IPL 2026: ஆர்சிபி பவுலர்களை கதறவிட்ட சேட்டை பையன் வைபவ்.. ராஜஸ்தான் ராயல்ஸ் அதிரடி வெற்றி!
RR vs RCB Highlights: முதலில் பேட்டிங் செய்த ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 8 விக்கெட்டுகள் இழப்பிற்கு 201 ரன்கள் எடுத்தது. இலக்கை துரத்திய ராஜஸ்தான் ராயல்ஸ் அணி 15 வயதே ஆன வைபவ் சூர்யவன்ஷி மற்றும் துருவ் ஜூரெல் அதிரடியால் 18 ஓவர்களில் ராஜஸ்தான் ராயல்ஸ் அணி 202 ரன்களை கடந்து வெற்றி பெற்றது.
வைபவ் சூர்யவன்ஷி - துருவ் ஜுரெல்
ஐபிஎல் 2026 சீசனின் (IPL 2026) 16வது போட்டியில் இன்று அதாவது 2026 ஏப்ரல் 10ம் தேதி ராஜஸ்தான் ராயல்ஸ் அணியும், ராயல் சேலஞ்சர்ஸ் பெங்களூரு அணியும் கவுகாத்தியில் மோதியது. மழை காரணமாக போட்டியானது 8.40 மணிக்கு தாமதமாக தொடங்கியது. இதையடுத்து, முதலில் பேட்டிங் செய்த ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 8 விக்கெட்டுகள் இழப்பிற்கு 201 ரன்கள் எடுத்தது. இலக்கை துரத்திய ராஜஸ்தான் ராயல்ஸ் அணி 15 வயதே ஆன வைபவ் சூர்யவன்ஷி மற்றும் துருவ் ஜூரல் அதிரடியால் 18 ஓவர்களில் ராஜஸ்தான் ராயல்ஸ் அணி 202 ரன்களை கடந்து வெற்றி பெற்றது.
ALSO READ: முகுல் சௌத்ரியிடம் ஜாக்கிரதை.. அன்றே எதிரணியை எச்சரித்த அர்ஜுன் டெண்டுல்கர்!
தாமதமாக தொடங்கிய போட்டி:
A 🔝 team effort to sign off the Guwahati leg unbeaten 💪💗 pic.twitter.com/zOrDWZ2VrO
— Rajasthan Royals (@rajasthanroyals) April 10, 2026
மழை காரணமாக டாஸ் தாமதமானதால், ஆட்டம் சுமார் 45 நிமிடங்கள் தாமதமாகத் தொடங்கியது. ராயல் சேலஞ்சர்ஸ் பெங்களூரு அணியின் தொடக்க வீரராக களமிறங்கிய விராட் கோலி 32 ரன்கள் எடுத்தார். ஒரு கட்டத்தில், ஆர்சிபி அணி 94 ரன்களுக்கு 6 விக்கெட்டுகளை இழந்திருந்தது, ஆனால் கேப்டன் ரஜத் பதிதார் நிலைத்து நின்று 63 ரன்கள் எடுத்துப் போராடி, பெங்களூரு அணியை 200 ரன்களைக் கடக்கச் செய்தார்.
202 ரன்கள் என்ற இலக்கைத் துரத்திய ராஜஸ்தான் அணி, 13 ரன்கள் மட்டுமே எடுத்திருந்த யஷஸ்வி ஜெய்ஸ்வாலை இழந்தது. இருப்பினும், வைபவ் சூர்யவன்ஷி வெறும் 15 பந்துகளில் அரைசதம் அடித்து அசத்தினார். இதற்கிடையில், ராஜஸ்தான் அணி பவர்பிளேயிலேயே 97 ரன்கள் எடுத்திருந்தது. சூர்யவன்ஷி ஒரு வரலாற்றுச் சதத்தை நோக்கிச் சென்று கொண்டிருந்தார் என்று நினைத்தபோது, 26 பந்துகளில் 78 ரன்கள் எடுத்து ஆட்டமிழந்தார். வைபவ், துருவ் ஜூரலுடன் இணைந்து வெறும் 37 பந்துகளில் 108 ரன்கள் பார்ட்னர்ஷிப் அமைத்தார்.
ALSO READ: மகேந்திர சிங் தோனி விளையாடுவாரா இல்லையா..? களமிறங்கும் தேதி இதோ!
இன்னிங்ஸின் 9வது ஓவரில் வைபவ் ஆட்டமிழக்க, அடுத்த பந்திலேயே க்ருணால் பாண்டியா, ஹெட்மியரை ரன் எதுவும் எடுக்காமல் வெளியேற்றினார். ஆனால், அதன் பிறகு துருவ் ஜூரல் பொறுப்பேற்று பெங்களூரு பந்துவீச்சாளர்களைத் துவம்சம் செய்தார். ஜூரல் 43 பந்துகளில் 81 ரன்கள் எடுத்து ஆட்டமிழக்காமல் இருந்தார். ஒரு கட்டத்தில், ராஜஸ்தான் அணி வெறும் 5 ரன்களுக்கு மூன்று விக்கெட்டுகளை இழந்தது, ஆனால் மறுமுனையில் ரவீந்திர ஜடேஜா ஜூரலுக்கு சிறப்பாக ஆதரவளித்தார். ஜூரலும் ஜடேஜாவும் இணைந்து 68 ரன்கள் பார்ட்னர்ஷிப் அமைத்து ராஜஸ்தான் அணியை வெற்றிக்கு வழிநடத்தினர்.
