பிரதமர் மோடி – UAE அதிபர் சந்திப்பு: பாதுகாப்பு முதல் 200 பில்லியன் டாலர் வர்த்தகம் வரை முக்கிய ஒப்பந்தங்கள்

ஜனவரி 20, 2026: மேற்கு ஆசியாவில் மீண்டும் அரசியல் மற்றும் பாதுகாப்பு பதற்றங்கள் அதிகரித்து வரும் சூழலில், இந்தியா–ஐக்கிய அரபு அமீரகம் (UAE) இடையிலான உறவுகளை மேலும் வலுப்படுத்தும் வகையில் பிரதமர் நரேந்திர மோடி, டெல்லியில் தனது இல்லத்தில், UAE அதிபர் ஷேக் முகமது பின் ஸாயித் அல் நஹ்யானை சந்தித்தார். இந்த சந்திப்பு சுமார் மூன்று மணி நேரத்துக்கும் மேலாக நடைபெற்றது. இந்த சந்திப்பின் போது பாதுகாப்பு, விண்வெளி, எரிவாயு (LNG), செயற்கை நுண்ணறிவு (AI), அணுசக்தி, வர்த்தகம் உள்ளிட்ட பல்வேறு துறைகளில் ஐந்து ஒப்பந்தங்களும், ஏழு முக்கிய முடிவுகளும் எட்டப்பட்டன. இரு நாடுகளுக்கும் இடையிலான இருதரப்பு வர்த்தகத்தை 2032 ஆம் ஆண்டுக்குள் 200 பில்லியன் அமெரிக்க டாலராக உயர்த்த இலக்கு நிர்ணயிக்கப்பட்டது.

இரு நாடுகளுக்கு இடையே இருக்கும் உறவை மேலும் வலுப்படுத்தும்:

لقد كان من دواعي سروري البالغ أن أستقبل أخي صاحب السمو الشيخ محمد بن زايد آل نهيان في مقر إقامتي في 7 لوك كاليان مارغ. لقد تأثرتُ كثيرًا بلفتته الكريمة بزيارة دلهي هذا المساء. وقد ناقشنا مجموعة واسعة من القضايا بهدف تعزيز الصداقة المتينة والمتعددة الأوجه بين الهند والإمارات… pic.twitter.com/KIZJjN6XGj

— Narendra Modi (@narendramodi) January 19, 2026

இந்த சந்திப்புக்குப் பிறகு பிரதமர் மோடி, “UAE அதிபர் திடீரென டெல்லி வந்தது என்னை ஆழமாக நெகிழ வைத்தது. இந்தியா–UAE நட்புறவை மேலும் வலுப்படுத்தும் பல்வேறு விஷயங்கள் குறித்து விரிவாக பேசினோம்” என சமூக வலைதளத்தில் பதிவிட்டார். அதேபோல், UAE அதிபர் முகமது பின் ஸாயித், “இந்தியாவுடன் நீண்ட காலமாக நிலவும் வரலாற்று உறவுகளை மேலும் ஆழப்படுத்துவது குறித்து பேசுவதில் மகிழ்ச்சி அடைந்தேன்” என தெரிவித்தார்.

மேலும் படிக்க: ஐக்கிய அரபு அமீரகத்தின் மருத்துவ பணியாளர்களுக்கு ரூ.37 கோடி பரிசு

இரு தலைவர்களும் பாதுகாப்பு மற்றும் பாதுகாப்பு ஒத்துழைப்பை ‘முழுமையான மூலோபாய கூட்டாண்மையின்’ (Comprehensive Strategic Partnership) முக்கிய தூணாகக் குறிப்பிட்டனர். சிறிய அணு உலைகள் (SMRs), பெரிய அணு மின் நிலையங்கள், அணு பாதுகாப்பு மற்றும் பராமரிப்பு துறைகளில் ஒத்துழைப்பு ஆராய முடிவு செய்யப்பட்டது.

மேலும், HPCL மற்றும் ADNOC Gas இடையே 10 ஆண்டுகளுக்கான LNG விநியோக ஒப்பந்தம் கையெழுத்தானது. இதன் மூலம் UAE, இந்தியாவின் இரண்டாவது பெரிய LNG விநியோக நாடாக மாறுகிறது.

பயங்கரவாதத்திற்கு எதிரான நடவடிக்கை:

பயங்கரவாதம் தொடர்பாக, அதன் ஆதரவாளர்கள், நிதியாளர்கள் மற்றும் செயலில் ஈடுபடுவோர் அனைவரும் சட்டத்தின் முன் கொண்டு வரப்பட வேண்டும் என இரு தலைவர்களும் ஒருமித்த கருத்தை வெளிப்படுத்தினர். எல்லை தாண்டிய பயங்கரவாதத்தையும் கடுமையாக கண்டித்தனர்.

மேலும் படிக்க: ஐக்கிய அரபு அமீரகத்தின் மருத்துவ பணியாளர்களுக்கு ரூ.37 கோடி பரிசு

மேலும், அபுதாபியில் ‘ஹவுஸ் ஆஃப் இந்தியா’ அமைத்தல், குஜராத்தின் GIFT Cityயில் UAE நிறுவனங்கள் செயல்படுதல், தோலேரா சிறப்பு முதலீட்டு மண்டலத்தில் முதலீடு, தேசிய கட்டண அமைப்புகளை இணைத்தல் போன்ற பல முக்கிய முடிவுகளும் எடுக்கப்பட்டன. இந்த சந்திப்பு, யேமன், காசா, ஈரான் உள்ளிட்ட பிராந்திய அரசியல் சூழ்நிலைகள் குறித்த இந்தியாவின் புரிதலை மேம்படுத்தும் வகையிலும் முக்கியத்துவம் பெறுகிறது.