நார்ச்சத்து குறைபாட்டால் உடலில் ஏற்படும் பாதிப்புகள் என்ன? எப்படி தவிர்ப்பது?
Fiber Deficiency Alert: உங்களுக்கு வாயு தொல்லைகள், மலச்சிக்கல் அல்லது வயிற்றில் வலி இருந்தால் அது நிச்சயமாக உங்கள் உணவில் நார்ச்சத்து குறைபாடாக இருக்கலாம். நார்ச்சத்து குறைபாட்டால் உடலில் ஏற்படும் பிரச்னைகள் என்ன? அவற்றை சரி செய்ய எடுத்துக்கொள்ள வேண்டிய உணவுகள் என்ன? என்பது குறித்து இந்த கட்டுரையில் விரிவாக பார்க்கலாம்.
நார்ச்சத்து (Fiber) குறைவாக எடுத்துக்கொள்வதால் செரிமான மண்டலம் (Digestive System) கடுமையாக பாதிக்கும். இப்போதெல்லாம் துரித உணவு மற்றும் பதப்படுத்தப்பட்ட உணவுகளை அதிகம் எடுத்துக்கொள்வதால், நார்ச்சத்து என்பதே இல்லாமலே போய்விட்டது. நார்ச்சத்து என்பது வயிற்றை பாதுகாப்பதற்கு மட்டுமல்லாமல், குடலின் ஆரோக்கியத்தை மேம்படுத்து் முக்கியமான ஒரு நார்ச்சத்து ஆகும். உங்கள் உணவில் நார்ச்சத்து குறைவாக இருந்தால், அது செரிமான அமைப்பை நேரடியாகப் பாதிக்கிறது. படிப்படியாக இந்தப் பிரச்னை பெரிய நோய்களாக மாறக்கூடும். எனவே தினமும் உணவில் நார்ச்சத்து இருப்பதை உறுதி செய்வது அவசியம்.
டெல்லி எய்ம்ஸ் மருத்துவமனையின் இரைப்பை குடல் துறையைச் சேர்ந்த டாக்டர் தீபக் குஞ்சன், நார்ச்சத்து குறைபாடு படிப்படியாக உங்கள் குடலை பலவீனப்படுத்தி, வயிறு தொடர்பான பல நோய்களை ஏற்படுத்தும் என்று விளக்குகிறார். தினமும் 25 முதல் 30 கிராம் நார்ச்சத்து உட்கொள்வது முக்கியம். இதற்கு, உங்கள் உணவில் பழங்கள், காய்கறிகள், சிறுதானியங்கள் மற்றும் பருப்பு வகைகளை சேர்த்துக்கொள்வது மிகவும் முக்கியம். மேலும் பிரச்சனை தொடர்ந்தால், நிச்சயமாக ஒரு மருத்துவர் அல்லது உணவியல் நிபுணரை அணுகவும். நார்ச்சத்து குறைபாட்டால் உடலில் என்ன அறிகுறிகள் தோன்றும், அதை எவ்வாறு சமாளிப்பது என்பதை இந்த கட்டுரையின் மூலம் தெரிந்துகொள்ளலாம்.
இதையும் படிக்க : செரிமான ஆரோக்கியத்தைப் பாதிக்கும் 5 மோசமான பழக்கங்கள்…
நார்ச்சத்து குறைபாட்டால் உடலில் ஏற்படும் பிரச்னைகள்
- உங்களுக்கு வாரத்திற்கு குடல் பிரச்னை ஏற்பட்டால் அல்லது மலம் மிகவும் கடினமாக இருந்தால், அது உங்கள் உணவில் நார்ச்சத்து குறைவாக இருப்பதற்கான அறிகுறியாகும்.
- நார்ச்சத்து செரிமானத்திற்கு உதவுகிறது. இதன் குறைபாட்டால், உணவு சரியாக ஜீரணமாகாது, வயிறு வீக்கமாகவும் கனமாகவும் தோன்றும். மேலும் வாயுப்பிரச்னைகளும் ஏற்படும்.
- நார்ச்சத்து நீண்ட நேரம் வயிறு நிரம்பிய உணர்வைத் தரும். உங்களுக்கு அடிக்கடி பசி ஏற்பட்டால், உங்கள் உணவில் நார்ச்சத்து குறைவாக இருக்கலாம்.
- நார்ச்சத்து நிறைந்த உணவுகள் மெதுவாக ஜீரணமாகின்றன, இது உடலுக்கு அதிக சக்தியை அளித்து அதிகமாக சாப்பிடுவதைத் தடுக்கிறது. நார்ச்சத்து இல்லாததால் அதிகமாக சாப்பிட்டு எடை அதிகரிக்கும்.
- நார்ச்சத்து இரத்த சர்க்கரையை சீராக வைத்திருக்க உதவுகிறது. இதன் குறைபாடு நீரிழிவு நோயின் அபாயத்தை அதிகரிக்கும்.
- கரையக்கூடிய நார்ச்சத்து உடலில் இருந்து கெட்ட கொழுப்பை (LDL) வெளியேற்ற உதவுகிறது. நார்ச்சத்து குறைபாடு இருந்தால், இதயம் தொடர்17041பான நோய்கள் ஏற்படும் அபாயம் அதிகரிக்கக்கூடும்.
இதையும் படிக்க : காலையில் எழுந்ததும் முதலில் சாப்பிட வேண்டிய உணவுகள் என்ன? ஆயுர்வேத மருத்துவர்கள் அறிவுரை
நார்ச்சத்து எங்கிருந்து கிடைக்கும்?
- ஆப்பிள், பேரிக்காய், பப்பாளி, கொய்யா போன்ற பழங்கள்.
- கேரட், பீன்ஸ், கீரை, பட்டாணி போன்ற காய்கறிகள்
- ஓட்ஸ், பழுப்பு அரிசி, ஓட்ஸ், பார்லி போன்ற தானியங்கள்.
- கொண்டைக்கடலை, பாசிப்பருப்பு போன்ற பருப்பு மற்றும் பயறு வகைகள்.
- ஆளி விதைகள், சியா விதைகள், பாதாம் போன்ற நட்ஸ் வகைகள்
