Health Tips: உணவை மெதுவாக சாப்பிடுவது ஏன் நல்லது..? எடை அதிகரிப்பை தடுக்குமா?
Slow Eating Benefits: உணவை மெதுவாகவும் முழுமையாகவும் மென்று சாப்பிடுவது நமது செரிமானத்தை மேம்படுத்துவதோடு மட்டுமல்லாமல், நமது உடலை வலுப்படுத்தவும் உதவுகிறது. நாம் உணவை சரியாக மென்று மெதுவாக சாப்பிடும்போது, நல்ல ஆரோக்கியத்தை பராமரிக்க அவசியமான வைட்டமின்கள், தாதுக்கள் மற்றும் புரதங்கள் போன்ற அத்தியாவசிய ஊட்டச்சத்துக்களை நமது உடல் எளிதாக உறிஞ்சுகிறது.
பலரும் தங்களுக்குள் முன் இருக்கும் உணவை வேகவேகமாக (Eating Quickly) சாப்பிட்டு முடிப்பார்கள். இது உங்கள் ஆரோக்கியத்திற்கு மிகவும் ஆபத்தானது என்று உங்களுக்கு தெரியுமா..? இன்றைய நவீன வாழ்க்கை முறையில், மக்களுக்கு போதுமான நேரமின்மை கிடைப்பது கிடையாது. இது நமது அன்றாட வாழ்க்கையை மட்டுமல்ல, ஆரோக்கியத்தையும் பாதிக்கிறது. மக்கள் தங்கள் உணவை மிக விரைவாக சாப்பிடுவது மிகவும் தவறான வழிகளில் ஒன்றாகும். மருத்துவர்களின் கூற்றுப்படி, ஒருவர் தனது உணவை மெதுவாக உண்ணும்போது, நம் உடலில் பல பயனுள்ள மாற்றங்கள் காணப்படுகின்றன, அவை ஆரோக்கியத்திற்கு (Healthy Tips) மிகவும் நன்மை பயக்கும்
மேலும், இது பல நோய்களிலிருந்து நம்மைப் பாதுகாப்பதில் முக்கிய பங்கு வகிக்கின்றன. நீங்கள் மெதுவாக உணவை உட்கொண்டால், அது நமது வயிற்றின் அதாவது குடலின் ஆரோக்கியத்திற்கு மிகவும் பயனுள்ளதாக இருக்கும்.
ALSO READ: இதயத்திற்கு இந்த 5 உணவுகள் எதிரிகள்.. எச்சரிக்கும் மருத்துவர் பிள்ளை!
மெதுவாக சாப்பிடுவது ஏன் செரிமானத்திற்கு முக்கியம்?
ஊட்டச்சத்து நிபுணர்களின் கூற்றுப்படி, மெதுவாக சாப்பிடுவதும் நன்றாக மென்று சாப்பிடுவதும் நமது வயிற்றுக்கும் செரிமான செயல்முறைக்கும் நன்மை பயக்கும். உணவு சிறிய துண்டுகளாக உடைந்து நம் வயிற்றுக்குள் நுழையும் போது, அதை ஜீரணிக்க நம் உடல் அவ்வளவு கடினமாக உழைக்க வேண்டியதில்லை. நாம் உணவை நன்றாக மென்று சாப்பிடும்போது, நமது உமிழ்நீர் உணவை ஜீரணிக்க உதவும் நொதிகளின் உற்பத்தியை அதிகரிக்கிறது.
மெதுவாக சாப்பிடுவது எடை அதிகரிப்பை தடுப்பது எப்படி?
மெதுவாக சாப்பிடுவது எடை அதிகரிப்பதைத் தடுக்கவும் உதவும். மெதுவாக சாப்பிடுவது நம் மூளைக்கு அதிக உணவுகளை சாப்பிட்டு விட்டதாக கணக்கு காட்டும். இதனால் அதிகமாக சாப்பிடுவதை நிறுத்த உதவுகிறது. அதேநேரத்தில், வேகவேகமாக சாப்பிடுவது மூளைக்கு சாப்பிட்ட முழுமையான உணர்வை தராது. இது நம்மை அதிகமாக சாப்பிட வழிவகுக்கிறது. இது எடை அதிகரிப்பதற்கான முக்கிய காரணங்களில் ஒன்றாகும்.
மெதுவாகவும் நிதானமாகவும் சாப்பிடுவது நமது செரிமானத்திலும் வாய்வழி
ஆரோக்கியத்திலும் நல்லது. நாம் மெதுவாக சாப்பிட்டு உணவை நன்றாக மென்று சாப்பிடும்போது, நமது ஈறுகள் மற்றும் பற்கள் நல்ல பயிற்சி பெறுகின்றன. உணவை நன்றாக மென்று சாப்பிடுவது உமிழ்நீர் உற்பத்தியை அதிகரிக்கிறது. இதன் காரணமாக, இது தீங்கு விளைவிக்கும் பாக்டீரியாக்களை அகற்றி, துர்நாற்றத்தைத் தடுத்து, நமது வாயை சுத்தமாக வைத்திருக்கிறது.
ALSO READ: இதயத்திற்கு இந்த 5 உணவுகள் எதிரிகள்.. எச்சரிக்கும் மருத்துவர் பிள்ளை!
ஊட்டச்சத்துக்களை முறையாக உறிஞ்சும்:
உணவை மெதுவாகவும் முழுமையாகவும் மென்று சாப்பிடுவது நமது செரிமானத்தை மேம்படுத்துவதோடு மட்டுமல்லாமல், நமது உடலை வலுப்படுத்தவும் உதவுகிறது. நாம் உணவை சரியாக மென்று மெதுவாக சாப்பிடும்போது, நல்ல ஆரோக்கியத்தை பராமரிக்க அவசியமான வைட்டமின்கள், தாதுக்கள் மற்றும் புரதங்கள் போன்ற அத்தியாவசிய ஊட்டச்சத்துக்களை நமது உடல் எளிதாக உறிஞ்சுகிறது. ஆனால் நாம் உணவை அரைக்காமல் முழுமையாகவும் அவசரமாகவும் சாப்பிட்டால், நமது குடல்கள் முழுமையான உணவுகளை சரியாக உடைக்க முடியாது. இதன் காரணமாக ஊட்டச்சத்துக்களை உறிஞ்சுவதற்கு உடல் கடினமாக உழைக்க வேண்டியிருக்கும். இது ஆரோக்கியத்திற்கு நல்லதல்ல.
