கமல் ஹாசனின் பிறந்த நாளை முன்னிட்டு ரீ ரிலீஸாகும் நாயகன் படம்!
Nayagan Movie: உலகம் முழுவதும் தனக்கான ஒரு ரசிகர் பட்டாளத்தை வைத்துளவர் நடிகர் கமல் ஹாசன். இவரை ரசிகர்கள் உலக நாயகன் என்றும் அன்புடன் அழைப்பார்கள். அதன்படி கமல் ஹாசன் நடிப்பில் வெளியான நாயகன் படத்தை மீண்டும் திரையரங்குகளில் வெளியிட திட்டமிட்டுள்ளனர்.
தமிழ் சினிமாவில் குழந்தை நட்சத்திரமாக அறிமுகம் ஆகி தற்போது சுமார் 60-வது ஆண்டுகளுக்கு மேலாக முன்னணி நடிகராக வலம் வருகிறார் நடிகர் கமல் ஹாசன் (Actor Kamal Haasan). உலகம் முழுவதும் உள்ள ரசிகர்கள் அவரை உலக நாயகன் கமல் ஹாசன் என்றும் அன்புடன் அழைத்து வருகின்றனர். இவரது நடிப்பில் வெளியான படங்கள் பல ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது குறிப்பிடத்தக்கது. இந்த நிலையில் நடிகர் கமல் ஹாசன் நடிப்பில் கடந்த 21-ம் தேதி அக்டோபர் மாதம் 1987-ம் ஆண்டு திரையரங்குகளில் வெளியானது. க்ரைம் ட்ராமா பாணியில் உருவான இந்தப் படத்தை இயக்குநர் மணிரத்னம் எழுதி இயக்கி இருந்தார். இந்தப் படம் திரையரங்குகளில் வெளியான போது ரசிகர்களிடையே விமர்சன ரீதியாகவும் வசூல் ரீதியாகவும் மாபெரும் வரவேற்பைப் பெற்றது குறிப்பிடத்தக்கது.
மேலும் இந்தப் படத்தில் நடிகர் கமல் ஹாசன் உடன் இணைந்து நடிகர்கள் சரண்யா, ஜனகராஜ், டெல்லி கணேஷ், கார்த்திகா, நீனா, நிழல்கள் ரவி, நாசர், தின்னு ஆனந்த், விஜயன், எம்.வி. வாசுதேவ ராவ், தாரா, குயிலி, ஆர்.என்.சுதர்சன், ஆர்.என்.கே.பிரசாத்,
ஆர்.என்.ஜெயகோபால், பிரதீப் சக்தி, ஏ.ஆர்.எஸ். ராஜா கிருஷ்ணமூர்த்தி, ஆதித்யா வி. மோடி என பலர் இந்தப் படத்தில் நடித்து இருந்தனர். மேலும் இந்தப் படத்தை பிரபல தயாரிப்பு நிறுவனமான முக்தா ஃபிலிம்ஸ் சார்பாக தயாரிப்பாளர்கள் முக்தா சீனிவாசன், முக்தா வி. ராமசாமி மற்றும் ஜி.வெங்கடேஸ்வரன் ஆகியோர் இணைந்து தயாரித்துள்ளனர்.
மீண்டும் ரீ ரீஸாகும் நாயகன் படம்:
வேலு நாயக்கராக நடிகர் கமல் ஹாசன் இந்தப் படத்தில் நடித்து இருப்பார். அரசாங்கத்திற்கு எதிராகவும் மக்களுக்கு நல்லது செய்யும் ஒரு கேங்ஸ்டராக கமல் ஹாசன் இந்தப் படத்தில் நடித்து இருந்தார். இவரது நடிப்பு ரசிகர்களிடையே மாபெரும் வரவேற்பைப் பெற்றது. இந்தப் படம் வெளியாகி 36 வருடங்களைக் கடந்து ரசிகர்களிடையே கல்ட் படமாக இருக்கிறது. பல இளம் தலைமுறையினருக்கு சினிமாவில் சாதிக்க துடிக்கும் இளைஞர்களுக்கு இந்தப் படம் ஒரு எடுத்துக்காட்டாகவே இருக்கிறது.
இந்த நிலையில் நடிகர் கமல் ஹாசனின் பிறந்த நாளை முன்னிட்டு நாயகன் படம் மீண்டும் திரையரங்குகளில் வெளியிட படக்குழு திட்டமிட்டுள்ளது. அதன்படி படம் வருகின்ற நவம்பர் மாதம் 7-ம் தேதி திரையரங்குகளில் வெளியாக உள்ளதாக படக்குழு அறிவித்துள்ளது. இது ரசிகர்களிடையே கவனத்தை ஈர்த்து வருகின்றது.
Also Read… ரசிகர்களின் எதிர்பார்ப்பை பூர்த்தி செய்ததா இட்லி கடை? எக்ஸ் விமர்சனம் இதோ
