டிவி பார்த்துகிட்டே சாப்பிடுறீங்களா? ஆயுர்வேதம் சொல்ற ஷாக் தகவல்!

டிவி மற்றும் மொபைல் போன்களைப் பார்த்துக்கொண்டே சாப்பிடுவது செரிமானக் கோளாறுகளையும் உடல்நலக் குறைவையும் ஏற்படுத்துகிறது. சாப்பிடும்போது கவனச்சிதறலைத் தவிர்க்க எப்போதும் அமைதியான மற்றும் சுத்தமான சூழலில் அமர்ந்து உண்ண வேண்டும். உணவை மிக வேகமாக முழுங்குவதையோ அல்லது வெகுநேரம் எடுத்துக்கொள்வதோ இல்லாமல் ஒவ்வொரு வாயையும் நன்றாக மென்று சாப்பிட வேண்டும். உண்ணும் உணவு மிகவும் சூடாகவும் இருக்கக் கூடாது, அல்லது குளிர்சாதனப் பெட்டியில் வைத்தது போல் அதிகக் குளிர்ச்சியாகவும் இருக்கக் கூடாது. உடலுக்குத் தேவையான அனைத்துச் சத்துக்களும் கிடைக்க இனிப்பு, புளிப்பு, உப்பு, காரம், கசப்பு மற்றும் துவர்ப்பு ஆகிய ஆறு சுவைகளும் தட்டில் இருக்க வேண்டும். செரிமானத்தைப் பாதிக்காதவாறு உணவு சாப்பிடுவதற்குச் சற்று முன்னதாகவோ அல்லது சாப்பிட்ட உடனோ அதிக அளவில் தண்ணீர் குடிதைத் தவிர்க்க வேண்டும்.

Also Read: பெற்றோர்களே! குழந்தைகளுக்கு பேபி வைப்ஸ் பயன்படுத்துகிறீர்களா?

டிவி, மொபைல் பார்த்துக்கொண்டே சாப்பிடுவதால் ஏற்படும் ஆபத்து

தற்காலத்தில் பலரும் அலுவலகப் பணிகளைச் செய்துகொண்டோ அல்லது தொலைக்காட்சி மற்றும் கைப்பேசியைப் பார்த்தபடியே சாப்பிடும் பழக்கத்தைக் கொண்டுள்ளனர். இத்தகைய முறையற்ற பழக்கவழக்கங்களால் உணவின் மீது முழுமையான கவனம் செலுத்த முடியாமல் போவதோடு, உணவைச் சரியாக மென்று உண்பதையும் நாம் மறந்துவிடுகிறோம். ஆயுர்வேதக் கருத்துகளின்படி, தரமான உணவைத் தேர்ந்தெடுப்பது எவ்வளவு அவசியமோ, அதே அளவு அதை உட்கொள்ளும் சரியான முறையும் ஆரோக்கியத்திற்கு மிகவும் முக்கியமாகும்.

அமைதியான சூழலில் உணவை உட்கொள்ளுதல்

ஆயுர்வேத முறைகளின்படி, எப்போதுமே சத்தமில்லாத அமைதியான மற்றும் சுத்தமான சூழ்நிலையில் அமர்ந்து மட்டுமே சாப்பிட வேண்டும். உணவு உண்ணும் வேளையில் தொலைக்காட்சி பார்ப்பது, கைப்பேசிகளைப் பயன்படுத்துவது அல்லது உரத்த குரலில் பேசுவது போன்றவற்றை முழுமையாகத் தவிர்ப்பது நல்லது. இந்தத் தவறான பழக்கவழக்கங்கள் மனதைச் சிதறடித்து உணவின் மீதுள்ள கவனத்தைக் குறைத்துவிடும் என்பதால் ஒவ்வொரு வாயும் நன்றாக மென்று உண்ணப்பட வேண்டும்.

மிதமான வெப்பநிலையில் உணவை உட்கொள்ளுதல்

சிலர் மிகச் சூடான உணவுகளை விரும்பி உண்பார்கள், மற்றும் சிலர் குளிர்சாதனப் பெட்டியில் வைக்கப்பட்ட குளிர்ந்த உணவுகளை அப்படியே உட்கொள்வார்கள். ஆயுர்வேத வழிகாட்டுதலின்படி, நாம் உண்ணும் உணவு தீவிரமான சூடாகவும் இருக்கக் கூடாது, அதேபோன்று அதிகக் குளிர்ச்சியாகவும் இருக்கக் கூடாது. சாதாரண அறை வெப்பநிலையில் அல்லது மிதமான சூட்டுடன் கூடிய உணவுகளை உட்கொள்வது மட்டுமே உடலின் செரிமானச் செயல்பாட்டிற்கு மிகவும் உகந்தது.

Also Read: பெற்றோர்களே! குழந்தைகளுக்கு பேபி வைப்ஸ் பயன்படுத்துகிறீர்களா?

பொறுப்புத் துறப்பு: இத்தளத்தில் உள்ள லைப்ஸ்டைல், ஆரோக்கியம் மற்றும் உணவு சார்ந்த தகவல்கள் பொதுவான விழிப்புணர்விற்காக மட்டுமே; இவை மருத்துவ ஆலோசனையல்ல. இதில் உள்ள குறிப்புகளைப் பின்பற்றும் முன் தகுந்த நிபுணர் அல்லது மருத்துவரின் ஆலோசனையைப் பெறுவது அவசியமாகும்.