Health Tips: அதிகமாக தூங்குவது ஆபத்தா..? நல்ல தூக்கத்திற்கும் நீண்ட நேரம் தூக்கத்திற்கும் என்ன சம்பந்தம்?
Good Sleeping: நீண்ட தூக்கத்திற்கும் நோய்களுக்கும் இடையே தொடர்பு இருப்பதாக ஆராய்ச்சி காட்டுகிறது. ஆனால் அது நேரடி காரணமாக இருக்காது. சில நேரங்களில் மக்கள் நோய்கள் அல்லது மருந்துகள் காரணமாக அதிகமாக தூங்குகிறார்கள். டீனேஜர்கள் குறைந்தது 8-10 மணிநேரமும், பெரியவர்கள் குறைந்தது 7-9 மணிநேரமும் முதியவர்களுக்கு தூக்க முறைகள் மாறலாம்.
மிகக் குறைந்த தூக்கம் நம் ஆரோக்கியத்திற்கு நம் உடலுக்கு மோசமான நிலைமையை ஏற்படுத்தும். நீங்கள் ஒருநாள் சரியாக தூங்கவில்லை என்றால், அன்றைய நாள் முழுவதும் ஒருவித கிறக்கத்துடன் சுற்றுவீர்கள். மேலும், தொடர்ந்து, குறைவான நேரம் தூங்குவது (Sleeping) நாளடைவில் இதய நோய் (Heart Disease), மனச்சோர்வு மற்றும் பலவீனமான நோயெதிர்ப்பு அமைப்பு போன்ற பிரச்சினைகளின் அபாயத்தை அதிகரிக்கிறது. அதேநேரத்தில், நீங்கள் எந்த அளவிற்கு குறைவாக தூங்குவது ஆபத்தோ, அளவுக்கு அதிகமாக தூங்குவதும் ஆபத்தானது என்பது உங்களுக்குத் தெரியுமா? ஒரு நாளைக்கு 9 மணி நேரத்திற்கும் மேலாக தூங்குவது மிகக் குறைந்த தூக்கத்தை விட ஆபத்தானது என்று சமீபத்திய ஆராய்ச்சி காட்டுகிறது.
உடலுக்கும் மனதுக்கும் தூக்கம் சரியான உணவு மற்றும் உடற்பயிற்சியைப் போலவே முக்கியமானது. தூங்கும் போது, உடல் திசுக்களை சரிசெய்கிறது, நினைவாற்றலை பலப்படுத்துகிறது, ஹார்மோன்களை சமநிலைப்படுத்துகிறது மற்றும் நோய் எதிர்ப்பு சக்தியை ஆதரிக்கிறது. ஸ்லீப் ஹெல்த் பவுண்டேஷனின் கூற்றுப்படி, பெரியவர்கள் 7 முதல் 9 மணிநேரம் வரை தூங்க வேண்டும். இதை விடக் குறைவாக இருந்தால் நிலையான சோர்வு, எரிச்சல் மற்றும் கவனமின்மை ஏற்படும். மேலும், இதுவே நீண்ட காலம் தொடர்ந்தால் மாரடைப்பு, சர்க்கரை நோய் மற்றும் அகால மரணம் ஏற்படும் அபாயத்தை அதிகரிக்கிறது.
ALSO READ: இரவு வெகுநேரம் வேலை செய்யும் பழக்கம் உள்ளதா? எச்சரிக்கை! மாரடைப்பு ஏற்படும் அபாயம்..!
ஆய்வுகளின் படி, 7 மணி நேரத்திற்கும் குறைவாக தூங்குபவர்களுக்கு இறப்பு ஆபத்து 14 சதவீதம் அதிகரித்துள்ளது என்றும், 9 மணி நேரத்திற்கும் அதிகமாக தூங்குபவர்களுக்கு 34 சதவீதம் அதிகரித்துள்ளது என்றும் கண்டறிந்துள்ளது. அதாவது, அதிக தூக்கம் மிகக் குறைந்த தூக்கத்தைப் போலவே ஆபத்தானது. 2018ம் ஆண்டு நடத்தப்பட்ட மற்றொரு ஆய்வில் இதே போன்ற முடிவுகளைக் கண்டறிந்துள்ளது. மனச்சோர்வு, நீண்ட நாள் கால் வலி, உடல் பருமன் மற்றும் எடை அதிகரிப்பு, வகை 2 சர்க்கரை நோய் ஆகியவை அதிகப்படியான தூக்கத்துடன் தொடர்புடைய பிரச்சனைகள் ஆகும்.
