு பல வழிகளில் நன்மை தருகிறது. அதேநேரத்தில், போலி வெல்லத்தை உட்கொண்டால், அது பல உடல்நலப் பிரச்சினைகளையும் ஏற்படுத்தும். அதன் தூய்மையை எளிதில் அடையாளம் காணக்கூடிய 5 முறைகளை பற்றி இங்கே தெரிந்துகொள்வோம்.
ALSO READ: டார்க் சாக்லேட் உண்மையில் ஆரோக்கியமானதா? ஒயிட் சாக்லேட் பண்புகள் எப்படி..?
1. சுவை மூலம் அடையாளம்:
வெல்லம் வாங்கும் போது அதன் சுவையில் கவனம் செலுத்துவது மிகவும் முக்கியம். உண்மையான வெல்லத்தின் சுவை இனிப்பாகவும் நறுமணமாகவும் இருக்கும், அதில் கரும்பின் இயற்கையான இனிப்பு தெளிவாக தெரியும். ஆனால், கலப்படம் செய்யபட்ட வெல்லம் செயற்கையாக, அதிக இனிப்பு கொண்டவையாக இருக்கும். அப்போது, இது போலி என்று கண்டறியலாம்.
2. நிறத்தில் கவனம்:
கலப்படமற்ற வெல்லத்தை அதன் நிறத்தை வைத்தே எளிதாக கண்டறியலாம். உண்மையான வெல்லம் வெளிர் மஞ்சள் அல்லது சற்று பழுப்பு நிறத்திலும், பளபளப்பாகவும் இருக்கும். இதில் கருப்பு, வெள்ளை அல்லது பிற நிற புள்ளிகள் இருக்காது. போலி வெல்லத்தில் பெரும்பாலும் வெள்ளை புள்ளிகள் இருக்கும். மேலும், அடர் நிறத்தில் இருக்கும்.
3. சூடாக்கும்போது கண்டறியலாம்:
உண்மையான வெல்லத்தை சூடாக்கும்போது, அது மெதுவாக உருக தொடங்கி கெட்டியான சிரப் போல மாறும். இது ஒட்டும் தன்மையுடன் எளிதில் பாயாது. போலி வெல்லத்தை சூடாக்கும் போது, அது விரைவாக உருகி தண்ணீரைப் போல மெல்லியதாக மாறும். அது எளிதில் பாயும், அதன் அமைப்பும் மெல்லியதாக இருக்கும்.
4. படிகங்கள் காணப்படும்:
உண்மையான வெல்லத்தில் இயற்கையாகவே கரும்புச் சாற்றில் இருந்து உருவாகும் சிறிய படிகங்கள் உள்ளன. இந்தப் படிகங்கள் வெல்லத்திற்கு ஒரு தனித்துவமான அமைப்பையும் சுவையையும் தருகின்றன. மறுபுறம், கலப்படம் செய்யப்பட்ட வெல்லத்தில் பெரும்பாலும் செயற்கையாக சேர்க்கப்படும் பெரிய, பளபளப்பான படிகங்கள் உள்ளன. இந்தப் படிகங்களுக்கு இயற்கையான இனிப்பு இல்லை, மேலும் வெல்லத்தின் தரத்தைக் குறைக்கிறது.
ALSO READ: வெல்லம் சாப்பிட்டால் நுரையீரலுக்கு நன்மையா? தீமையா?
5. தண்ணீர் சோதனை:
கடைகளில் கிடைக்கும் வெல்லத்தில் எடையை அதிகரிக்க சுண்ணாம்புப் பொடி அடிக்கடி சேர்க்கப்படுகிறது. இந்தக் கலப்படம் உங்கள் ஆரோக்கியத்திற்கு மிகவும் தீங்கு விளைவிக்கும். இதைச் சரிபார்க்க, முதலில் ஒரு வெளிப்படையான கிளாஸில் தண்ணீரை எடுத்து அதில் ஒரு சிறிய துண்டு வெல்லத்தைச் சேர்க்கவும். சிறிது நேரம் கழித்து, தண்ணீரின் அடிப்பகுதியில் ஏதேனும் வெள்ளைப் பொருள் குவிந்து கிடக்கிறதா என்று பாருங்கள். ஆம் எனில், வெல்லத்தில் சுண்ணாம்புப் பொடி சேர்க்கப்பட்டிருக்கலாம். சுண்ணாம்புப் பொடி தண்ணீரில் கரையாதது மற்றும் படிந்துவிடும்.
