Health Tips: அதிகரிக்கும் வெப்பநிலை..! ஒரு நாளைக்கு எவ்வளவு லிட்டர் தண்ணீர் குடிப்பது நல்லது?

தண்ணீர் குடித்தல்

கோடை காலம் (Summer) மட்டுமின்றி, மற்ற பருவ காலங்களிலும் எவ்வளவு தண்ணீர் குடிக்க வேண்டும், ஏன் அடிக்கடி குடிக்க வேண்டும், எப்போது குடிக்கக்கூடாது என்பது பற்றி அதிகமாக யாரும் தெரிந்துகொள்வது கிடையாது. ஆனால் உடலின் ஒவ்வொரு செல்லையும் உயிர்ப்புடன் வைத்திருக்க உதவுவது தண்ணீர்தான். ஒரு குறிப்பிட்ட வயதுடைய ஒருவரின் உடலில் (Health Care) சுமார் 60 சதவீதம் தண்ணீரால் ஆனது. சிறிதளவு நீர் பற்றாக்குறை கூட மனநிலை, நினைவாற்றல், தோல் மற்றும் செரிமானத்தை பாதிக்கும். பலரும் தாகம் எடுத்தால் மட்டுமே தண்ணீரை நினைவில் கொள்ள தொடங்குகிறோம். தாகம் ஏற்படும்போது வாய் வறண்டு போகத் தொடங்கும். அப்போது உடலானது ஏற்கனவே நீர் பற்றாக்குறையால் அவதிப்பட தொடங்கிவிட்டது என்று அர்த்தம். அதன்படி, ஒருவர் எப்போது தண்ணீர் குடிக்க வேண்டும் என்பது பற்றி தெரிந்து கொள்வோம்.

ALSO READ: கடும் வெயிலில் உடல்நலத்தை பாதுகாக்க உதவும் எளிய வழிகள்

அடிக்கடி தண்ணீர் குடிப்பது ஏன் முக்கியம்?

உலக சுகாதார அமைப்பின் கூற்றுப்படி உடல் வெப்பநிலை, இரத்த ஓட்டம் மற்றும் சரியான உறுப்பு செயல்பாட்டை பராமரிக்க போதுமான நீர் அவசியம். குறிப்பாக வெப்பமான வானிலை, நோய் அல்லது தீவிர உடல் செயல்பாடுகளின் போது உடலில் நீரிழப்பு விரைவாக ஏற்பட தொடங்கும். இது உடனடியாக பெரியளவில் பாதிப்பை ஏற்படுத்தாது எனினும், மாறாக சிறிய அன்றாட வாழ்வில் அசௌகரியங்களாக வெளிப்படும்.

தண்ணீர் பற்றாக்குறையின் அறிகுறிகள் என்ன?

• நீங்கள் இரவு முழுவதும் நன்றாக தூங்கி எழுந்த பிறகும், உங்கள் உடலானது தொடர்ந்து சோர்வாக உணரவைத்தால் இது நீரிழப்பின் அறிகுறியாக இருக்கலாம்.
• குறைந்த திரவ அளவு இரத்த அளவைக் குறைத்து, இதயம் கடினமாக வேலை செய்ய கட்டாயப்படுத்துகிறது. இது கவனத்தையும் பாதிக்கும்.
• தேசிய சுகாதார நிறுவனங்களின்படி, படிப்படியாக அதிகரிக்கும் லேசான தலைவலி நீரிழப்பின் ஆரம்ப அறிகுறியாகும்.
• நீரிழப்பு மூளை திசுக்களில் தற்காலிக சுருக்கத்தை ஏற்படுத்தி, அழுத்தத்தில் மாற்றங்களை ஏற்படுத்தும் மற்றும் வலியை ஏற்படுத்தும். மந்தமாகவும் இறுக்கமாகவும் உணரும் சருமமும் ஒரு அறிகுறியாக இருக்கலாம்.
• முகத்தைக் கழுவிய பின் மெல்லிய சுருக்கங்களும் உடலில் நீரிழப்பைக் குறிக்கலாம்.

சிறுநீர் வழியாக ஏற்படும் அறிகுறிகள்:

சிறுநீரின் நிறமும் பலவற்றை வெளிப்படுத்த தொடங்கும். வெளிர் மஞ்சள் நிறம் சாதாரணமாகக் கருதப்படுகிறது. ஆனால், அடர் மஞ்சள் அல்லது கடுமையான மணம் கொண்ட சிறுநீர் திரவக் குறைபாட்டைக் குறிக்கிறது. மலச்சிக்கல் அல்லது மெதுவாக செரிமானம் என்பது போதுமான நீர் உட்கொள்ளலுடன் தொடர்புடையதாக இருக்கலாம். ஏனெனில், குடல்கள் மலத்திலிருந்து தண்ணீரை உறிஞ்சுகின்றன. இனிப்புகளுக்கான திடீர் ஏக்கமும் சில நேரங்களில் நீரிழப்புடன் தொடர்புடையது. தசைப்பிடிப்பு அல்லது திடீர் தலைச்சுற்றல் கூட எலக்ட்ரோலைட் சமநிலையின்மையின் அறிகுறியாக இருக்கலாம்.

ALSO READ: கோடைக்காலத்தில் பால் சீக்கிரம் கெடுவதற்கான காரணம் என்ன?

சுகாதார நிபுணர்கள் அறிவுறுத்தலின்படி, ஒரு குறிப்பிட்ட வயதை எட்டியவர்கள் ஒரு நாளைக்கு 2 முதல் 3 லிட்டர் நீர் வரை குடிக்க வேண்டும் என்று கூறுகிறார்கள். இருப்பினும் நீங்கள் குடிக்க வேண்டிய நீரின் அளவு வயது, வானிலை மற்றும் செயல்பாட்டைப் பொறுத்தது. எனவே, உடலில் நீர் பற்றாக்குறை ஏற்படாத அளவிற்கு அடிக்கடி தண்ணீர் குடிப்பது முக்கியமானது.