நீண்ட நேரம் தூங்குவது ஆபத்தா..?
நீண்ட தூக்கத்திற்கும் நோய்களுக்கும் இடையே தொடர்பு இருப்பதாக ஆராய்ச்சி காட்டுகிறது. ஆனால் அது நேரடி காரணமாக இருக்காது. சில நேரங்களில் மக்கள் நோய்கள் அல்லது மருந்துகள் காரணமாக அதிகமாக தூங்குகிறார்கள். உதாரணமாக, மனச்சோர்வு, தூக்கத்தில் மூச்சுத்திணறல் அல்லது சோர்வு போன்ற நோய்களுக்கு உடலுக்கு அதிக ஓய்வு தேவைப்படுகிறது. கூடுதலாக, புகைபிடித்தல், உடல் பருமன் அல்லது உட்கார்ந்த வாழ்க்கை முறை ஆகியவை அதிகப்படியான தூக்கத்திற்கும் மோசமான ஆரோக்கியத்திற்கும் காரணமாக இருக்கலாம்.
டீனேஜர்கள் குறைந்தது 8-10 மணிநேரமும், பெரியவர்கள் குறைந்தது 7-9 மணிநேரமும் முதியவர்களுக்கு தூக்க முறைகள் மாறலாம். எவ்வளவு நேரம் தூங்கிறோம் என்பது முக்கியமல்ல, சிறந்த தூக்கத்தை பெறுகிறோமா என்பதே முக்கியம். ஒருவர் அடிக்கடி எழுந்திருப்பதால் 9 மணி நேரம் தூங்கினால், அவர்களின் தூக்கம் முழுமையானதாக கருதப்படாது. படுக்கைக்குச் சென்று ஒவ்வொரு நாளும் ஒரு குறிப்பிட்ட நேரத்தில் எழுந்திருங்கள். காலையில் சூரிய உதயத்தின்போது எழுந்திருப்பது அன்றைய நாள் முழுவதும் சுறுசுறுப்பாக இருக்க உதவும். படுக்கைக்கு ஒரு மணி நேரத்திற்கு முன்பு மொபைல் மற்றும் டிவியிலிருந்து பார்ப்பதை தவிருங்கள். படுக்கையறையை குளிர்ச்சியாகவும், அமைதியாகவும், வசதியாகவும் ஆக்குங்கள். படுக்கைக்குச் செல்வதற்கு முன் ஒரு புத்தகத்தைப் படியுங்கள் அல்லது தியானம் செய்யுங்கள்.
ALSO READ: இரவில் அடிக்கடி வாய் வறட்சி ஏற்படுகிறதா? இந்த நோயின் அறிகுறிகளாக இருக்கலாம்!
மிகக் குறைந்த தூக்கம் எவ்வளவு ஆபத்தானதோ, அதே அளவு அதிகமாக தூங்குவதும் உடல்நலக் கேடாக இருக்கலாம். ஒரு நாளைக்கு 9 மணி நேரத்திற்கும் மேலாக தூங்குவது மனச்சோர்வு, சர்க்கரை நோய் போன்ற பிரச்சனைகளை ஏற்படுத்தலாம்.ன்எனவே, 7 முதல் 9 மணி நேரம் நல்ல மற்றும் தொடர்ச்சியான தூக்கத்தைப் பெறுவது நல்லது. தினமும் தேவைக்கு அதிகமாக தூங்கிய பிறகும் நீங்கள் சோர்வாக உணர்ந்தால், மருத்துவரை அணுகுவது முக்கியம்.
