Anna Nagar Constituency Election 2026: அண்ணா நகர் சட்டமன்ற தொகுதி.. அதிமுக vs திமுக இடையே இருக்கும் போட்டி..
2021ஆம் ஆண்டு நடைபெற்ற சட்டமன்றத் தேர்தலில் திராவிட முன்னேற்றக் கழகத்தின் வேட்பாளர் எம்.கே. மோகன் 80,054 வாக்குகள் பெற்று வெற்றி பெற்றார். அவர் எதிர்த்து போட்டியிட்ட அதிமுக வேட்பாளர் கோகுலிந்திராவை 27,445 வாக்குகள் வித்தியாசத்தில் தோற்கடித்தார் என்பது குறிப்பிடத்தக்கது. நாடாளுமன்றத் தேர்தலிலும் இத்தொகுதியில் திமுக வலுவான முன்னிலை பெற்றுள்ளது.
கோப்பு புகைப்படம்
சென்னை, மார்ச் 3, 2026: சென்னையில் உள்ள சட்டமன்றத் தொகுதிகளில் முக்கியத்துவம் வாய்ந்த தொகுதியாக அண்ணா நகர் சட்டமன்றத் தொகுதி கருதப்படுகிறது. சென்னையின் முக்கிய குடியிருப்பு, வணிக மற்றும் அரசியல் மையப் பகுதியாக இது விளங்கி வருகிறது. இது மத்திய சென்னை மக்களவைத் தொகுதியின் கீழ் வரும் ஒரு சட்டமன்றத் தொகுதியாகும். சென்னை வடமேற்கு பகுதியில் அமைந்துள்ள இந்தத் தொகுதி, திட்டமிடப்பட்ட நகர்ப்புற அமைப்பிற்குப் பெயர் பெற்றது.
அண்ணா நகர் சட்டமன்ற தொகுதி:
அண்ணா நகர் தொகுதிக்குள் அண்ணா நகர் டவர் பார்க், அண்ணா ஆர்கேட் (Anna Arcade), திருமங்கலம் சந்திப்பு, கோயம்பேடு மார்க்கெட், அண்ணா நகர் மேற்கு மற்றும் கிழக்கு பகுதிகள் உள்ளிட்ட பல முக்கிய இடங்கள் அடங்குகின்றன. கல்வி நிறுவனங்கள், மருத்துவமனைகள், வணிக வளாகங்கள் மற்றும் ஐடி நிறுவனங்கள் அதிகம் உள்ள பகுதியும் இதுவே. நடுத்தர மற்றும் உயர்நிலை வருமானக் குடும்பங்கள் அதிகமாக வசிக்கும் பகுதியாகவும் இது அறியப்படுகிறது.
மேலும் படிக்க: வங்கி கணக்கில் ரூ.4,000 வரவு வைப்பு.. முதல்வர் ஸ்டாலின் மீண்டும் கொடுத்த இன்ப அதிர்ச்சி..
திமுகவின் கோட்டையாக இருக்கும் அண்ணா நகர்:
2021ஆம் ஆண்டு நடைபெற்ற சட்டமன்றத் தேர்தலில் திராவிட முன்னேற்றக் கழகத்தின் வேட்பாளர் எம்.கே. மோகன் 80,054 வாக்குகள் பெற்று வெற்றி பெற்றார். அவர் எதிர்த்து போட்டியிட்ட அதிமுக வேட்பாளர் கோகுலிந்திராவை 27,445 வாக்குகள் வித்தியாசத்தில் தோற்கடித்தார் என்பது குறிப்பிடத்தக்கது. நாடாளுமன்றத் தேர்தலிலும் இத்தொகுதியில் திமுக வலுவான முன்னிலை பெற்றுள்ளது.
அண்ணா நகர் சட்டமன்றத் தொகுதியில் இதுவரை நடைபெற்ற தேர்தல்களில் திமுக சுமார் ஒன்பது முறை வெற்றி பெற்றுள்ளது. அதிமுக ஒருமுறை மட்டுமே வெற்றி பெற்றுள்ளது. 2016 மற்றும் 2021 ஆகிய தேர்தல்களில் திமுக தனது வெற்றியைத் தொடர்ந்தது. 2011ஆம் ஆண்டு அதிமுக வெற்றி பெற்றது. 2006, 2001, 1996 உள்ளிட்ட ஆண்டுகளிலும் திமுக வெற்றி பெற்றுள்ளது.
மேலும் படிக்க: கூட்டணியில் குழப்பம்.. காங்கிரஸ் எம்.பி., எம்எல்ஏக்களுக்கு மேலிடத்தில் இருந்து வந்த போன் கால்..
தேர்தல் பிரச்சார அம்சங்கள்:
வாக்காளர்களின் கல்வி விழிப்புணர்வு, நகர்ப்புற வளர்ச்சி, அடிப்படை வசதிகள், போக்குவரத்து, நீர்வழங்கல், கழிவுநீர் வடிகால் திட்டங்கள் போன்றவை இத்தொகுதியில் முக்கிய தேர்தல் பிரச்சார அம்சங்களாக உள்ளன. மெட்ரோ ரயில் சேவை, கோயம்பேடு பேருந்து நிலையம், முக்கிய சாலைகள் ஆகியவை இப்பகுதியின் இணைப்பை வலுப்படுத்துகின்றன.
மொத்தத்தில், அண்ணா நகர் தொகுதி திமுகவின் வலுவான கோட்டையாகக் கருதப்படுகிறது. வரவிருக்கும் சட்டமன்றத் தேர்தலிலும் இத்தொகுதி திமுகவுக்கு சாதகமாக இருக்கும் என அரசியல் விமர்சகர்கள் கருதுகின்றனர்.
