Peddi: ராம் சரணின் ‘பெடி’ படத்தில் சிறப்பு நடனமாடும் பிரபல நடிகை? அட இவரா?

ராம் சரணின் பெடி

தெலுங்கு சினிமாவில் சிறந்த நடிகர்களில் ஒருவராக இருப்பவர் ராம் சரண் (Ram Charan). இவரின் நடிப்பில் இறுதியாக தி கேம் சேஞ்சர் (The Game Changer) என்ற படமானது வெளியாகியிருந்தது. கடந்த 2025ம் ஆண்டு தொடக்கத்தில் வெளியான இப்படத்தை தமிழ் இயக்குநர் எஸ் சங்கர் (S. Shankar) இயக்கியிருந்தார். இந்த படமானது அவருக்கு மிகவும் பிரம்மாண்ட வரவேற்பை தெலுங்கில் கொடுக்கும் என ஏதிர்பார்க்கப்பட்ட நிலையில், பெரும் தோல்வியில் இப்படம் முடிந்தது. இந்த படத்தை அடுத்ததாக தெலுங்கு இயக்குநர் புச்சி பாபு சனா (Puchi Babu sana) இயக்கத்தில், ராம் சரண் இணைந்திருந்த படம்தான் பெடி (Peddi). இப்படத்தில் ராம் சரண் கதாநாயகனாக நடிக்க அவருக்கு ஜோடியாக நடிகை ஜான்வி கபூர் (Jahnvi Kapoor) நடித்துவருகிறார். இப்படத்தின் ஷூட்டிங் இறுதிக்கட்டத்தில் உள்ள நிலையில், ரசிகர்கள் மத்தியில் எப்போது வெளியாகும் என்பது குறித்த எதிர்பார்ப்பை அதிகரித்துவருகிறது.

இப்படத்திற்கு இசையமைப்பாளர் ஏ.ஆர். ரஹ்மான் (AR. Rhman) இசையமைத்துள்ள நிலையில், ஏற்கனவே இப்படத்திலிருந்து “சிக்கிரி சிக்கிரி” என்ற பாடல் வெளியாகி நல்ல வரவேற்பை பெற்றுவருகிறது. இதையடுத்து இதன் இரண்டாவது பாடலில் பல சர்ப்ரைஸ் ஒளிந்திருக்கிறதாம். இந்த பாடலுக்கு பிரபல நடிகை ஒருவர் சிறப்பு நடனமாடவுள்ளாராம். அவர் வேறு யாருமில்லை நடிகை மிருணாள் தாக்கூர்தான் (Mrunal thakur).

இதையும் படிங்க: சூர்யா – தனுஷ் மோதல்.. ஒரே தேதியில் வெளியாகும் கருப்பு – கர?

பெடி படத்தில் சிறப்பு பாடலுக்கு நடனமாடும் மிருணாள் தாக்கூர் :

சமீப காலமாக நட்சத்திர நாயகிகள் சிறப்புப் பாடல்களில் நடனமாடுவது ஒரு ட்ரெண்டாகிவிட்டது. தம்மன்னா முதல் ஸ்ரீலீலா வரை அனைவரும் நட்சத்திர ஹீரோக்களின் படங்களில் நடனமாடியுள்ளனர். இப்போது, ​​மிருணாள் தாக்கூரும் அந்தப் பட்டியலில் சேரப் போவதாகத் கூறப்படுகிறது. சமீபத்தில், ஒரு நேர்காணலில், அவர் ஒரு சிறப்புப் பாடலில் நடனமாடுவதாக கூறியிருந்தார். அது இந்த பெடி படத்திற்காக இருக்கும் என்று ரசிகர்கள் நம்புகிறார்கள். ஒரு பக்கம் ராம் சரணின் பிரமிக்க வைக்கும் நடனமும், மறுபுறம் மிருணால் தாக்கூரின் சிறப்பு நடனமும் இருப்பதால், இது திரையரங்குகளில் பரபரப்பை ஏற்படுத்தும் என்பது உறுதி.

இதையும் படிங்க: நா அரசியலையே தொழிலா பண்றவன்.. ஆக்ஷன் காட்சிகளுடன் வெளியானது ரவி மோகனின் கராத்தே பாபு பட டீசர்!

ஏ.ஆர்.ரஹ்மான் வழங்கிய மாஸ் இசைக்கு மிருணலின் நடனத்திற்கும் கூடுதல் பலம் சேர்க்கும் என்று தயாரிப்பாளர்கள் நம்புகிறார்கள். மேலும் 2026ம் ஆண்டு மார்ச் 27 ஆம் தேதி ராம் சரண் பிறந்தநாள் பரிசாக இப்படத்தை வெளியிட திட்டமிட்டுள்ளனர். இருப்பினும், படப்பிடிப்பு தாமதமாகி வருவதால் படம் ஒத்திவைக்கப்படும் என்றும் தகவல்கள் வந்துள்ளன. ஆனால், விரைவில் பணிகளை முடித்து கோடையில் வெளியிட படக்குழு உறுதியாக இருப்பதாகத் தெரிகிறது.

பெடி படத்தில் மிருணாள் தாக்கூர் நடனமாடுவது குறித்து வைரலாகும் பதிவு: