Earphones Side Effects: தூங்கும்போது ஹெட்போன் இல்லாமல் தூங்க மாட்டிங்களா..? உஷார்! இந்த பிரச்சனைகள் வரலாம்!

தூக்கத்தில் ஹெட்ஃபோன்

இப்போதெல்லாம், பெரும்பாலான மக்கள் நகர இரைச்சலில் இருந்து தப்பிக்க அல்லது நாகரீகமாகத் தோன்ற ஹெட்ஃபோன்களைப் (Head Phone) பயன்படுத்துகிறார்கள். அலுவலகம், கல்லூரி அல்லது பயணம் என எதுவாக இருந்தாலும், ஹெட்ஃபோன்கள் அல்லது இயர்போன்கள் அனைவரின் விருப்பமான துணையாக மாறிவிட்டன. ஹெட்ஃபோன்கள் வெளிப்புற சத்தத்திலிருந்து உங்களைப் பாதுகாக்கின்றன என்பது உண்மைதான். இருப்பினும், சிலர் மிகவும் அடிமையாகி, தூங்கும் போதும் (Sleeping) இசையைக் கேட்கிறார்கள். அதன் தீங்கு விளைவிக்கும் விளைவுகள் அவர்களுக்குத் தெரியாது. மக்கள் பெரும்பாலும் தூங்க செல்வதற்கு முன் காதுகளில் ஹெட்ஃபோன்களை மாட்டிகொண்டு இசையைக் கேட்பது, அவர்கள் நன்றாக தூங்குவதற்கு உதவுகிறது என்று நம்புகிறார்கள். ஆனால், இந்த பழக்கம் தீங்கு விளைவிக்கும் என்று உங்களுக்கு தெரியுமா..?

காதுகளுக்கு சேதம்:

இரவு முழுவதும் இயர்போன்களை வைத்துக்கொண்டு இசையைக் கேட்கும்போது, ​​உங்கள் மூளை முழுமையாக ஓய்வெடுக்காது. மூளையின் சில பகுதிகள் சுறுசுறுப்பாக இருக்கும். உங்கள் இதயத் துடிப்பும் துரிதப்படுத்தப்படலாம். தூங்கும் போது இயர்போன்களை அணிவது உங்கள் காதுகளில் தீங்கு விளைவிக்கும். சில சமயங்களில், அது காதுக்கு சேதத்தை கூட ஏற்படுத்தும்.

ALSO READ: 6, 7, 8.. எவ்வளவு மணிநேரம் தூங்குவது நல்லது..? மருத்துவர் சந்தோஷ் ஜேகப் விளக்கம்!

தூக்கத்தின் தரம் கெடும்:

இரவு முழுவதும் இயர்போன் அணிந்துகொண்டு இசையை கேட்பது, உங்கள் தூக்கத்தை பாதிக்க செய்யும். இது நீங்கள் முழுமையாக ஓய்வு எடுப்பது தடுத்துவிடும். அடிக்கடி தூக்கத்தில் எழுவது, மனத்திற்குள் படங்கள் ஓடுவது என நிகழும். இந்த தூக்கமின்மை காரணமாக அன்றைய நாள் முழுவதும் உங்கள் சோர்வை கொடுத்து, வேலையை பாதிக்கும்.

மன அழுத்தம்:

இரவு முழுவதும் இசையை கேட்பது உங்கள் மூளை ஓய்வெடுப்பதற்கு பதிலாக சுறுசுறுப்பாக வைத்திருக்க செய்யும். இதன் காரணமாக, மூளை ஓய்வெடுக்காதபோது, நீங்கள் மன அழுத்தத்திற்கு ஆளாகலாம். இது நாளடைவில் எரிச்சல் மற்றும் பதட்டத்தை கொடுக்கும்.

அதிக நேரம் இயர்போன் பயன்படுத்துவதால் ஏற்படும் பிரச்சனைகள்:

காது கேளாமை

இயர்போன்கள் அல்லது ஹெட்ஃபோன்கள் மூலம் சத்தமாக இசையைக் கேட்பது உங்கள் கேட்கும் திறனைப் பாதிக்கும். காதுகளின் கேட்கும் திறன் 90 டெசிபல்கள் மட்டுமே, இது தொடர்ந்து கேட்பதன் மூலம் 40-50 டெசிபல்களாகக் குறையும்.

தலைவலி

ஹெட்ஃபோன்கள் அல்லது இயர்போன்கள் வெளியிடும் மின்காந்த அலைகள் மூளையில் தீங்கு விளைவிக்கும். இது தலைவலி மற்றும் ஒற்றைத் தலைவலியை ஏற்படுத்தும். பலர் தூக்கக் கலக்கம், தூக்கமின்மை அல்லது தூக்கத்தில் மூச்சுத்திணறல் போன்றவற்றாலும் பாதிக்கப்படுகின்றனர்.

காது தொற்று

காதுகுழாய்கள் நேரடியாக காதில் பொருத்தப்படுவதால், காற்றுப் பாதைகள் தடைபடுகின்றன. இந்த அடைப்பு பாக்டீரியா வளர்ச்சி உட்பட பல்வேறு வகையான காது தொற்றுகளுக்கு வழிவகுக்கும்.

ALSO READ: காரணமில்லாமல் கண்களில் தண்ணீர் வருகிறதா..? காரணம் இதுதான்..!

இதய நோய் அபாயம்

நிபுணர்களின் கூற்றுப்படி, ஹெட்ஃபோன்களை அணிந்துகொண்டு மணிக்கணக்கில் இசை கேட்பது காதுகளுக்கு மட்டுமல்ல, இதயத்திற்கும் மோசமானது. இது இதயத் துடிப்பை அதிகரிப்பது மட்டுமல்லாமல் இதயத்திற்கும் குறிப்பிடத்தக்க சேதத்தை ஏற்படுத்துகிறது.