கட்டுப்பாடற்ற கூட்டத்தை வைத்து எதுவும் சாதிக்க முடியாது – உதயநிதி ஸ்டாலின் விமர்சனம்

திருவண்ணாமலையில் (Tiruvannamalai) டிசம்பர் 14, 2025 அன்று திமுக இளைஞர் அணி நிர்வாகிகள் சந்திப்பு கூட்டம் மிக பிரம்மாண்டமாக நடைபெற்றது. இந்த விழாவில் முதல்வர் மு.க.ஸ்டாலின், துணை முதல்வரும் திமுக இளைஞரணி தலைவருமான உதயநிதி ஸ்டாலின் உள்ளிட்ட முக்கிய அமைச்சர்கள் கலந்து கொண்டனர். இந்த விழா உதயநிதி ஸ்டாலின் தலைமையில் நடைபெற்றது. சட்டமன்ற தேர்தல் இன்னும் ஒரு சில மாதங்களில் நடைபெறவிருக்கும் நிலையில் இந்த விழா முக்கியத்துவம் வாய்ந்ததாக பார்க்கப்படுகிறது. இந்த நிலையில், விழாவில் பேசிய துணை முதல்வர் உதயநிதி ஸ்டாலின், கட்டுப்பாடு இல்லாமல் 1 கோடி இளைஞர்கள் திரண்டாலும் அதனால் யாருக்கும் பயனில்லை. அப்படிப்பட்ட கட்டுப்பாடற்ற கூட்டத்தை வைத்து யாராலும் எதுவும் சாதிக்க முடியாது என்று பேசினார்.