சர்க்கைரக்கு மாற்றாக தேனை சாப்பிடலாமா? உண்மை என்ன?
Sugar Control Alert : ஆயுர்வேதத்தில் தேன் முக்கிய உணவாக பரிந்துரைக்கப்படுகிறது. சிலர் தேனை சர்க்கரைக்கு மாற்றாக தேனை பயன்படுத்துகிறார்கள். ஆனால் நீரிழிவு நோயாளிகள் தேனை சாப்பிடலாமா என்ற சந்தேகம் பலருக்கும் இருக்கும். இந்த கட்டுரையில் அது குறித்து விரிவாக பார்க்கலாம்.
தேன் (Honey) என்பது ஊட்டச்சத்துக்கள் கொண்ட ஒரு ஆயுர்வேத மருந்து. ஏனெனில் இதில் வைட்டமின்கள், தாதுக்கள் மற்றும் ஆக்ஸிஜனேற்றிகள் போன்ற ஊட்டச்சத்துக்கள் நிறைந்துள்ளன. இயற்கை மருத்துவத்தில் தேன் பரிந்துரைக்கப்படுகிறது. ஆனால் நீரிழிவு நோயாளிகள் (Diabetic) இதை சர்க்கரைக்கு மாற்றாக சாப்பிடலாமா என்ற சந்தேகம் நிலவி வருகிறது. தேனில் வைட்டமின் சி (Vitamin C), பொட்டாசியம், கால்சியம் மற்றும் துத்தநாகம் போன்ற வைட்டமின்கள் மற்றும் தாதுக்கள் உள்ளன. இது அழற்சி எதிர்ப்பு பண்புகளையும் கொண்டுள்ளது. நீரிழிவு நோயாளிகள் ஊட்டச்சத்து மதிப்புள்ள தேனை உட்கொண்டால் என்ன ஆகும் என்பது குறித்து இந்த கட்டுரையில் விரிவாக பார்க்கலாம்.
சர்க்கரைக்கு பதிலாக தேனை சாப்பிடலாமா?
மருத்துவர்களின் அறிவுரைப்படி நீரிழிவு நோயாளிகள் சர்க்கரைக்கு மாற்றாக தேனை சாப்பிடக்கூடாது. ஏனெனில் அது எந்த வகையிலும் நல்லதல்ல. தேனில் சர்க்கரையை விட அதிக கார்போஹைட்ரேட்டுகள், கலோரிகள் மற்றும் இனிப்பு உள்ளது. இது இரத்த சர்க்கரை அளவை விரைவாக அதிகரிக்கிறது. எனவே சர்க்கரைக்கு மாற்றாக இதைப் பயன்படுத்துவது நல்லதல்ல. ஆனால் நீங்கள் தேனை சாப்பிட விரும்பினால், அதை குறைவான அளவு எடுத்துக்கொள்ளலாம். தேனில் கலோரிகள் அதிகம். இதுவே எடை அதிகரிப்பதற்கு முக்கிய காரணம். எனவே நீரிழிவு நோயாளிகள் தங்கள் இரத்த சர்க்கரை அளவைக் கட்டுக்குள் வைத்திருப்பது அவசியம். சிறிய அளவில் தேனை சாப்பிடவும் நிபுணர்கள் அறிவுறுத்துகிறார்கள்.
இதையும் படிக்க : வைட்டமின் D குறைபாடு: புற்றுநோய் அபாயத்தை அதிகரிக்குமா?
தேன் ஏன் நல்லதல்ல?
தேனில் குறைந்த கிளைசெமிக் குறியீடு இருந்தாலும் இது இரத்த சர்க்கரை அளவை அதிகரிக்கிறது. ஒரு தேக்கரண்டி தேனில் 17 கிராம் கார்போஹைட்ரேட்டுகள் உள்ளன. மற்ற கார்போஹைட்ரேட்டுகளுடன் தேனை உட்கொள்வது படிப்படியாக இரத்த சர்க்கரை அளவை அதிகரிக்கிறது. உலக சுகாதார அமைப்பின் படி ஒரு டீஸ்பூன் தேனில் சுமார் 64 கலோரிகள், 17 கிராம் சர்க்கரை, 17 கிராம் கார்போஹைட்ரேட்டுகள், 0.06 கிராம் புரதம் மற்றும் 0.04 கிராம் நார்ச்சத்து உள்ளது. தேனில் பொட்டாசியம், கால்சியம், துத்தநாகம், வைட்டமின் சி மற்றும் ஆக்ஸிஜனேற்றிகள் போன்ற ஊட்டச்சத்துக்கள் உள்ளன. ஆனால் அவற்றின் அளவு மிகக் குறைவு. ஆரோக்கியமான மக்கள் தேன் உட்கொள்வது நன்மை பயக்கும். ஆனால் நீரிழிவு நோயாளிகள் தேனைத் தவிர்க்க வேண்டும். இது சர்க்கரையைப் போலவே இரத்த சர்க்கரை அளவை அதிகரிக்கிறது.
இதையும் படிக்க : கால்சியம் தொடர்பாக சொல்லப்படும் கட்டுக்கதைகள்.. உண்மை உடைக்கும் மருத்துவர்கள்!
நீரிழிவு நோயாளிகள் தங்கள் இரத்த சர்க்கரை அளவைக் கட்டுப்படுத்த ஆரோக்கியமான உணவை உண்ண வேண்டும். இரத்த சர்க்கரை அளவை விரைவாக அதிகரிக்கும் உணவுகள் மற்றும் சர்க்கரையை முற்றிலும் தவிர்க்க வேண்டும். அதுமட்டுமின்றி அவர்கள் ஒவ்வொரு நாளும் உடற்பயிற்சி செய்ய வேண்டும். அவர்கள் சரியான நேரத்தில் தூங்க வேண்டும். அவர்கள் தங்கள் மருந்துகளை சரியான நேரத்தில் எடுத்துக்கொள்ள வேண்டும். இவை அனைத்துடனும், அவர்கள் ஒவ்வொரு நாளும் தங்கள் இரத்த சர்க்கரை அளவை சரிபார்க்க வேண்டும்.
