Kidney Stones: சிறுநீரக கற்கள் ஏற்படுவதற்கான காரணங்கள்! வராமல் தடுக்க உதவும் குறிப்புகள்..!
Kidney Stone Prevention: சிறுநீரகக் கற்கள் ஏற்படுவதற்கான உண்மையான காரணங்கள் என்ன? அதன் அறிகுறிகள் என்ன? அந்தப் பிரச்சினையைத் தடுப்பது எப்படி? என்ற கேள்விகள் உங்களுக்கு எழுந்தால் வாழ்க்கை முறையுடன், சில உடல்நலப் பிரச்சினைகளும் சிறுநீரகக் கற்களை ஏற்படுத்தும். எனவே அந்த காரணங்கள் என்ன என்பதை தெரிந்து கொள்வோம்.
சிறுநீரக கற்கள்
இன்றைய கால இளைஞர்கள் பலரும் சிறுநீரக கற்கள் (Kidney Stones) பிரச்சனையை எதிர்கொள்கின்றனர். அதன்படி, சிறுநீரகக் கற்கள் ஏற்படுவதற்கான பல்வேறு காரணங்கள் உள்ளது. உங்கள் உடலுக்குள் சிறுநீரக கற்கள் தோன்றும்போது, பல்வேறு உடல்நலப் பிரச்சினைகளும் (Health Issues) தோன்றும். அதனால்தான் அவற்றை சாதாரண விஷயமாக எடுத்து கொள்ளக்கூடாது. மருத்துவ உதவியுடன், சிறுநீரகக் கற்களை அகற்ற சில சுகாதார குறிப்புகளையும் பின்பற்ற வேண்டும். இந்தநிலையில், சிறுநீரகக் கற்கள் ஏற்படுவதற்கான உண்மையான காரணங்கள் என்ன? அதன் அறிகுறிகள் என்ன? அந்தப் பிரச்சினையைத் தடுப்பது எப்படி? என்ற கேள்விகள் உங்களுக்கு எழுந்தால் வாழ்க்கை முறையுடன், சில உடல்நலப் பிரச்சினைகளும் சிறுநீரகக் கற்களை ஏற்படுத்தும். எனவே அந்த காரணங்கள் என்ன என்பதை தெரிந்து கொள்வோம்.
குடும்ப பின்னணி
உங்கள் குடும்பத்தில் யாருக்காவது சிறுநீரக கற்கள் இருந்தால், உங்களுக்கும் வருவதற்கான வாய்ப்புகள் அதிகமாக உள்ளது. ஏனெனில் இவை மரபணு ரீதியாக முன்கூட்டியே ஏற்படக்கூடியவை என்று கூறப்படுகிறது.
நீரேற்றம்
உடலில் நீர்ச்சத்து குறைவாக இருந்து, உடலுக்கு போதுமான அளவு நீர் கிடைக்காதபோது, சிறுநீரகக் கற்கள் உருவாகும் அபாயம் உள்ளது. ஏனெனில், உடல் நீர் பெறாதபோது, சிறுநீரில் உள்ள அனைத்து தாதுக்களும் ஒன்றாகச் சேர்ந்து கற்களாக உருமாற தொடங்கும்.
ALSO READ: தைராய்டு உள்ளவர்கள் சாப்பிடக்கூடாத உணவுகள்.. இதை சாப்பிட்டால் கட்டுப்படுத்துவது கடினம்!
உப்பு
அதிகப்படியான உப்பு உட்கொள்வதும் சிறுநீரகக் கற்களை ஏற்படுத்தும் என்று சுகாதார நிபுணர்கள் கூறுகின்றனர். அதிகப்படியான புரத உட்கொள்ளலும் இந்தப் பிரச்சினையை ஏற்படுத்தும். புரதத்திற்காக உட்கொள்ளும் இறைச்சி சிறுநீரில் கால்சியம் அளவை அதிகரிக்கிறது. இவை சிறுநீரகங்களில் கற்கள் உருவாகும் அபாயத்தை அதிகரிக்கின்றன.
உணவுகள்
கீரை, பீட்ரூட், சாக்லேட் மற்றும் கோதுமை ரொட்டி போன்ற ஆக்சலேட் உணவுகளை குறைக்க வேண்டும். ஏனெனில் இவை சிறுநீரக கற்கள் உருவாக வழிவகுக்கும்.
உடற்பயிற்சி
அதிக எடை கொண்டவர்கள் மற்றும் சரியான வாழ்க்கை முறையைப் பின்பற்றாதவர்களுக்கும் சிறுநீரகக் கற்கள் உருவாகும் அபாயம் இருப்பதாகக் கூறப்படுகிறது. உடற்பயிற்சி ஆரோக்கியத்திற்கு நல்லது மற்றும் சிறுநீரக ஆரோக்கியத்தை மேம்படுத்துகிறது.
இவை தவிர, ஹைப்பர்பாராதைராய்டிசம், யூரிக் அமிலப் பிரச்சினைகள் மற்றும் மலச்சிக்கல் போன்ற பிரச்சினைகளும் சிறுநீரகக் கற்களுக்கு வழிவகுக்கும்.
ALSO READ: உங்கள் கால்கள் காரணமின்றி அடிக்கடி வீங்குகிறதா? இந்த தீவிர நோயின் அறிகுறிகளாகும்!
சிறுநீரக கற்களால் ஏற்படும் பிரச்சனைகள்
சிறுநீரகக் கற்கள் இருந்தால், கடுமையான முதுகுவலி இருக்கும். வயிற்று வலி இருக்கும். சிறுநீரில் இரத்தம் வருதல், சிறுநீர் கெட்டியாவது போன்ற பிரச்சனைகள் இருக்கும். மேலும் உடல் வலி, காய்ச்சல், குளிர், வாந்தி, சிறுநீர் கழிப்பதை நிறுத்துதல், சிறுநீர் மஞ்சள் நிறமாக மாறுதல் போன்ற பிரச்சனைகள் தோன்றும். இவற்றைப் புறக்கணித்தால், சிறுநீரக செயல்பாடு பாதிக்கப்படும். சிறுநீரக கற்கள் வராமல் தடுக்க ஒரு நாளைக்கு குறைந்தது 3 லிட்டர் தண்ணீர் குடிக்க வேண்டும். உப்பு, இனிப்புகள் மற்றும் பதப்படுத்தப்பட்ட உணவுகள் போன்றவற்றை அதிகளவில் சாப்பிடுவதை குறைக்க வேண்டும். அதேபோல், ஆக்சலேட் கொண்ட உணவுகளை குறைவாக சாப்பிட வேண்டும். நீங்கள் தினமும் உடற்பயிற்சி செய்ய வேண்டும்.