அனிகா சுரேந்திரனின் செலிபிரிட்டி க்ரஸ் யார் தெரியுமா? அவரே சொன்ன விசயம்!
Actress Anikha Surendran: சினிமாவில் குழந்தை நட்சத்திரமாக அறிமுகம் ஆகி தற்போது நாயகியாக வலம் வருபவர் நடிகை அனிகா சுரேந்திரன். இவர் முன்னதாக அளித்தப் பேட்டி ஒன்றில் பேசியபோது அவருக்கு மிகவும் பிடித்த செலிபிரிட்டி க்ரஸ் யார் என்பது குறித்து வெளிப்படையாக பேசியுள்ளார்.
அனிகா சுரேந்திரன்
கடந்த 2004-ம் ஆண்டு நவம்பர் மாதம் 27-ம் தேதி கேரளாவில் உள்ள மஞ்சேரி என்ற பகுதியில் பிறந்தார் அனிகா சுரேந்திரன் (Anikha Surendran). அதன்படி அவரது 6 வயதி இருந்து குழந்தை நட்சத்திரமாக நடிகை அனிகா சுரேந்திரன் நடித்து வருகிறார். மலையாள சினிமாவில் கடந்த 2010-ம் ஆண்டு வெளியான கதை துடருன்னு என்ற படத்தின் மூலம் குழந்தை நட்சத்திரமாக அறிமுகம் ஆன அனிகா சுரேந்திரன் தொடர்ந்து தமிழ் மற்றும் தெலுங்கு என 2022-ம் ஆண்டு வரை சுமார் 12 ஆண்டுகளாக குழந்தை நட்சத்திரமாக சினிமாவில் நடித்து வந்தார். தமிழ் சினிமாவில் கடந்த 2015-ம் ஆண்டு இயக்குநர் கௌதம் வாசுதேவ் மேனன் இயக்கத்தில் வெளியான என்னை அறிந்தால் என்ற படத்தின் மூலம் குழந்தை நட்சத்திரமாக அனிகா சுரேந்திரன் அறிமுகம் ஆனார். இதில் அஜித் குமார் நாயகனாக நடிக்க நடிகை த்ரிஷா நாயகியாக நடித்து இருந்தார்.
அஜித்தின் காதலியான த்ரிஷா ஒரு சிங்கிள் மதராக இருப்பார். அவரின் குழந்தையாக அனிகா சுரேந்திரன் இந்தப் படத்தில் நடித்து இருந்தார். வில்லன்களால் திரிஷா கொலைசெய்யப்பட்ட பிறகு அனிகாவை தனது சொந்த மகள் போல அஜித் வளர்ப்பார். இது அப்பா மகள் பாசத்தை அழகாக காட்டும் படமாக இருந்ததால் ரசிகர்கள் கொண்டாடித் தீர்த்தனர். இதனைத் தொடர்ந்து தமிழ் சினிமாவிலேயே தொடர்ந்து அஜித் குமாரின் மகளாக விஸ்வாசம் படத்தில் நடித்தார். இதனால் இவரை பலரும் அஜித்தின் நிஜ மகள் என்றே நினைக்கத் தொடங்கினர். அதன் காரணமாக அனிகா இன்ஸ்டாவில் க்ளாமராக புகைப்படங்களை வெளியிட்டால் அதனைப் பார்த்து அஜித் மகள் இப்படி செய்யலாம என்றும் பலர் கமெண்ட்களை பதிவிட்டனர் என்பது குறிப்பிடத்தக்கது.
அனிகாவின் செலிபிரிட்டி க்ரஸ் அந்த தெலுங்கு நடிகர் தான்:
தொடர்ந்து குழந்தை நட்சத்திரமாக பலப் படங்களில் நடித்து வந்த நடிகை அனிகா தற்போது நாயகியாக நடிக்கத் தொடங்கியுள்ளார். அதன்படி இந்த 2025-ம் ஆண்டு பிப்ரவரி மாதம் திரையரங்குகளில் வெளியான நிலவுக்கு என்மேல் என்னடி கோபம் என்றப் படத்தில் நாயகியாக நடித்துள்ளார். இந்தப் படத்தை தனுஷ் எழுதி இயக்கி இருந்தது குறிப்பிடத்தக்கது.
இந்த நிலையில் சமீபத்தில் அளித்தப் பேட்டி ஒன்றில் அனிகா சுரேந்தரிடம் உங்களுக்கு பிடித்த செலிபிரிட்டி க்ரஸ் யார் என்று கேட்கப்படுகின்றது. அதற்கு அவர் டோலிவுட் சினிமாவில் முன்னணி நடிகராக இருக்கும் நடிகர் விஜய் தேவரகொண்டா அவருடைய செலிபிரிட்டி க்ரஸ் என்று தெரிவித்துள்ளார். அது ரசிகர்களிடையே கவனத்தை ஈர்த்து வருகின்றது.
நடிகை அனிகா சுரேந்தரின் சமீபத்திய இன்ஸ்டாகிராம் பதிவு:
Also Read… விடாமுயற்சி படம் வெற்றிப்படம்தான் – இயக்குநர் மகிழ் திருமேனி சொன்ன விசயம்!