PM Modi : 300 பெண் தொழிலாளர்களுடன் கலந்துரையாடிய பிரதமர் மோடி

பிரதமர் மோடி வாரணாசியின் மிர்சாமுராத் பகுதியில் அரவிந்த் லிமிடெட் நிறுவனத்தின் ஆடை உற்பத்தி ஆலையைத் திறந்து வைத்தார். இந்த ஆலை அப்பகுதியின் தொழில்துறை வளர்ச்சிக்கு ஊக்கமளிக்கும் என்றும், இந்திய ஜவுளி மற்றும் ஆடை உற்பத்தித் துறையை மேலும் வலுப்படுத்தும் என்றும் அதிகாரிகள் தெரிவித்தனர். இந்தப் பயணத்தின் ஒரு பகுதியாக, பிரதமர் சுமார் 300 பெண்களுடன் உரையாடினார். இந்த புதிய உற்பத்தி ஆலை, குறிப்பாக பெண்களுக்கு வேலை வாய்ப்புகளை அதிகரித்து, உள்ளூர் பொருளாதார நடவடிக்கைகளை விரைவுபடுத்தும் என்று அதிகாரிகள் கூறினர். வாரணாசியில் தயாரிக்கப்படும் ஆடைகளுக்கு சர்வதேச சந்தைகளில் வாய்ப்புகளை வழங்க இந்த ஆலை உதவும் என்றும் அவர்கள் தெரிவித்தனர்.

பின்னர், ஆடை உற்பத்தி ஆலையில் பயிற்சி பெற்ற 300 பெண் தொழிலாளர்களுடன் பிரதமர் நரேந்திர மோடி கலந்துரையாடிய நிகழ்வு, சமூக ஊடகங்களில் வைரலாகி வருகிறது. இது, பணியிடங்களில் பெண்கள் அதிகாரமளித்தலுக்குப் பெரும் உத்வேகம் அளிக்கும் ஒரு கருத்துப் பரிமாற்றமாக அமைந்தது.

இந்தத் திட்டம் முழுமையாகச் செயல்படத் தொடங்கியதும், அப்பகுதியைச் சேர்ந்த ஆயிரத்திற்கும் மேற்பட்ட பெண்களுக்கு நேரடியாக வேலைவாய்ப்பு வழங்கப்படும். பயிற்சியை வெற்றிகரமாக முடித்த 300 பெண்களிடம் பிரதமர் நேரடியாகப் பேசினார். வாரணாசியில் உள்ள அரவிந்த் லிமிடெட் நிறுவனத்தின் ஆடை உற்பத்திப் பிரிவு, பெண்கள் மேம்பாட்டிற்கு அளிக்கும் பெரும் ஊக்கமே அதன் சிறந்த அம்சங்களில் ஒன்றாகும் என்று இந்தப் பயணத்திற்குப் பிறகு அளித்த பேட்டியில் பிரதமர் கூறினார்.

பிரதமர் பதிவு

From Varanasi to the world! https://t.co/llTOlnbU75

— Narendra Modi (@narendramodi) October 25, 2026

வாரணாசிக்கு இத்தகைய ஒரு பெரிய முன்னெடுப்பைக் கொண்டு வந்ததற்காகப் பெண்கள் பிரதமருக்கு நன்றி தெரிவித்ததோடு, தங்களது பணி அனுபவங்களையும் எதிர்கால லட்சியங்களையும் அவரிடம் பகிர்ந்துகொண்டனர். தங்களது சொந்த ஊரான வாரணாசியில் இத்தகைய ஒரு பெரிய ஆடை உற்பத்தி ஆலையை நனவாக்கி, தன்னிறைவுக்கான வாய்ப்பை வழங்கியதற்காகவும் அப்பெண்கள் பிரதமருக்கு நன்றி தெரிவித்தனர். அரவிந்த் லிமிடெட் நிறுவனத்தால் தயாரிக்கப்பட்ட கதர் ஆடைகள் மற்றும் பிற ஆடைப் பொருட்களின் சிறப்புக் கண்காட்சியைப் பிரதமர் பார்வையிட்டதோடு, அவற்றின் உற்பத்தித் தொழில்நுட்பங்கள் குறித்தும் கேட்டறிந்தார்.

மோடி தொழிலாளர்களின் பெயர்கள், பொறுப்புகள் மற்றும் எதிர்கால இலக்குகள் குறித்து தனிப்பட்ட முறையில் கேட்டறிந்தார். அந்நிகழ்ச்சியில், அப்பெண்கள் தாங்கள் பணியிடத்தில் எதிர்கொள்ளும் சவால்கள் மற்றும் தங்களின் பணி அனுபவங்கள் குறித்து பிரதமரிடம் பேசினர்