மலையாள நடிகர் மற்றும் இயக்குனர் ஸ்ரீனிவாசன் காலமானார்

மலையாள நடிகர், திரைக்கதை எழுத்தாளர் மற்றும் இயக்குனர் ஸ்ரீனிவாசன் காலமானார். அவருக்கு வயது 69. திருப்புனித்துரா தாலுகா மருத்துவமனையில் காலமானார். திரைப்பட ஆர்வலர்களை சிரிக்கவும் சிந்திக்கவும் வைத்த பெரும் ஆளுமை மறைந்துவிட்டதாக பலரும் இரங்கல் தெரிவித்து வருகின்றனர். தனது 48 ஆண்டுகால திரைப்பட வாழ்க்கையில் இருநூறுக்கும் மேற்பட்ட படங்களில் நடித்துள்ளார் ஸ்ரீனிவாசன். அவருக்கு விமலா என்ற மனைவியும், வினீத் ஸ்ரீனிவாசன், தியான் ஸ்ரீனிவாசன் ஆகிய மகன்களும் உள்ளனர்.

நீண்ட காலமாக உடல்நிலை சரியில்லாமல் இருந்த அவர், உதயம்பேரூரில் உள்ள தனது வீட்டில் ஓய்வெடுத்து வந்தார். முந்தைய நாள் அவரது உடல்நிலை மோசமடைந்ததால், திரிபுனித்துராவில் உள்ள மருத்துவமனையில் அனுமதிக்கப்பட்டார். இன்று காலை அவரது மரணம் உறுதி செய்யப்பட்டது.

Also Read: இந்தியாவில் முதல் முறை.. சூர்யா47ல் பயன்படுத்தப்படும் சிறப்பான தொழில்நுட்பம்? என்னனு தெரியுமா?

ஸ்ரீனிவாசன் – திரைப்பட வாழ்க்கை

ஸ்ரீனிவாசன் ஏப்ரல் 4, 1956 அன்று தலச்சேரிக்கு அருகிலுள்ள பட்டியத்தில் பிறந்தார். 1977 ஆம் ஆண்டு பி.ஏ. பக்கரின் ‘மணிமுழக்கம்’ திரைப்படத்தின் மூலம் திரைப்படத் துறையில் அறிமுகமானார். நடிகர், இயக்குனர் மற்றும் திரைக்கதை எழுத்தாளர் உட்பட பல்வேறு திறன்களில் பார்வையாளர்களின் மனதில் ஒரு முத்திரையைப் பதித்துள்ளார்.

1984ல் ஓடறுதம்மாவ அலறியும் படத்திற்கு திரைக்கதை எழுதினார். இவர் இயக்கிய வடக்குநோக்கியந்திரம், சிந்தாவிஷ்டய ஷியாமளா உள்ளிட்ட படங்கள் பெரும் வரவேற்பைப் பெற்றன. நாடோடிக்கட்டு, பட்டணப்பிரவேசம், வரவேள்ப்பு, சந்தேஷ் போன்ற படங்கள் மூலம் கேரளாவின் அரசியல் மற்றும் சமூக நிலைமைகளை நையாண்டியாக விமர்சித்தார். நாற்பத்தெட்டு வருட திரையுலக வாழ்க்கையில் பல மாநில மற்றும் தேசிய விருதுகளைப் பெற்றுள்ளார்.