IPL 2026: நேருக்கு நேர் மோதலில் சமநிலை.. பஞ்சாப் vs குஜராத்! வெற்றி யாருக்கு?
PBKS vs GT Playing 11: பஞ்சாப் கிங்ஸ் மற்றும் குஜராத் டைட்டன்ஸ் அணிகள் இதுவரை 6 போட்டிகளில் நேருக்கு நேர் மோதியுள்ளன. இந்தப் போட்டிகளில் இரு அணிகளின் வெற்றி-தோல்வி கணக்கு சமமாக உள்ளது. இரு அணிகளும் தலா 3 போட்டிகளில் வெற்றி பெற்றுள்ளன. இந்த வெற்றி-தோல்வி கணக்கு, அவ்விரு அணிகளையும் சமநிலையில் வைக்கிறது.
சுப்மன் கில் - ஷ்ரேயாஸ் ஐயர்
ஐபிஎல் 2026 சீசனின் (IPL 2026) நான்காவது போட்டியில் பஞ்சாப் கிங்ஸ் மற்றும் குஜராத் டைட்டன்ஸ் அணிகளுக்கிடையே இன்று அதாவது 2026 மார்ச் 31ம் தேதி நடைபெற உள்ளது. இந்தப் போட்டியானது புதிய சண்டிகரில் உள்ள முல்லன்பூரில் அமைந்துள்ள மகாராஜா யாதவிந்திர சிங் சர்வதேச கிரிக்கெட் ஸ்டேடியத்தில் இரவு 7.30 மணிக்கு தொடங்குகிறது. பஞ்சாப் கிங்ஸ் (Punjab Kings) அணிக்கு ஷ்ரேயாஸ் ஐயரும், குஜராத் டைட்டன்ஸ் அணிக்கு சுப்மன் கில்லும் தலைமை தாங்குகின்றனர். ஐபிஎல் 2026ல் பஞ்சாப் மற்றும் குஜராத் அணிகளுக்கு இது இந்த சீசனின் முதல் போட்டியாகும். இரு அணிகளும் தங்களது பயணத்தை ஒரு வெற்றியுடன் தொடங்க முனையும். அதன்படி, எந்த அணி போட்டியை வெல்ல அதிக வாய்ப்புள்ளது என்பதை தெரிந்து கொள்வோம்.
பஞ்சாப் கடந்த 2025 சீசனில் இறுதிப்போட்டி வரை முன்னேறி 2ம் இடத்தைப் பிடித்தது. 2025 ஐபிஎல் சீசனில் பஞ்சாப் கிங்ஸ் அணி ராயல் சேலஞ்சர்ஸ் பெங்களூரு அணிக்கு எதிராக இறுதிப் போட்டியில் விளையாடி, தோல்வியை சந்தித்தது. இருப்பினும், ஷ்ரேயாஸ் ஐயரின் தலைமையின் கீழ், கடந்த 2025 சீசனில் அந்த அணி மிகச் சிறப்பாகச் செயல்பட்டது. எனவே, குஜராத்தை விட பஞ்சாப் அணிக்கு சாதகமான நிலை இருக்கலாம்.
ALSO READ: குஜராத்தை சொந்த மண்ணில் எதிர்கொள்ளும் பஞ்சாப்.. இதுவரை யார் ஆதிக்கம்?
பஞ்சாப் மற்றும் குஜராத் நேருக்கு நேர் மோதல்:
பஞ்சாப் கிங்ஸ் மற்றும் குஜராத் டைட்டன்ஸ் அணிகள் இதுவரை 6 போட்டிகளில் நேருக்கு நேர் மோதியுள்ளன. இந்தப் போட்டிகளில் இரு அணிகளின் வெற்றி-தோல்வி கணக்கு சமமாக உள்ளது. இரு அணிகளும் தலா 3 போட்டிகளில் வெற்றி பெற்றுள்ளன. இந்த வெற்றி-தோல்வி கணக்கு, அவ்விரு அணிகளையும் சமநிலையில் வைக்கிறது.
இதற்கிடையில், கடந்த 2025 சீசனில் இரு அணிகளின் மோதலை கணக்கில் கொண்டால், பஞ்சாப் அணியே வெற்றி பெறும் எனத் தெரிகிறது. 2025ல், பஞ்சாப் கிங்ஸ் அணி குஜராத் டைட்டன்ஸ் அணியை 11 ரன்கள் வித்தியாசத்தில் தோற்கடித்தது. எனவே, இந்தப் போட்டியில் பஞ்சாப் அணிக்குச் சாதகமாக இருக்கும் என்று எங்கள் கணிப்புக் கருவி கூறுகிறது. எந்த அணி இந்தப் போட்டியில் வெற்றி பெறுகிறது என்பதைப் பார்ப்பது சுவாரஸ்யமாக இருக்கும்.
ALSO READ: ஐபிஎல்லில் இதுவரை 3 போட்டிகளும் ஒரே மாதிரி.. வெறுப்படையும் கிரிக்கெட் ரசிகர்கள்..!
கணிக்கப்பட்ட இரு அணிகளின் விவரம்:
பஞ்சாப் கிங்ஸ்:
பிரப்சிம்ரன் சிங் (விக்கெட் கீப்பர்), ஷ்ரேயாஸ் ஐயர் (கேப்டன்), நேஹல் வதேரா, மார்கஸ் ஸ்டோனிஸ், ஷஷாங்க் சிங், அஸ்மதுல்லா ஓமர்சாய், மார்கோ ஜான்சன், அர்ஷ்தீப் சிங், சேவியர் பார்ட்லெட், யுஸ்வேந்திர சாஹல்.
குஜராத் டைட்டன்ஸ்:
சுப்மன் கில் (கேப்டன்), சாய் சுதர்ஷன், ஜோஸ் பட்லர் (விக்கெட் கீப்பர்), வாஷிங்டன் சுந்தர், ஷாருக் கான், ராகுல் தெவாடியா, ஜேசன் ஹோல்டர், ரஷித் கான், ககிசோ ரபாடா, முகமது சிராஜ், பிரசித் கிருஷ்ணா.
