Neeraj Chopra: நீரஜ் சோப்ராவிற்கு இராணுவத்தில் புதிய கௌரவம்.. பதவி உயர்வு வழங்கிய பாதுகாப்பு துறை அமைச்சர்!
Neeraj Chopra Lieutenant Colonel: இந்திய தடகளத்திற்கு நீரஜ் சோப்ராவின் பங்களிப்பு அளவிட முடியாதது. 2022ம் ஆண்டில் இந்திய ராணுவத்தால் வழங்கப்படும் மிக உயர்ந்த அமைதிக்கால அலங்காரமான பரம் விஷிஷ்ட் சேவா பதக்கத்தை நீரஜ் சோப்ரா பெற்றார். இந்த சாதனைகளில், நீரஜ் சோப்ரா இந்தியாவில் தடகளம் மற்றும் ஈட்டி எறிதலில் ஒரு அலையை உருவாக்கினார்.
இந்தியாவின் தங்க மகன் என்று அழைக்கப்படும் நட்சத்திர ஒலிம்பிக் தடகள வீரர் நீரஜ் சோப்ராவிற்கு (Neeraj Chopra) இன்று அதாவது 2025 அக்டோபர் 22ம் தேதி இந்திய ராணுவத்தில் லெப்டினன்ட் கர்னல் பதவிக்கு பதவி உயர்வு பெற்றார். விளையாட்டில் சிறந்த சாதனைகள் புரிந்ததற்காகவும், இளைஞர்களை ஊக்குவித்ததற்காகவும் நீரஜ் சோப்ராவிற்கு இந்த கௌரவத்தை இந்திய இராணுவம் (Indian Army) வழங்கியது. மத்திய பாதுகாப்பு துறை அமைச்சர் ராஜ்நாத் சிங் மற்றும் ராணுவத் தலைமை ஜெனரல் உபேந்திர திவேதி முன்னிலையில் டெல்லியில் நீரஜ் சோப்ராவிற்கு இந்த விருது வழங்கப்பட்டது. முன்னதாக, தங்க மகன் நீரஜ் சோப்ரா கடந்த 2016ம் ஆண்டு இந்திய ராணுவத்தில் நைப் சுபேதராக இணைந்தார். இதனை தொடர்ந்து, கடந்த 2021ம் ஆண்டு சுபேதராக நீரஜ் சோப்ரா பதவி உயர்வு பெற்றார்.
ALSO READ: 50 ஓவர்களும் சுழற்பந்து வீச்சு! வங்கதேசத்திற்கு எதிராக வெஸ்ட் இண்டீஸ் சம்பவம்!
நீரஜ் சோப்ராவிற்கு புதிய கௌரவம்:
நீரஜ் சோப்ராவின் இந்திய ராணுவத்தில் லெப்டினன்ட் கர்னல் பதவிக்கான நியமனம் கடந்த 2026ம் ஆண்டு ஏப்ரல் 16ம் தேதி முதல் அமலுக்கு வந்தது. கடந்த 2016ம் ஆண்டு நீரஜ் சோப்ரா இந்திய ராணுவத்தில் சேர்ந்தார். ஈட்டி எறிதலில் நீரஜ் சோப்ராவின் தொடர்ச்சியான செயல்திறனுக்காக 2018ல் அர்ஜுனா விருது பெற்றார். 3 ஆண்டுகளுக்குப் பிறகு, டோக்கியோ ஒலிம்பிக்கில் ஆண்கள் ஈட்டி எறிதலில் தங்கப் பதக்கம் வென்று வரலாறு படைத்தார். இந்த வெற்றியின் மூலம், அவர் இந்தியாவில் மில்லியன் கணக்கான இளைஞர்களின் நம்பிக்கையாக மாறினார். இதனை தொடர்ந்து, 2021ம் ஆண்டு கேல் ரத்னா விருதையும் நீரஜ் பெற்றார்.
இந்திய தடகளத்திற்கு நீரஜ் சோப்ராவின் பங்களிப்பு அளவிட முடியாதது. 2022ம் ஆண்டில் இந்திய ராணுவத்தால் வழங்கப்படும் மிக உயர்ந்த அமைதிக்கால அலங்காரமான பரம் விஷிஷ்ட் சேவா பதக்கத்தை நீரஜ் சோப்ரா பெற்றார். இந்த சாதனைகளில், நீரஜ் சோப்ரா இந்தியாவில் தடகளம் மற்றும் ஈட்டி எறிதலில் ஒரு அலையை உருவாக்கினார்.
ALSO READ: மீண்டும் பாகிஸ்தான் வீரர்களுக்கு எதிராக சம்பவம்! கபடியில் கைகுலுக்க மறுத்த இந்திய வீரர்கள்!
கௌரவிக்கப்பட்ட நீரஜ் சோப்ரா:
#WATCH | Delhi | Olympic medallist javelin thrower Neeraj Chopra conferred the honorary rank of Lieutenant Colonel in the Indian Army, in the presence of Defence Minister Rajnath Singh and COAS General Upendra Dwivedi pic.twitter.com/bjLwuvoSLj
— ANI (@ANI) October 22, 2025
ஈட்டி எறிதலில் நீரஜ் சோப்ரா தொடர்ந்து செய்த சாதனைகளின் அடிப்படையில், 2022ம் ஆண்டில் அவர் சுபேதார் மேஜர் பதவிக்கு உயர்த்தப்பட்டார். அதே ஆண்டு, அவருக்கு இந்தியாவின் நான்காவது மிக உயர்ந்த குடிமகன் விருதான பத்மஸ்ரீ விருது வழங்கப்பட்டது. நீரஜ் சோப்ரா கடைசியாக உலக தடகள சாம்பியன்ஷிப்பில் பங்கேற்றார். இங்கு அவர் எட்டாவது இடத்தைப் பிடித்தார்.
