கண்களை ஆரோக்கியமாக பராமரிக்க வேண்டுமா? இந்த உணவுகளை தினமும் எடுத்துக்கொள்வது அவசியம்
Eat Right for Sight : உடலில் கண்கள் மிகவும் முக்கியமான உறுப்பு மட்டுமல்லாமல் மிகவும் சிக்கலானதும் கூட. கண்களை ஆரோக்கியமாக பராமரிப்பது மிகவும் முக்கியம். இந்த கட்டுரையில் கண்களை ஆரோக்கியமாக பராமரிக்க தினமும் எடுத்துக்கொள்ள வேண்டிய உணவுகள் குறித்து பார்க்கலாம்.
நமது உடலில் மிகவும் முக்கியமான உறுப்பு கண் (Eye). உலகத்தை பார்ப்பதற்கும் புரிந்து கொள்வதற்கும் கண் மிகவும் அவசியம். அதனை முறையாக பராமரிக்க வேண்டும். சிறிய தவறும் பார்வைக் குறைபாட்டை ஏற்படுத்தக் கூடும். நமது கண்களின் ஆரோக்கியத்தை பராமரிக்க சரியான உணவை எடுத்துக்கொள்வது மிகவும் முக்கியம். வைட்டமின்கள் (Vitamin), ஆக்ஸிஜனேற்றிகள் மற்றும் தாதுக்கள் கொண்ட உணவுகள் பார்வையை மேம்படுத்த உதவுகின்றன. உங்கள் கண்கள் ஆரோக்கியமாக இருக்க வேண்டுமென்றால், ஒவ்வொரு நாளும் ஊட்டச்சத்துக்கள் நிறைந்த உணவுகளை சாப்பிடுவது மிகவும் முக்கியம். நீங்கள் ஒவ்வொரு நாளும் சரியான உணவுகளை சாப்பிட்டால், கண்களுக்கு தேவையான ஆற்றல் கிடைக்கும். இப்போது கண் ஆரோக்கியத்தை பராமரிக்கும் முக்கியமான உணவுகளைப் பற்றி விரிவாக அறிந்து கொள்வோம்.
கண்களை ஆரோக்கியமாக பராமரிக்க எடுத்துக்கொள்ள வேண்டிய உணவுகள்
கேரட்
கேரட்டில் உள்ள பீட்டா கரோட்டின், வைட்டமின் பார்வையை மேம்படுத்துகின்றன. இவை கண் ஈரப்பதத்தை பராமரிக்க உதவுகின்றன. எனவே, வாரத்திற்கு குறைந்தது 3 முதல் 4 முறை கேரட் சாப்பிடுவதால் நல்ல பலன் கிடைக்கும்.
கீரை
கீரைகளில் வைட்டமின் ஏ, சி மற்றும் லுடீன் எனப்படும் சக்திவாய்ந்த ஆக்ஸிஜனேற்றம் உள்ளது. இது கண்களை வீக்கத்திலிருந்து பாதுகாக்கிறது. நீங்கள் கீரையை வேகவைத்து சாப்பிட்டால் அதன் பலன் முழுமையாக கிடைக்கும்.
இதையும் படிக்க : காலையில் எழுந்ததும் இந்த அறிகுறிகளா..? சர்க்கரை நோயாக இருக்கலாம்..!
தக்காளி
தக்காளியில் உள்ள லைகோபீன் என்ற பொருள் கண் செல்களுக்கு தீங்கு விளைவிக்கும் அம்சங்களில் இருந்து பாதுகாக்கிறது. தக்காளியை பச்சையாகவோ அல்லது சமையலிலோ பயன்படுத்துவதன் மூலம், அதன் பண்புகள் கண்களுக்கு நல்லது.
சர்க்கரைவள்ளிக் கிழங்கு
வைட்டமின் ஏ அதிகமாக உள்ள இந்த சர்க்கரைவள்ளிக் கிழங்கு, இரவில் கூட தெளிவான பார்வையை வழங்குகின்றன. சிலருக்கு இரவு நேரத்தில் ஏற்படும் பார்வை பிரச்சனைகளுக்கு இது உதவுகிறது. இதை வேகவைத்து சாப்பிடலாம்.
நெல்லிக்காய்
இந்த பழம் சக்திவாய்ந்த ஆக்ஸிஜனேற்றிகளையும், வைட்டமின் சியையும் வழங்குகிறது. காலையில் நெல்லிக்காய் சாறு குடித்தால், கண் செல்களின் வளர்ச்சி மேம்படும்.
இதையும் படிக்க : நடைபயிற்சியின் போது இந்த தவறுகளை செய்யாதீர்கள் – பலன் கிடைக்காது!
பப்பாளி
இதில் பீட்டா கரோட்டின், வைட்டமின்கள் சி, ஈ மற்றும் பல வகையான ஆக்ஸிஜனேற்றிகள் உள்ளன. இது கண்ணில் ஏற்படும் அழற்சியைக் குறைக்கிறது. இதை ஒரு பழமாக சாப்பிடுவதோடு மட்டுமல்லாமல், ஜூஸாகவும் எடுத்துக்கொள்ளலாம்.
வால்நட்ஸ்
ஒமேகா 3 கொழுப்பு அமிலங்கள் அதிகமாக உள்ள வால்நட்ஸ், கண் செல்களுக்கு ஈரப்பதத்தை அளித்து, மாகுலர் சிதைவு போன்ற பிரச்னைகளைத் தடுக்கும்.
ஆரஞ்சு
வைட்டமின் சி நிறைந்த ஆரஞ்சு, பார்வையை மேம்படுத்த உதவுகிறது. அவை கண்களில் ஏற்படும் வீக்கத்தைக் குறைக்க உதவுகின்றன.
முட்டைகள்
முட்டைகளில் உள்ள லுடீன் மற்றும் துத்தநாகம் கண்களில் உள்ள செல்களைப் பாதுகாத்து வயதாவதால் ஏற்படும் விளைவுகளைக் குறைக்கிறது. ஒரு நாளைக்கு ஒரு முட்டை சாப்பிடுவது நன்மை பயக்கும்.
பாதாம்
பாதாமில் வைட்டமின் ஈ, ஒரு சக்திவாய்ந்த ஆக்ஸிஜனேற்றியைக் கொண்டுள்ளது. இவை பார்வையை மேம்படுத்த உதவுகின்றன. ஒரு நாளைக்கு 5 முதல் 7 பாதாம் சாப்பிட்டால் போதும்.
